Gujarat BJP news: આખરે જેની છેલ્લા ઘણાજ સમયથી અટકળો ચાલતી હતી તે ગુજરાત ભાજપ સંગઠનની મોડી રાત્રે જાહેરાત કરવામાં આવી છે.ગુજરાત ભાજપ પ્રદેશ પ્રમુખ જગદીશ વિશ્વકર્મા દ્વારા આજે(27 ડિસેમ્બર, 2025) પ્રદેશ સંગઠનના હોદ્દેદારો અને વિવિધ મોરચાના પ્રમુખોની કરાયેલી નિમણૂકની યાદી જાહેર કરવામાં આવી હતી.નવી ટીમમાં યુવા ચહેરાઓનો સમાવેશ કરાયો છે.
રાત્રે ઉલ્લેખનીય છે કે આ જાહેરાત અગાઉ મુખ્યમંત્રી સહિત પ્રદેશ અધ્યક્ષને દિલ્હીનું તેડું આવ્યું હતું જ્યાં પ્રધાન મંત્રી સાથે ચર્ચા થઈ હતી ત્યારબાદ મુખ્યમંત્રી ભુપેન્દ્ર પટેલ ફરી દિલ્હી ગયા હતા ત્યારે ગુજરાતમાં નવા સંગઠન અંગે ચર્ચાની વાતો સામે આવી હતી.
દરમિયાન ભાજપના રાષ્ટ્રીય અધ્યક્ષ જે.પી. નડ્ડા અને કાર્યકારી રાષ્ટ્રીય અધ્યક્ષ નીતિન નબીન વગરે આગેવાનોએ સેન્સના આધારે નવી ટીમના નામોનો સમાવેશ કર્યા બાદ સત્તાવાર જાહેરાત કરવામાં આવી હોવાનું મનાય છે,જેમાં અનુભવી નેતાઓ અને યુવા ચહેરાઓને સ્થાન મળ્યું છે.
શનિવારે મોડી રાત્રે નવા સંગઠનની જાહેરાત કરાઈ છે. નવી ટીમમાં 10 ઉપપ્રમુખનો સમાવેશ કરાયો છે.નવી ટીમમાં અનિરુદ્ધ દવે, ડો. પ્રશાંત કોરાટ, હિતેન્દ્રસિંહ ચૌહાણ અને અજય બ્રહ્મભટ્ટને મહામંત્રી તરીકે નિમણૂક કરાઈ છે.ગુજરાત ભાજપના નવા સંગઠન માળખામાં 10 પ્રદેશ ઉપપ્રમુખ, 4 પ્રદેશ મહામંત્રી, 10 પ્રદેશ મંત્રીની નિમણૂક કરવા સાથે પ્રદેશ કોષાધ્યક્ષ, પ્રદેશ મુખ્ય પ્રવક્તા, પ્રદેશ મીડિયા ઇન્ચાર્જ અને પ્રદેશ મોરચાના પ્રમુખની પણ નવી નિમણૂકો કરવામાં આવી છે. ગુજરાત પ્રદેશ ભાજપના મુખ્ય પદાધિકારીઓની યાદી નીચે મુજબ છે.
આ પણ વાંચો:
Bauxite mineral theft: ખેડાના અમૃતપુરા ગામે 62 હેક્ટર ગૌચરની જમીનમાંથી કોલસો ખોદાશે!
