• બનાસકાંઠા: પાલનપુર નજીક અમીરગઢમાંથી પોલીસે ઝડપી પાડ્યો ₹22 લાખનો વિદેશી દારૂ

પાલનપુર નજીક આવેલા અમીરગઢ રાજસ્થાનની સરહદ પર આવેલ તાલુકામાંથી પોલીસે મોટા જથ્થામાં અંગ્રેજી દારૂનો જથ્થો પકડાયો છે. જોકે, અહીં ચોંકાવનારી બાબત તે છે કે આ દારૂ સાઈબર ક્રાઈમની ટીમે ઝડપી પાડ્યો છે.

પોલીસને મળેલી બાતમીના આધારે અમીરગઢ વિસ્તારના ધનપુરા ગામના પાટીયા પાસેથી એક શંકાસ્પદ ટ્રકને રોકીને તપાસ કરવામાં આવી હતી. ટાટા કંપનીના મિની ટ્રક (નંબર RJ-04-GA-6833)માં ઘાસના પૂળાની આડમાં છુપાવીને લઈ જવાતો વિદેશી દારૂનો મોટો જથ્થો ઝડપી પાડવામાં આવ્યો હતો.

જપ્ત કરવામાં આવેલા દારૂના જથ્થામાં કુલ 385 પેટી અને 6,600 બોટલ મળી આવી હતી, જેની કિંમત ₹22.35 લાખ આંકવામાં આવી છે. પોલીસે ટ્રક સહિત કુલ ₹32.45 લાખનો મુદ્દામાલ કબજે કર્યો છે. આ પ્રકરણમાં ટ્રકના ચાલક વિનોદકુમાર મુસારામ ગુજ્જર (રહે. પુરન્નગર, તા. કોટપુતલી, જિ. જયપુર, રાજસ્થાન)ની ધરપકડ કરવામાં આવી છે.

અમીરગઢ પોલીસ મથકે આ મામલે ગુનો નોંધી આગળની કાયદેસરની કાર્યવાહી હાથ ધરવામાં આવી છે. પોલીસ દ્વારા દારૂની હેરાફેરીમાં સંડોવાયેલા અન્ય આરોપીઓની ધરપકડ માટે તપાસ શરૂ કરવામાં આવી છે.

આ પણ વાંચો-ઉત્તરાખંડમાં લાગું થશે UCC; લિવ-ઇનમાં રહેતા કપલને લગ્નની જેમ રજિસ્ટ્રેશન કરાવવું ફરજીયાત