Dirgh Patel Died In Air India Plane Crash: 12 જૂને અમદાવાદમાં થયેલી પ્લેન દુર્ઘટનામાં 280થી વધુ લોકો જીવ ગુમાવી ચૂક્યા છે. ગુજરાતના પૂર્વ મુખ્યમંત્રી વિજય રુપાણીનો પણ જીવ ગયો છે, ઘણા લોકો હજુ પણ લાપતાં છે. આ ઘટનામાં પક્ષી, પ્રાણી સહિતના મોત થયા છે. ફિલ્મ મેકરનું પણ મોત થયું છે. ત્યારે હવે જાણવા મળી રહ્યું છે આ દુર્ઘટનામાં એક 23 વર્ષિય ગુજરાતી ક્રિકેટરનું પણ મોત થયું છે.

ક્રિકેટર ફ્લાઇટમાં હતો

12 જૂનના રોજ એર ઈન્ડિયાની ફ્લાઈટ અમદાવાદથી લંડન જઈ રહી હતી, જે ટેક ઓફની માત્ર 2 મિનિટમાં જ ક્રેશ થઈ ગઈ હતી. એર ઈન્ડિયાનું આ વિમાન મેડિકલ વિદ્યાર્થીઓના હોસ્ટેલની ઉપર ક્રેશ થયું હતું, જેમાં લગભગ વિદ્યાર્થીઓ અને વિમાનમાં સવાર એક મુસાફર સિવાય બધાના મોત થયા હતા. આ 241 મુસાફરોમાં દીર્ઘ પટેલ નામનો એક ક્રિકેટર પણ હતો, જે લીડ્સ મોર્ડનિયન્સ ક્રિકેટ ક્લબ માટે ક્રિકેટ રમ્યો હતો.

હડર્સફિલ્ડ યુનિવર્સિટીના પ્રોફેસરે શું કહ્યું?

હડર્સફિલ્ડ યુનિવર્સિટીના એક પ્રોફેસરે જણાવ્યું હતું કે દીર્ઘા પટેલ એક એવો છોકરો હતો જે તેની શૈક્ષણિક ક્ષમતા, હૂંફ અને જુસ્સા માટે જાણીતો હતો. તે હંમેશા અભ્યાસ પ્રત્યે ઉત્સુક રહેતો હતો. તે વર્ગમાં આવતો અને મને પ્રશ્નો પૂછતો જે તેની ઊંડી સમજણ દર્શાવે છે.

વર્ષ 2024 માં દીર્ઘ પટેલે વિદેશી ખેલાડી તરીકે લીડ્સ મોર્ડનિયન્સ માટે ક્રિકેટ રમી હતી. ક્લબ પણ તેમના મૃત્યુના સમાચાર સાંભળીને ખૂબ જ દુઃખી છે. જેના સંદર્ભમાં એરડેલ અને વ્હાર્ફેડેલ સિનિયર ક્રિકેટ લીગના પ્રવક્તાએ જણાવ્યું હતું કે, “દીર્ઘ પટેલ, જે મૂળ ગુજરાતના હતા, તેમની નવી નોકરીમાં સ્થાયી થયા પછી રમત રમવાનું ચાલુ રાખવાનો ઇરાદો ધરાવતા હતા.”

તેમણે ફર્સ્ટ ઇલેવન માટે 20 મેચમાં બેટિંગમાં 312 રન બનાવ્યા અને બોલિંગમાં 29 વિકેટ લીધી. પટેલને તેમના પ્રોફેસરો અને તેમના ક્રિકેટ ક્લબ તરફથી શ્રદ્ધાંજલિ આપવામાં આવી.