Dhanteras 2025: આજે ધનતેરસનું પર્વ છે,જેને ધનવંતરી તરીકે પણ ઓળખવામાં આવે છે. પ્રાચીન કાળથી ધનતેરસ પર્વ ઉપર માં લક્ષ્મીજીની પૂજા સહિત દીવા પ્રગટાવવાનું વિશેષ મહત્વ રહેલું છે.ધનતેરસ પર દેવી લક્ષ્મી અને કુબેરના આશીર્વાદ મેળવવા માટે ક્યાં અને કેવી રીતે દીવા પ્રગટાવવા તેમજ આજે ધનતેરસ પર દીવા પ્રગટાવવાનો પણ મહિમા છે.
આજે ધનતેરસનું પર્વ એટલે કે ત્રયોદશી, દિવાળીના તહેવારની શરૂઆતનું પ્રતીક છે,આ દિવસે ભગવાન ધનવંતરી સમુદ્ર મંથનમાંથી અમૃત કળશ લઈને બહાર આવ્યા હતા તેથી, આ દિવસે ધાતુના વાસણો, સોનું, ચાંદીની વસ્તુઓ ખરીદવાનું શુભ માનવામાં આવે છે.
ધનતેરસ પર સોના-ચાંદીના સિક્કા ખરીદવા સાથે માં દેવી લક્ષ્મી અને ભગવાન કુબેરની પૂજા ઉપરાંત, સાંજે દીવો પ્રગટાવવાનું પણ વિશેષ મહત્વ છે.ધનતેરસની સાંજે, મુખ્ય પ્રવેશદ્વાર, બારીઓ અને આંગણામાં દીવા પ્રગટાવવાથી દેવી લક્ષ્મી પ્રસન્ન થાય છે. પરિવારને અકાળ મૃત્યુ અથવા દુર્ભાગ્યથી બચાવવા માટે સાંજે યમરાજને સમર્પિત દીવો પ્રગટાવવામાં આવે છે. તેથી, દીવા પ્રગટાવતી વખતે ચોક્કસ નિયમોનું પાલન કરવું ખૂબ જ મહત્વપૂર્ણ છે. તો, ચાલો ધનતેરસ પર દીવા પ્રગટાવવાની સાચી દિશા, નિયમો અને શુભ સમય જાણીએ.
ધનતેરસની સાંજે, પ્રાર્થના રૂમમાં દેવી લક્ષ્મી અને ભગવાન કુબેરના નામે દીવો પ્રગટાવવો જોઈએ. આ દીવામાં ઘીનો ઉપયોગ કરવો અત્યંત શુભ માનવામાં આવે છે. એવું માનવામાં આવે છે કે પૂજા સ્થાન પર દીવો પ્રગટાવવાથી ઘરમાં સુખ, સમૃદ્ધિ, સંપત્તિ અને સકારાત્મક ઉર્જા આવે છે.
ધનતેરસ પર, યમ પૂજા કરવાની અને દીવો પ્રગટાવવાની પરંપરા છે. દક્ષિણ દિશામાં યમના નામે ચાર બાજુનો દીવો પ્રગટાવવો શુભ માનવામાં આવે છે. તેને પ્રગટાવવાથી પરિવાર પર અકાળ મૃત્યુ, દુઃખ અને દુર્ભાગ્યની અસરો ઓછી થાય છે. ધનતેરસ પર સાંજે પ્રદોષ કાળ દરમિયાન યમનો દીવો પ્રગટાવવો ખૂબ જ શુભ માનવામાં આવે છે. દીવો પ્રગટાવવાનો શુભ સમય સાંજે 5:48 થી 7:04 સુધીનો છે.
ધનતેરસ પર કેટલા દીવા પ્રગટાવવા જોઈએ?
ધનતેરસ પર દીવા પ્રગટાવવાનું વિશેષ મહત્વ છે,ધનતેરસ પર 13 દીવા પ્રગટાવવાને શુભ માનવામાં આવે છે,પહેલો દીવો ઘરની બહાર એક ખૂણામાં પ્રગટાવવામાં આવે છે.
આ વર્ષે, ધનતેરસ પર દીવા પ્રગટાવવાનો શુભ સમય સાંજે 5:48 વાગ્યે શરૂ થશે અને સાંજે 7:04 વાગ્યે સમાપ્ત થશે. કુલ સમયગાળો 1 કલાક અને 16 મિનિટ છે.
આ સમય દરમિયાન ઘી અથવા તલના તેલથી દીવા પ્રગટાવો. દીવા સ્વચ્છ જગ્યાએ મૂકો. દીવા પ્રગટાવતી વખતે ઓમ શ્રીમહાલક્ષ્મીય નમઃ અથવા ઓમ કુબેરાય નમઃનો જાપ કરવો ખૂબ જ ફાયદાકારક છે.
આ પણ વાંચો:
Botad: બોટાદ કડદા વિરુદ્ધ ‘કડક’ આંદોલન, AAP નેતા રાજુ કરપડા-પ્રવીણ રામની ધરપકડ
