Bhavnagar: એમ્બ્યુલન્સે યુવકને 6 ફૂટ ઊડાવ્યો, અકસ્માતનો લાઈવ વીડિયો જોઈ તમારા છાતીના પાટીયા બેસી જશે

Bhavnagar: ભાવનગર-સોમનાથ નેશનલ હાઈવે પર ભડી ટોલનાકા નજીક એક ગમ્ખવાર અકસ્માતની ઘટના સામે આવી છે, જેમાં એક ખાનગી એમ્બ્યુલન્સે બે પરપ્રાંતીય યુવકોને અડફેટે લઈને ઉડાવ્યા હતા જ્યારે બે મહિલાઓનો બચાવ થયો હતો. આ સમગ્ર ઘટના નજીકમાં લાગેલા સીસીટીવી કેમેરામાં કેદ થઈ, જેના ફૂટેજ સોશિયલ મીડિયા પર વાયરલ થઈ રહ્યા છે.

સાઈડ કાપવાની હોડમાં એમ્બ્યુલન્સે યુવકને 6 ફૂટ ઊડાવ્યો

મળતી માહિતી મુજબ ભાવનગર-સોમનાથ નેશનલ હાઈવે પર શુક્રવારે ચિરંજીવી’ નામની ખાનગી એમ્બ્યુલન્સ (નંબર GJ-04 AW-5128) તળાજા તાલુકાથી એક દર્દીને ભાવનગર મૂકીને પરત ફરી રહી હતી. ત્યારે ભાવનગર નજીક આવેલ ભડી ટોલનાકા પાસે પહોંચતા, એમ્બ્યુલન્સના ચાલકે અચાનક ડાબી સાઈડમાં જઈને ગફલતભરી રીતે સાઇડ કાપવા માટે વાહનનું સ્ટીયરિંગ ફેરવીને રોડની બાજુમાં ઊભેલા બે યુવકોને જોરદાર ટક્કર મારી ઉડાવ્યા હતા.

ભાવનગર-સોમનાથ નેશનલ હાઈવે પર અકસ્માત
પૂરપાટ ઝડપે આવતી એમ્બ્યુલન્સે 2ને અડફેટે લીધા
બે મહિલાઓ નજીકમાં જ હતી જેનો આબાદ બચાવ
પરપ્રાંતિય શ્રમિકોને અડફેટે લેતા CCTV પણ આવ્યા સામે#Gujarat #Bhavnagar #Somnath #Highway #CCTV #ViralVideo #GujaratFirst pic.twitter.com/bR4PpE8IkV
— Gujarat First (@GujaratFirst) August 16, 2025

બંને મજૂરોને સામાન્ય ઇજાઓ

આ બંને યુવકો પરપ્રાંતીય મજૂર હોવાનું જાણવા મળ્યું છે. જ્યારે નજીકમાં ઉભેલી બે મહિલાઓનો આબાદ બચાવ થયો છે. આ અકસ્માત સમયે બંને યુવકોની નજીક બે મહિલાઓ પણ ઊભી હતી. સદભાગ્યે, એમ્બ્યુલન્સની અડફેટમાં આવતા તેઓ આબાદ બચી ગઈ હતી. જોકે, આ ઘટનામાં બંને મજૂરોને સામાન્ય ઇજાઓ થવા પામી છે. અકસ્માત એટલો જોરદાર હતો કે બંને યુવકો ફંગોળાઈને દૂર સુધી પટકાયા હતા.

ઘટનાના સીસીટીવી ફૂટેજ આવ્યા સામે

આ ઘટનાના સીસીટીવી ફૂટેજ સામે આવ્યા બાદ લોકોમાં ભારે રોષ જોવા મળી રહ્યો છે. પોલીસે આ મામલે તાત્કાલિક તપાસ શરૂ કરી છે. એમ્બ્યુલન્સ ચાલકની બેદરકારી સ્પષ્ટ દેખાતી હોવાથી તેની સામે કાયદેસરની કાર્યવાહી હાથ ધરવામાં આવશે.

અહેવાલ: નિતીન ગોહેલ

આ પણ વાંચો

Surendranagar: બસ સ્ટેન્ડ નજીક કોમ્પ્લેક્ષના ધાબા પરથી શંકાસ્પદ હાલતમાં મળી મહિલાની લાશ, પોલીસે કર્યા ચોંકાવનારા ખુલાસા

PM Modi on RSS: 75મા જન્મદિવસ પહેલા મોદીનો RSSને ખુશ કરવાનો પ્રયાસ? વિપક્ષ લાલઘૂમ

Kishtwar Cloudburst: કિશ્તવાડમાં આભ ફાટવાથી 60 લોકોના મોત અને 120 ઘાયલ, ગુમ થયેલા લોકોની શોધખોળ ચાલુ

UP News: વારાણસીમાં ટ્રેનમાં બેસીને પોતાની બેનના ઘરે જતી યુવતીને અલ્તાફे છેતરી કર્યું આવું

Sofiya Qureshi-Vyomika Singh In KBC: આઝાદ ભારતમાં પહેલીવાર સેનાની વર્દી પહેરી ટીવીના મનોરંજક કાર્યક્રમમાં જવાની પરવાનગી આપતી મોદી સરકાર