Defamation Case: દિલ્હી હાઈકોર્ટે આજે બુધવારે અભિનેતા શાહરૂખ ખાન, તેની પત્ની ગૌરી ખાનની કંપની રેડ ચિલીઝ એન્ટરટેઈનમેન્ટ અને OTT પ્લેટફોર્મ નેટફ્લિક્સ સામે માનહાનિના કેસમાં સમન્સ જારી કર્યા છે. નાર્કોટિક્સ કંટ્રોલ બ્યુરો (NCB) ના ભૂતપૂર્વ અધિકારી સમીર વાનખેડે દ્વારા દાખલ કરવામાં આવેલી અરજી પર આ સમન્સ જારી કરવામાં આવ્યા છે. કોર્ટે તમામ પક્ષોને તેમના જવાબો દાખલ કરવા માટે સાત દિવસનો સમય આપ્યો છે. આગામી સુનાવણી 30 ઓક્ટોબરના રોજ નક્કી કરવામાં આવી છે.
સમીર વાનખેડેએ પોતાની અરજીમાં આરોપ લગાવ્યો છે કે 18 સપ્ટેમ્બરના રોજ રિલીઝ થયેલી વેબ સિરીઝ “ધ બેડ્સ ઓફ બોલિવૂડ” દ્વારા તેમની પ્રતિષ્ઠાને કલંકિત કરવામાં આવી છે. આ શો શાહરૂખ ખાનના પ્રોડક્શન હાઉસ, રેડ ચિલીઝ એન્ટરટેઈનમેન્ટ દ્વારા બનાવવામાં આવ્યો હતો અને તેને નેટફ્લિક્સ પર સ્ટ્રીમ કરવામાં આવ્યો હતો. વાનખેડેનો દાવો છે કે આ શ્રેણી તેમને NCB અધિકારી તરીકે દર્શાવે છે અને જે દ્રશ્યોમાં તેમને દર્શાવવામાં આવ્યા છે તે તેમને બદનામ કરે છે.
સમીર વાનખેડે 2 કરોડના નુકસાનની માંગ કરે છે
NCBના પૂર્વ અધિકારીએ કોર્ટને શોની સામગ્રીને બદનક્ષીભરી જાહેર કરવા વિનંતી કરી છે અને રુ. 2 કરોડના નુકસાનની માંગ કરી છે. વાનખેડેનો આરોપ છે કે શો પ્રસારિત થયા પછી, તેમને મીડિયામાં ઘણી અપમાનજનક ટિપ્પણીઓનો સામનો કરવો પડ્યો હતો, જેનાથી તેમની જાહેર છબીને ભારે નુકસાન થયું હતું. તેમના મતે, આ શો માત્ર ખોટો નથી પણ તેમની વ્યાવસાયિક પ્રામાણિકતા પર પણ પ્રશ્ન ઉઠાવે છે.
માનહાનિ અરજીમાં, તેમણે જણાવ્યું હતું કે કોઈ પણ સર્જનાત્મક અથવા ફિલ્મી કલ્પનાના આડમાં વ્યક્તિની છબી ખરડી શકાતી નથી. વાનખેડેએ એમ પણ નિર્દેશ કર્યો હતો કે શોમાં તેમનું નામ અથવા ઓળખ સીધી રીતે ઉપયોગમાં લેવામાં આવી ન હોય, પરંતુ દર્શકો માટે એ સ્પષ્ટ છે કે પાત્ર તેમનાથી પ્રેરિત છે.
પ્રારંભિક સુનાવણી દરમિયાન, દિલ્હી હાઈકોર્ટે તમામ પ્રતિવાદીઓને નોટિસ જારી કરી હતી, જેમાં તેમને સાત દિવસની અંદર જવાબ આપવાનો નિર્દેશ આપ્યો હતો. કોર્ટ 30 ઓક્ટોબરે તમામ પક્ષકારોની દલીલો સાંભળશે.
આ પણ વાંચો:
સાચે જ શાહરુખાને હની સિંહને તમાચો માર્યો હતો?, વાંચો હકિકત
viral video: મહિલાએ પેશાબ કરી કિચન સાફ કર્યું, વીડિયો થતાં લોકોમાં ખળભળાટ
Jagdish Panchal: ‘ભારતની બનાવટી વસ્તુ વાપરીશ’, ભાજપ પ્રમુખ જગદીશ પંચાલ આટલું બોલતાં જ કેમ થયા ટ્રોલ?
