Venezuela: અમેરિકી રાષ્ટ્રપતિ ડોનાલ્ડ ટ્રમ્પે વેનેઝુએલા ઉપર હુમલો કરી ત્યાંના રાષ્ટ્રપતિ નિકોલસ માદુરો અને તેમની પત્ની સિલિયા ફ્લોરેસને અરેસ્ટ કરી વેનેઝુએલા ઉપર હવે કબ્જો કરી લીધો છે.અમેરિકી રાષ્ટ્રપતિ ડોનાલ્ડ ટ્રમ્પે પોતાને વેનેઝુએલા કાર્યકારી રાષ્ટ્રપતિ ઘોષિત કરી દીધા છે.ટ્રમ્પે પોતાના સોશિયલ મીડિયા પ્લેટફોર્મ ટ્રુથ સોશિયલ પર એક પોસ્ટ કરી આ જાહેરાત કરી દીધી છે.જેમાં ટ્રમ્પની તસવીર સાથે ‘એક્ટિંગ પ્રેસિડેન્ટ ઓફ વેનેઝુએલા’ લખેલું છે.આ પોસ્ટમાં જાન્યુઆરી 2026થી પદ સંભાળવાનો ઉલ્લેખ પણ કરેલો છે.ટ્રમ્પે પોતાને અમેરિકાના 45માં અને 47માં રાષ્ટ્રપતિ તરીકે વર્ણવ્યા છે.
જોકે,સ્વઘોષિત કરેલી આ પોસ્ટ મામલે હજુસુધી વ્હાઇટ હાઉસ કે અમેરિકી પ્રશાસન તરફથી કોઈ ઔપચારિક નિવેદન સામે આવ્યું નથી.અત્રે ઉલ્લેખનીય છે કે અમેરિકાએ વેનેઝુએલા ઉપર ભેદી શસ્ત્રોનો પ્રયોગ કરી ગણ્યા ગાંઠ્યા સૈનિકો દ્વારા હુમલો કરી વેનેઝુએલાના સૈનિકોનો ખાત્મો કરી રાષ્ટ્રપતિ નિકોલસ માદુરો અને તેમની પત્ની સિલિયા ફ્લોરેસને કસ્ટડીમાં લઈને ન્યૂયોર્ક લઈ ગયા હતા.
ગત.તા.3 જાન્યુઆરીના રોજ અમેરિકાએ ભેદી શસ્ત્રોનો પ્રયોગ કરતા લગભગ 100 જેટલા સૈનિકો પ્રતિકાર કર્યા વગરજ માર્યા ગયા હતા. અમેરિકાએ વેનેઝુએલા ઉપર જેહથિયારોનો પ્રયોગ કર્યો હતો માઇક્રોવેવ અથવા લેઝર જેવી ઊર્જા આધારિત હોવાનું મનાય છે તેનાથી દુખાવો, રક્તસ્ત્રાવ અને શરીરને ટૂંકા ગાળાનો લકવો થઈ શકે છે.
અમેરિકા દ્વારા વેનેઝુએલા ઉપર રહસ્યમય શસ્ત્રોથી થયેલી કાર્યવાહી દરમિયાન અમેરીકન સેનાએ કોઈ ભેદી તરંગો છોડતા વેનેઝુએલાના સૈનિકો કોઇપણ પ્રતિકાર કર્યા વગર બસ જોતા જ રહી ગયા અને અચાનક નાકમાંથી લોહી નીકળવા લાગ્યું કેટલાક લોહીની ઉલટી કરવા લાગ્યા અને અનેક સૈનિકો જમીન પર પડી ગયા અને તરફડીયા મારવા લાગ્યા હતા અમુક બેભાન થઈ ગયા હતા.આ ભેદી લશ્કરી કાર્યવાહી બાદ સમગ્ર લેટિન અમેરિકામાં ગભરાટનો માહોલ છે, હવે મેક્સિકો પણ અમેરિકાના લિસ્ટમાં હોવાનું ટ્રમ્પ કહી ચૂક્યા છે તેથી લોકોમાં ડરનો માહોલ છે.
અત્રે ઉલ્લેખનીય છે કે માદુરોની અમેરિકાએ ધરપકડ કરતા તેઓ સત્તા પરથી દૂર થઈ જતા વેનેઝુએલાના ઉપરાષ્ટ્રપતિ અને રોડ્રિગ્ઝને ગયા અઠવાડિયે દેશના વચગાળાના રાષ્ટ્રપતિ તરીકે શપથ લેવડાવવામાં આવ્યા હતા. ટ્રમ્પના મતે, વચગાળાની સરકાર અમેરિકાના નિયંત્રણ હેઠળ કામ કરશે અને તેલના ભંડાર હવેથી અમેરિકાનો કબ્જો રહેશે.દરમિયાન નવા અપડેટમાં હવે અમેરિકી રાષ્ટ્રપતિ ડોનાલ્ડ ટ્રમ્પે પોતાને વેનેઝુએલા કાર્યકારી રાષ્ટ્રપતિ ઘોષિત કરી દીધા છે એટલે તેઓ વહીવટ ચલાવશે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
