Ahmedabad: સાબરમતી નદી સ્વચ્છતા અભિયાનમાં મેયર, ધારાસભ્યો અને કમિશનરે કરી સફાઈ, કોર્પોરેટરો ના ફરક્યા

Ahmedabad: આજથી અમદાવાદ (Ahmedabad) શહેરના મધ્યમાંથી પસાર થતી સાબરમતી નદીને (Sabarmati River) સાફ કરવાનુ અભિયાન હાથ ધરવામાં આવ્યું છે. આ સ્વચ્છતા અભિયાનમાં અમદાવાદ શહેરના તમામ પદાધિકારીઓને જોડાવવાના હતા. જો કે, આજે સવારે જ્યારે આ સ્વચ્છતા અભિયાન શરુ કરવામાં આવ્યું હતું. ત્યારે મેયર પ્રતિભા જૈન અને ધારાસભ્યો સહિત ભાજપના પદાધિકારીઓ અને મ્યુનિસિપલ કમિશનર બંછાનિધિ પાની જોડાયા હતા અને તેમને નદીમાં ઉતરીને સાફ સફાઈ કરી હતી. પરંતુ આ સફાઈ અભિયાનમાં જાણે કોર્પોરેટરોને રસ ન હોય તેમ કોઈ અહીં જોવા પણ ન આવ્યા. ત્યારે સાફ સફાઈની વાત આવે ત્યારે કોર્પોરેટરો કેમ દુર રહ્યા ? શું તેમને એવું અભિમાન હશે કે ગંદરી કોણ સાફ કરે કે પછી પદાધિકારીઓનું કોર્પોરેટરો માનતા નથી?

સાબરમતી નદી સ્વચ્છતા અભિયાનથી કોર્પોરેટરો રહ્યા દૂર

મળતી માહિતી મુજબ આજથી સાબરમતી નદીનું સ્વચ્છતા અભિયાન કોર્પોરેશન દ્વારા હાથ ધરવામાં આવ્યું છે. આ સફાઈ અભિયાનમાં વિવિધ સંસ્થાઓ સહિત ભાજપના પદાધિકારીઓ જોડાયા હતા પરંતું ભાજપના 160 માંથી માત્ર 25-30 કોર્પોરેટરો જ અભિયાનમાં જોડાયા હતા. અન્ય કોર્પોરેટરો અહીં ફરક્યાં ન પણ નહોતા. ત્યારે સવાલ તે થાયછે કે,જયારે કોઈ રેલી વગેરે કાર્યક્રમ હોય ત્યારે મોટી સંખ્યામાં કોર્પોરેટરો જોડાતા હોય છે અને જ્યારે સફાઈ વાત આવી ત્યારે કોર્પોરેટરો ફરકતા પણ નથી.

સાબરમતી નદી સ્વચ્છતા અભિયાનનો આજથી પ્રારંભ

અમદવાદમાં આજથી સાબરમતી ગાંધીઆશ્રમની પાછળના ભાગે રિવરફ્રન્ટ પર સાબરમતી નદી સ્વચ્છતા અભિયાન હાથ ધરવામા આવ્યું છે. આ અભિયાનમાં જોડાવવા માટે કોર્પોરેટરથી લઈને ધારાસભ્યો સહિત ભાજપના પદાધિકારીઓને જોડાવવા માટે જણાવવામાં આવ્યું હતું. આ અભિયાન અંતર્ગત મેયરે હાથમાં ગ્લવઝ તેમજ મોંઢે માસ્ક બાંધીને હાથમાં પાવડો લઈને સફાઈ કરી હતી તેમજ મ્યુનિ. કમિશનર, સ્ટેન્ડિંગ ચેરમેન અને શાસક પક્ષના નેતાએ હાથથી નદીમાં લોકો દ્વારા નાખવામાં આવેલી ધજાને ભારે જહેમત કરીને બહાર કાઢી હતી. આમ આ સફાઈ અભિયાનમાં નદીમાંથી પ્લાસ્ટિક, ભગવાનના ફોટા, ધજાઓ, માળાઓ, ફૂલો, પથ્થરો સહિતની વસ્તુઓ મળી હતી.