• ‘બોયફ્રેન્ડે બળજબરી કરવાનો પ્રયાસ કર્યો’
• બોયફ્રેન્ડે જ હત્યા કર્યાના આક્ષેપ
• હત્યારાનું પગેરું મેળવવાના પોલીસના પ્રયાસ

Sheetal Simmi Chaudhary Murder Mystery: આજે 16 જૂને હરિયાણાની ઉભરતી મ્યુઝિક વિડિયો કલાકાર અને મોડેલ શીતલ ઉર્ફે સિમ્મી ચૌધરીના મૃત્યુએ તેના ચાહકોને ચોંકાવી દીધા છે. બોયફ્રેન્ડ સાથે શૂટિંગ માટે ઘરેથી નીકળેલી શીતલનો મૃતદેહ બે દિવસ પછી એક નહેરમાંથી મળી આવ્યો છે.  તેના ગળા પર ઊંડા કાપના નિશાન હતા, જે સ્પષ્ટપણે દર્શાવે છે કે તેની ક્રૂરતાથી હત્યા કરવામાં આવી છે. તેના શરીરની ઓળખ તેના હાથ પરના ટેટૂથી થઈ હતી. હવે પ્રશ્ન એ છે કે શું આ મૃત્યુ માત્ર એક અકસ્માત હતો કે હત્યાનું કાવતરું?, પોલીસે તમામ પાસાઓની તપાસમાં લાગી છે.

યુવતી રહસ્યમય રીતે ગુમ થઈ હતી

પાણીપતની 23 વર્ષીય મોડેલ શીતલ હરિયાણવી મ્યુઝિક વીડિયોમાં કામ કરતી હતી. લોકો તેને સિમ્મી ચૌધરી તરીકે ઓળખાવતી હતી. તે 14 જૂને અહર ગામમાં શૂટિંગ માટે ગઈ હતી પરંતુ ઘરે પાછી ફરી ન હતી. મોડી સાંજ સુધી તેનો કોઈ સંપર્ક થયો ન હતો. ત્યારબાદ તેના પરિવારના સભ્યોએ પાણીપતના માટલૌડા પોલીસ સ્ટેશનમાં ગુમ થયાની ફરિયાદ નોંધાવી હતી. શીતલ ઉર્ફે સિમ્મી હરિયાણવી સંગીત ઉદ્યોગમાં એક ઉભરતી મોડેલ હતી.

પોલીસની શોધખોળ

પરિવારની ફરિયાદ પર પોલીસે તાત્કાલિક ગુમ નોંધ કેસ દાખલ  કરી તપાસ હાથ ધરી હતી.  પરિવારના સભ્યોએ જણાવ્યું કે શીતલ લાંબા સમયથી સોશિયલ મીડિયા પર સક્રિય હતી, પરંતુ 14 જૂન પછી તેનો કોઈ સંપર્ક થયો ન હતો. તેમજ તેની કોઈ પોસ્ટ પણ જોવા મળી ન હતી.

ગળું કાપીને હત્યા

બે દિવાસ બાદ આજે 16 જૂનના રોજ સોનીપત જિલ્લાના ખારખોડા પોલીસ સ્ટેશન વિસ્તારમાંથી રિલાયન્સ કેનાલમાંથી એક યુવતીનો મૃતદેહ મળી આવ્યો હતો. મૃતદેહની સ્થિતિ જોતાં સ્પષ્ટ થયું હતું કે યુવતીનું ગળું કાપીને હત્યા કરવામાં આવી હતી અને લાશને કેનાલમાં ફેંકી દેવામાં આવી હતી.

શરૂઆતમાં છોકરીના મૃતદેહની ઓળખ થઈ શકી ન હતી, પરંતુ તેના કાંડા અને છાતી પરના ટેટૂઝ દ્વારા તેની ઓળખ થઈ હતી. શીતલની બહેને તેના મૃતદેહને જોતાંની સાથે જ તેને ઓળખી લીધો. શીતલના મૃત્યુની જાણ થતાં જ પરિવારના સભ્યોમાં શોકનું મોજુ ફરી વળ્યું છે.

પોલીસે હત્યાની પુષ્ટિ કરી

સોનીપત પોલીસે ડીએસપી રાજબીર સિંહને ટાંકીને જણાવ્યું હતું કે છોકરીના ગળા પર ઊંડા ઘા છે, તેથી તે સ્પષ્ટપણે હત્યાનો મામલો છે, અકસ્માત નહીં. પોલીસે જણાવ્યું હતું કે છોકરીના મૃતદેહને પોસ્ટમોર્ટમ માટે સિવિલ હોસ્પિટલમાં મોકલવામાં આવ્યો છે.

આ કેસની તપાસ કરી રહેલી પોલીસનું કહેવું છે કે શીતલની હત્યા આયોજનપૂર્વક લાગે છે કારણ કે હત્યા બીજે ક્યાંક કરવામાં આવી હતી અને હત્યા બાદ લાશને નહેરમાં ફેંકી દેવામાં આવી હતી. શીતલનો મૃતદેહ જ્યાંથી મળ્યો હતો તે સ્થળની આસપાસના સીસીટીવી ફૂટેજ અને મોબાઇલ લોકેશન ડેટાની તપાસ કરવામાં આવી રહી છે.

બોયફ્રેન્ડ સાથે શૂંટિંગમાં ગઈ હતી

એવું કહેવામાં આવી રહ્યું છે કે શીતલ અને તેનો બોયફ્રેન્ડ જે કારમાં શૂટિંગ માટે ગયા હતા તે પાણીપતની નહેરમાંથી મળી આવી છે. શીતલનો બોયફ્રેન્ડ સુનીલ ઘાયલ હાલતમાં પાણીપતની એક હોસ્પિટલમાં દાખલ છે. જ્યારે શીતલનો મૃતદેહ સોનીપતમાં મળી આવ્યો હતો. તેથી બે જિલ્લાની પોલીસ હવે આ રહસ્ય ઉકેલવામાં રોકાયેલી છે. પોલીસનું કહેવું છે કે તે દિવસે શીતલ તેના બોયફ્રેન્ડ સુનીલ સાથે કારમાં હતી. પોલીસને કાર નહેરમાં પડી હોવાની માહિતી મળી હતી.

પરિવારને બોયફ્રેન્ડ પર જ શંકા

શીતલના પરિવારનો આરોપ છે કે આ હત્યામાં સુનિલનો હાથ હોઈ શકે છે. શીતલની બહેને જણાવ્યું હતું કે વીડિયો કોલમાં શીતલએ કહ્યું હતું કે તેનો બોયફ્રેન્ડ તેની સાથે બળજબરી કરવાનો પ્રયાસ કરી રહ્યો છે.

પોલીસે તપાસના ચક્ર ગતિમાન કર્યા

આ મામલો હરિયાણાના બે જિલ્લામાં ફસાયેલો છે. તેથી પાણીપત-સોનીપત પોલીસે આ મામલાની સંપૂર્ણ તપાસ કરવા માટે એક સંયુક્ત ટીમની રચના કરી છે. બંને જિલ્લાના પોલીસ સ્ટેશનોમાં કેસ નોંધાયા છે અને આ હત્યા કેસની તપાસ દરેક એંગલથી ચાલી રહી છે.

હત્યાના રહસ્યને ઉકેલવાનો પ્રયાસ 

બંને જિલ્લાની પોલીસ હવે એ જાણવાનો પ્રયાસ કરી રહી છે કે શું ખરેખર શીતલનું ગળું કાપીને હત્યા કરવામાં આવી હતી? શું હત્યા પછી તેનો મૃતદેહ નહેરમાં ફેંકી દેવામાં આવ્યો હતો? શું કાર અકસ્માત, અકસ્માત હતો કે પછી કાવતરાના ભાગ રૂપે કાર નહેરમાં ફેંકી દેવામાં આવી હતી?

મોબાઇલ અને સીસીટીવીની તપાસ

#WATCH | Haryana: A model, Sheetal found dead in Sonipat.

Sonipat ACP Headquarters Ajit Singh says, “We received information about the presence of the body of a woman in a canal. Police reached the spot and initiated an investigation. In the process of identifying the body, it… pic.twitter.com/L9XV8WDbzg

— ANI (@ANI) June 16, 2025

પોલીસ આ કેસની ઊંડાણપૂર્વક તપાસ કરી રહી છે.  જેથી આ મામલાના તળિયે પહોંચી શકાય. જેના કારણે શીતલ અને સુનીલના મોબાઇલ કોલ રેકોર્ડ, લોકેશન ડેટા, સોશિયલ મીડિયા ટ્રાફિક અને કેનાલ તરફ જતા રસ્તાઓ પર લગાવવામાં આવેલા તમામ સીસીટીવી કેમેરાના ફૂટેજની તપાસ કરવામાં આવી રહી છે. પોલીસને આશા છે કે ટૂંક સમયમાં હત્યાનું કારણ અને આરોપીઓ જાણી શકાશે.