AAP NEWS: દાહોદ જિલ્લામાં આમ આદમી પાર્ટીના નેતા દેવેન્દ્ર મેડાની મહિલાના અપહરણ અને છેડતીના કેસમાં ધરપકડ થઈ છે.
અગાઉ BTPના પૂર્વ પ્રદેશ અધ્યક્ષ રહી ચૂકેલા દેવેન્દ્ર મેડા થોડા દિવસ અગાઉ જ અરવિંદ કેજરીવાલના હસ્તે આમ આદમી પાર્ટીમાં જોડાયા હતા.જેઓ વિરુદ્ધ દાહોદ બી ડિવિઝન પોલીસ મથકે મહિલાએ અપહરણ અને છેડતીની ફરિયાદ નોંધાવતા પોલીસે દેવેન્દ્ર મેડાની ધરપકડ કરી કાયદેસરની કાર્યવાહી હાથ ધરી છે.
ફરિયાદી મહિલાના જણાવ્યા અનુસાર તેને નોકરીની ખૂબજ જરૂર હતી દરમિયાન દાહોદ ખાતે આવેલી રેલ્વે એન્જિન બનાવતી સિમેન્સ કંપનીમાં મહિલાને નોકરી અપાવવાની લાલચ આપી મહિલાને કારમાં બેસાડી દેવેન્દ્ર મેડા લઈ ગયો હતો અને કારમાં મહિલા સાથે શારીરિક અડપલા કરી અભદ્ર માંગણી કરી હતી પરિણામે મહિલા ગભરાઈ ગઈ હતી દરમિયાન તેણીએ પોતાના ભાઈને મોબાઈલ કરી પોતાની છેડતી કરી કારમાં ક્યાંક લઈ જવાતી હોવાની વાત કરતા મહિલાના ભાઈ તેમજ મહિલાના પતિ અને ઘરના સભ્યોએ તે કારનો પીછો કરતા ત દેવેન્દ્ર મેડાએ અંતરિયાળ વિસ્તાર તરફ કાર ભગાડી મૂકી હતી અને ત્યારબાદ અલગ જગ્યાએ ફેરવી આખરે બી ડિવિઝન પોલીસ મથક નજીક મહિલાને કારમાંથી ઉતારી ભાગી છૂટ્યો હતો.
આ ઘટના બાદ પરિવારજનો આવી પહોંચતા મહિલાએ પોલીસ મથકે દેવેન્દ્ર મેડા વિરુદ્ધ ફરિયાદ નોંધાવતા પોલીસે મેડાની ધરપકડ કરી કાર્યવાહી હાથ ધરતા સ્થાનિક વિસ્તારમાં ભારે ચકચાર ફેલાઈ ગઈ છે.
આ પણ વાંચો:
Commonwealthgames2030:ગુજરાતમાં ‘ખેલકુદ’શિખવતા શિક્ષકો નથી અને ઓલેમ્પિકની વાતો થાય છે!
