Vadodara: ભાજપના કાર્યકરોએ જ પ્રમુખને ધોઈ નાખ્યા, પૂતળાને બદલે પ્રમુખ માર ખાઈ ગયા

Vadodara: નેશનલ હેરાલ્ડ મુદ્દે રાહુલ ગાંધી અને સોનિયા ગાંધી સામે ઈડી દ્વારા તપાસ કરવામાં આવી રહી છે. આ કાર્યવાહી થતાં નેશનલ હેરાલ્ડ મુદ્દે વડોદરામાં મોટી સંખ્યામાં ભાજપના કાર્યકોએ વિરોધ પ્રદર્શન કર્યું હતુ. તે દરમિયાન તેમના જ યુવા મોરચાના પ્રમુખને ભેગા થઈને માર માર્યો હતો.

યુવા મારચા પ્રમુખ પાર્થ પુરોહિત પર તેમના જ કાર્યકરોએ ટપલીઓ મારી હતી. જેનો વીડિયો વાઈરલ થઈ રહ્યો છે. જ્યારે પુરોહિત રાહુલ ગાંધીનું પુતળું બાળવા લઈને આવ્યા ત્યારે કાર્યકરોએ ઉહાપોહ મચાવ્યો હતો. રાહુલ ગાંધીના પૂતળાના મારવાના અને બાળવાના ઉત્સાહમાં પાર્થ પુરોહિતને ઝાપટો ઉપરા છાપરી મારી દીધી હતી.

જેથી કોંગ્રેસનો વિરોધ કરવા નિકળેલા યુવા પ્રમુખ પાર્થ પુરોહિત પોતાના જ કાર્યકરોના હાથે માર ખાઈ બેઠાં છે. રાહુલનું પૂતળુ સળગાવે તે પહેલા જ ભાજપ પ્રમુખ પાર્થ પુરોહિતને ધીબી નાખવામાં આવે છે. તેઓ છૂટવાનો બહુ પ્રયત્ન કરે છે, પણ કાર્યકરો છોડતાં નથી. ત્યારે સવાલ થઈ રહ્યા છે કે કાર્યકરોએ આ ભડાસ કાઢી છે. કે જાણી જોઈને આ કૃત્ય આચર્યું છે?, શું કાર્યકરોઓેને આટલા મોટા પ્રમુખ દેખાયા નહીં હોય. આ ઘટના અકોટા ચાર રસ્તા, દાંડિયા બજાર પાસે બની છે.

કેટલાંક અહેવાલો દ્વારા એવી માહિતી મળે છે કે પ્રમુખને પૂતળુ સમજી ધીબી નાખ્યા. અને પછી કાર્યકરોઓને ખબર પડતાં હસવા લાગે છે.

વડોદરામાં ભાજપના કાર્યકર્તાઓએ જ તેમના નેતા પર હાથ સાફ કર્યો#Vadodara #bjp #viralvideo #thegujaratreport pic.twitter.com/R9PV9YicEY

— The Gujarat Report (@TGujarat_Report) April 18, 2025