Bihar Election 2025: બિહારના 18 જિલ્લાઓમાં 121 વિધાનસભા બેઠકો માટે આજે મતદાન થઈ રહ્યું છે. રાજ્યના કુલ 45341 બૂથ પર આજે સવારે 7 વાગ્યાથી મતદાન શરૂ થઈ ગયુ છે,સવારે ઘણા મતદાન મથકો ઉપર લાંબી લાઈનો જોવા મળી હતી.
આ મતદાન સાંજે ૬ વાગ્યા સુધી ચાલુ રહેવાનું છે. છ વિધાનસભા મતવિસ્તારોમાં ૨૧૩૫ બૂથ પર સાંજે ૫ વાગ્યા સુધી મતદાન ચાલશે. પ્રથમ તબક્કામાં, વર્તમાન સરકારના બંને નાયબ મુખ્યમંત્રી સમ્રાટ ચૌધરી, વિજય સિંહા, આરજેડી નેતા તેજસ્વી યાદવ, તેમના મોટા ભાઈ તેજ પ્રતાપ યાદવ, બાહુબલી અનંત સિંહ અને ઘણા મોટા નામ ચૂંટણી મેદાનમાં છે.
ચૂંટણીના પહેલા તબક્કામાં 3.75 કરોડ મતદારો 1314 ઉમેદવારોના ભવિષ્યનો ફેંસલો કરશે.
પ્રથમ તબક્કામાં કુલ 3 કરોડ 75 લાખ 13 હજાર 302 મતદારો તેમના મતાધિકારનો ઉપયોગ કરશે. આમાં 1 કરોડ 98 લાખ 35 હજાર 325 પુરુષ, 1 કરોડ 76 લાખ 77 હજાર 219 મહિલા અને 758 થર્ડ જેન્ડર મતદારોનો સમાવેશ થાય છે. કુલ 45,341 મતદાન મથકો સ્થાપિત કરવામાં આવ્યા છે, જેમાં 45,324 મુખ્ય બૂથ અને 17 સહાયક બૂથનો સમાવેશ થાય છે.
પ્રથમ તબક્કામાં અનેક દિગ્ગજો ચૂંટણી મેદાનમાં છે,તારાપુરથી નાયબ મુખ્યમંત્રી સમ્રાટ ચૌધરી, લખીસરાયથી નાયબ મુખ્યમંત્રી વિજય સિંહા, રાઘોપુરથી તેજસ્વી યાદવ, મહુઆથી તેજ પ્રતાપ યાદવ ચૂંટણી મેદાનમાં છે..અલીનગરથી મૈથિલી ઠાકુર ચૂંટણી લડી રહ્યા છે તો મહનારથી JDU પ્રદેશ પ્રમુખ ઉમેશસિંહ કુશવાહ પણ ચૂંટણી મેદાનમાં છે..બક્સરથી ભૂતપૂર્વ IPS અધિકારી આનંદ મિશ્રા પણ ચૂંટણીના મેદાનમાં છે તો બિહાર સરકારના 14 મંત્રીઓ પણ ચૂંટણી લડી રહ્યા છે.. આ તમામ દિગ્ગજોનું ભાવિ આજે EVMમાં સિલ થશે.
એનડીએ તરફથી ભાજપના 48, જનતાદળયૂના 57, લોક જનશક્તિ પાર્ટીના 14 અને રાષ્ટ્રીય લોક મોરચાના 2 ઉમેદવારો ચૂટણી મેદાનમાં છે તો બીજી તરફ મહાગઠબંધન તરફથી પ્રથમ તબક્કામાં આરજેડીના 73, કોંગ્રેસના 24 અને એ ઉપરાંત અન્ય પક્ષોના ઉમેદવારો મેદાનમાં છે.
આ પણ વાંચો:
Bihar: સીતામઢીના ભાજપ ઉમેદવાર સુનીલ કુમારનો અશ્લીલતા કરતો વીડિયો વાયરલ!, પછી શું કર્યો ખૂલાસો?
