SIR: દેશમાં હાલ SIRની કામગીરી ચાલી રહી છે ત્યારે ઘણા કિસ્સાઓમાં વિવાદ ઉભો થઇ રહ્યો છે.દરમિયાન ચૂંટણી પંચે નોબેલ પુરસ્કાર વિજેતા અર્થશાસ્ત્રી અમર્ત્ય સેનને દસ્તાવેજોમાં સેન અને તેમની માતા વચ્ચેની ઉંમરના તફાવતને કારણે SIR સુનાવણી નોટિસ જારી કરતા વિવાદ છેડાયો છે.
નોટિસમાં 16 જાન્યુઆરી સુધીમાં જરૂરી માહિતી પૂરી પાડવા માટે કહેવામાં આવ્યું હતું જોકે, 92 વર્ષીય શિક્ષણવિદ, બિન-નિવાસી ભારતીય (NRI) હાલમાં વિદેશમાં છે.બુધવારે, ચૂંટણી પંચના અધિકારીઓએ શાંતિનિકેતનમાં સેનના ઘરની મુલાકાત લીધી અને તેમના પિતરાઈ ભાઈ શાંતાભાનુ સેનને નોટિસ સોંપી હતી.દેશમાં ભારત રત્ન મેળવનારને SIR સુનાવણી નોટિસ આપવામાં આવી હોય તેવું આ પહેલી વાર બનતા ભારે ચકચાર મચી છે.
ચૂંટણી પંચે જણાવ્યું હતું કે સેનને સુનાવણી માટે રૂબરૂ હાજર રહેવાની જરૂર રહેશે નહીં,BLO આ મામલો સંભાળશે.
જો કે, ત્યાં સુધીમાં, આ મુદ્દો રાજકીય વિવાદ બની ગયો હતો અને ચૂંટણી પંચ ભેરવાઈ પડ્યું છે અને હવે ટેકનિકલ મિસ્ટેક્સ જણાવી રહ્યું છે પરંતુ આવડી મોટી હસ્તી માટે આવો છબરડો શરમ જનક છે જે મુદ્દા ઉપર સિનિયર પત્રકારો મયુર જાની તથા અજય શુક્લ અને મેહુલ વ્યાસ દ્વારા વિસ્તૃત છણાવટ કરવામાં આવી છે તે વિડીયો જોવાનું ચૂકશો નહીં પ્રસ્તુત છે વિડીયો
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
