હવામાન વિભાગે રાજ્યમાં આગામી ત્રણ દિવસ કમોસમી વરસાદ સાથે કરા પડવાની આગાહી કરી છે. આ સાથે રાજ્યના કેટલાક વિસ્તારોમાં વિજળી ત્રાટક્વાની પણ ચેતવણી આપી છે. આ વચ્ચે બનાસકાંઠા અને અમદાવાદના કેટલાક વિસ્તારોમાં કમોસમી વરસાદના છાંટણા શરૂ થઈ ગયા છે.
બનાસકાંઠાના ડિસા અને પાંથાવાડા પંથકમાં કમોસમી વરસાદની શરૂઆત થતાં ઘઉં, બટાકા, જીરૂ, ઈસબગુલ સહિતના પાકોને નુકશાનની ભીતિ સેવાઇ રહી છે. તો બીજી તરફ અમદાવાદના મણિનગર, ઇસનપુર સહિતના વિસ્તારોમાં વરસાદના છાંટા શરૂ થયા છે. આથી કાકરિયા કાર્નિવલમાં પહોંચેલા લોકોની કમોસમી વરસાદે મજા બગાડી છે.
ઉલ્લેખનિય છે કે, હવામાન વિભાગ દ્વારા આગામી ત્રણ દિવસ રાજ્યભરમાં કમોસમી વરસાદની આગાહી કરી છે. આ આગાહી પ્રમાણે અઢી ઇંચ સુધીમાં વરસાદ પડવાની આગાહી કરી છે, તો 40થી 50 ઝડપે પવન ફૂકાવાની શક્યતા પણ વ્યક્ત કરવામાં આવી છે.
