BJP Gujarat: મુખ્યમંત્રીના વિસ્તારમા આવેલ ભાજપ કાર્યાલયમાં જ ચોરી, બે લોકોની ધરપકડ

BJP Gujarat: રાજ્યમાં ચોરીની ઘટનાઓમાં દિવસેને દિવસે વધારો થઈ રહ્યો છે. રાજ્યમાં જાણે કે કાયદો અને વ્યવસ્થા એટલી કથળી ગઈ છે કે, ચોરીનો કોઈનો ડર પણ નથી રહયો. ચોરોથી સામાન્ય લોકો તો ઠીક પરંતુ હવે ભાજપ કાર્યાલય પણ સુરક્ષિત નથી. ગુજરાતમાં ભાજપ કાર્યાલયમાં ચોરીની ઘટના બનતા ખળભળાટ મચી જવા પામ્યો છે.

ભાજપ કાર્યાલયમાં ચોરીની ઘટનાથી ખળભળાટ

મળતી માહિતી મુજબ ભાજપના કાર્યાલયમાંથી ચોરીની ઘટના સામે આવી છે જેમાં તસ્કરો ભાજપ કાર્યાલયમાંથી બે મોબાઈલ ચોરીને ચોર ભાગી ગયા હતા. આ મામલે પાર્ટીના કાર્યકરોની ફરિયાદ બાદ FIR નોંધવામાં આવી છે.પોલીસના જણાવ્યા મુજબ ઉત્તર ગોવાના સાંકેલીમ ખાતેના ભાજપ કાર્યાલયમાં બે માણસો ઘૂસી ગયા હતા અને તેઓ મોબાઇલ ફોન લઈને રફુચક્કર થઈ ગયા હતા. આ ઘટના મામલે પોલીસે કાર્યવાહી કરતા બે શંકાસ્પદ લોકોની ધરપકડ કરી છે.

ચોરીની ઘટના મામલે વિપક્ષે ભાજપ પર સાધ્યું નિશાન

ભાજપ કાર્યાલયમાં ચોરીની ઘટના મામલે વિપક્ષે ભાજપ પર નિશાન સાંધ્યું છે. ગોવા પ્રદેશ કોંગ્રેસ સમિતિના મીડિયા સેલના અધ્યક્ષ અમરનાથ પંજીકરે સરકાર પર પ્રહાર કર્યા હતા. તેમણે કહ્યું હતુ કે, જો શાસક પક્ષના પોતાના કાર્યાલયો સુરક્ષિત નથી, તો તે ગોવામાં પોલીસિંગ અને શાસનની વર્તમાન સ્થિતિ વિશે ઘણું બધું કહે છે. તેમજ સરકારનું રાજ્યમાં બનતી ક્રાઈમની ઘટનાઓ પર કોઈ નિયંત્રણ ન હોવાનું જણાવ્યું હતું. તેમજ સરકાર મૂળભૂત જાહેર સલામતી સુનિશ્ચિત કરવામાં નિષ્ફળ ગઈ હોવાનું જણાવ્યું હતું. તેમણે દાવો કર્યો હતો કે, રાજ્યમાં કાયદો અને વ્યવસ્થા પડી ભાંગી છે. જેથી ચોર સત્તાધારી ભાજપના કાર્યાલયને પણ છોડતા નથી.