Ahmedabad Plane Crash: વિમાન દુર્ઘટના પર પાકિસ્તાન બોલ્યુ!

Ahmedabad Plane Crash: ગઈકાલે (12 જૂન, 2025) અમદાવાદના મેઘાણીનગર વિસ્તારમાં બનેલી વિમાન દુર્ઘટના અંગે પાકિસ્તાનના(Pakistan) પૂર્વ વિદેશ પ્રધાન બિલાવલ ભુટ્ટો(Bilawal Bhutto Zardari) ઝરદારીની પ્રતિક્રિયા સામે આવી છે. ઉલ્લેખનીય છે કે આ વિમાન દુર્ઘટનામાં સવાર 242 મુસાફરોમાંથી એક વ્યક્તિ જ જીવિત બચી છે. જે સીટ નં. 11A પર બેઠી હતી. પ્લેન જે બિલ્ડિંગ પર પડ્યું ત્યા રહેતાં ઈન્ટર્ન ડોક્ટરના પણ મોત થયા છે. જેથી મોતનો આંકડો 290 સુધી પહોંચી ગયો છે. આ દુર્ઘટનામાં પૂર્વ મુખ્યમંત્રી વિજય રુપાણીનું પણ મોત થયું છે.

બિલાવલ ભુટ્ટો શું કહ્યું?

બિલાવલ ભુટ્ટોએ કહ્યું કે એર ઇન્ડિયા અકસ્માતનો ઉલ્લેખ કરતા કહ્યું આ દુ:ખદ ઘટનાના સમાચાર સાંભળીને તેઓ દુઃખી થયા છે. તેમણે X પર પોસ્ટ કરીને કહ્યું, “હું ભારતના લોકો પ્રત્યે મારી ઊંડી સંવેદના વ્યક્ત કરું છું.”

એર ટ્રાફિક કંટ્રોલ (ATC) અનુસાર, એર ઇન્ડિયાની ફ્લાઇટ AI-171 એ ભારતીય સમય મુજબ 12 જૂને બપોરે 1:39 વાગ્યે અમદાવાદ એરપોર્ટના રનવે 23 પરથી ઉડાન ભરી હતી. રનવે 23 પરથી ઉડાન ભર્યા પછી તરત જ વિમાન એરપોર્ટની સીમાની બહાર જમીન પર પડી ગયું અને તે પછી તરત જ સ્થળ પરથી આકાશમાં કાળો ધુમાડો નીકળતો જોવા મળ્યો.

આ દુર્ઘટનાએ દેશભરમાં શોકની લાગણી ફેલાવી છે, અને અમદાવાદ એરપોર્ટ થોડા સમય માટે બંધ કરવામાં આવ્યું હતું, જોકે હવે કામગીરી ફરી શરૂ થઈ છે. CCTV ફૂટેજ અને ઘટનાસ્થળની તસવીરોમાં ભયંકર દ્રશ્યો જોવા મળ્યા, જેમાં વિમાનનો કાટમાળ અને મૃતદેહોના ઢગલા દેખાયા.

આ ઘટના ભારતના એવિએશન ઈતિહાસમાં સૌથી ગંભીર દુર્ઘટનાઓમાંની એક છે, અને તેના કારણોની ઊંડાણપૂર્વક તપાસ ચાલી રહી છે.