Ahmedabad plane crash: મલ્લિકાર્જુન ખડગેએ વીડિયો કોલ પર રુપાણીના પરિવાર સાથે વાત કરી

Ahmedabad plane crash: કોંગ્રેસ અધ્યક્ષ મલ્લિકાર્જુન ખડગેએ ગુજરાતના પૂર્વ મુખ્યમંત્રી વિજયભાઈ રૂપાણીના પત્ની અંજલી રૂપાણી અને તેમના પુત્ર સાથે વીડિયો કોલ દ્વારા વાતચીત કરી. આ વાતચીત દરમિયાન તેમણે પરિવારના દુઃખમાં સહભાગીદારી વ્યક્ત કરી અને સાંત્વના આપી.

આ પ્રસંગે ખડગેએ પોતાના સહાનુભૂતિપૂર્ણ સંદેશમાં પરિવારને આ દુઃખદ ઘડીમાં હિંમત અને ધૈર્ય જાળવવા માટે કહ્યું. આ વાતચીતનો હેતુ પરિવારને નૈતિક સમર્થન આપવાનો હતો. આ ઘટનાને લઈને સોશિયલ મીડિયા પર પણ ચર્ચા થઈ રહી છે, જેમાં ખડગેના આ માનવીય અભિગમની પ્રશંસા કરવામાં આવી રહી છે

31 DNA મેચ થયા

12 જૂને અમદાવાદમાં બનેલી વિમાન ક્રેશની ઘટનાએ ભારત જ નહીં પણ વિશ્વને હચમચાવી દીધું છે. આ ઘટનામાં વિમાનમાં સવાર 242માંથી માત્ર એક જ વ્યક્તિ જીવિત બચી છે. જ્યારે જે હોસ્ટેલ પર વિમના પડ્યું તેના પણ વિદ્યાર્થીઓ અને સ્ટાફ મોતને ભેટ્યા છે. મૃત્યુઆંક 300 સુધી પહોંચી શકે છે.

વિજય રૂપાણીના DNA મેચનો રિપોર્ટ આવ્યો નથી

હાલ અમદાવાદ સિવિલ હોસ્પિટલમાં મૃતકોના અને તેમના પરિવારજનોના DNA સેમ્પલિંગની કાર્યવાહી ચાલી રહી છે. તો બીજી તરફ 31 મૃતદેહોના સેમ્પલ મેચ થતાં તેઓના પરિવારજનોને મૃતદેહ સોંપવાની પણ શરૂઆત કરવામાં આવી છે. આ અંગે સિવિલ હોસ્પિટલના એડિશનલ સુપ્રિટેન્ડેન્ટ ડૉ. રજનીશ પટેલે જણાવ્યું હતું કે, શનિવારે રાત્રે 10 વાગ્યા સુધીમાં ત્રણ પરિવારોને મૃતદેહ સોંપી દેવામાં આવ્યા હતા. જ્યારે આજે સવારે 9 વાગ્યા સુધીમાં અન્ય 9 મૃતદેહ મળી કુલ 12 મૃતદેહ પરિવારને સોંપવામાં આવ્યા છે. જેટલા લોકોના DNA મેચ થયા છે તેમાંથી હજુ સુધી પૂર્વ મુખ્યમંત્રી વિજય રૂપાણીના DNA મેચનો કોઇ રિપોર્ટ આવ્યો નથી.

#WATCH | Gujarat: Congress National President Mallikarjun Kharge spoke to former Gujarat CM and BJP leader Vijay Rupani’s son and wife via video call and shared the family’s grief.

Rupani lost his life in the Air India Flight AI 171 crash in Ahmedabad on 12 June.

(Source:… pic.twitter.com/0AviPCThcM

— ANI (@ANI) June 14, 2025