‘એસ.ટી અમારી સલામત’ સવારી અસલામત બનતી જોવા અમરેલી જીલ્લામાં મળી રહી છે. જીલ્લાના ધારીના ચલાલા રોડ પર બે બસ વચ્ચે ભયંકર અકસ્મતા થયો છે. બે બસમાં સામ સામે ભટકાતાં ડ્રાઈવરોને ઈજાઓ પહોંચતાં હોસ્પિટલમાં ખસેડાયા છે. બંને બસમાં કુલ 40 મુસાફરો સવાર હતા. બસો અથડતાં મુસાફરોના જીવ તાળવે ચોટી ગયા હતા. કોઈ જાનહાની થઈ નથી.
પ્રાપ્ત માહિતી અનુસાર આજે સવારે અમરેલી જીલ્લાના ધારીના ચલાલા રોડ પર બે બસો વચ્ચે ભયંકર અકસ્માત થયો હતો. સામ સામે અથડતાં થડાકો થયો હતો. જેથી બસમાં સવાર મુસાફરો હચમચી ગયા હતા. જેમાં કેટલાક મુસાફરોને ઈજાઓ પહોંચી છે. જ્યારે બંને બસના ડ્રાઈવરોને વધુ ઈજાઓ થતાં હોસ્પિટલમાં ખસેડવામાં આવ્યા છે. સતાધાર તળાજા રૂટ અને ફતેપુરા ધારી રુટની બસ આમને સામને અથડાઈ છે. ચલાલા પોલીસ ઘટનાસ્થળે પહોંચીને ટ્રાફિક હળવો કર્યો છે. હાલ પોલીસે અકસ્માત અંગે વધુ કાર્યવાહી હાથ ધરી છે.
