DonaldTrump: અમેરિકાના રાષ્ટ્રપતિ ડોનાલ્ડ ટ્રમ્પે પોતાના Interior Secretary ડગ બર્ગમની નિમણૂક માટે એક અસામાન્ય અને આશ્ચર્યજનક કારણ આપતા ઉપસ્થિતો ચોંકી ગયા હતા.
ટ્રમ્પે કહ્યું કે તેમણે આ પદ માટે બર્ગમની પસંદગી એટલા માટે કરી કારણ કે તેઓએ એક વીડિયોમાં તેમની પત્ની કેથરિન બર્ગમ ઘોડા પર સવારી કરતી જોઈ હતી જે ખૂબ જ સુંદર લાગી રહી હતી,ટ્રમ્પે ઓવલ ઓફિસમાં ડ્રગ વ્યસન સામે લડવા સંબંધિત એક્ઝિક્યુટિવ ઓર્ડર પર હસ્તાક્ષર કરતી વખતે આ ટિપ્પણી કરી હતી.
વાર્તા એક વિડિઓથી શરૂ થઈ ડોનાલ્ડ ટ્રમ્પે ખુલાસો કર્યો કે તેમણે પહેલી વાર ડગ અને કેથરિન બર્ગમને એક પ્રચાર વિડિઓમાં જોયા હતા,તેમણે કહ્યું કે કેથરિન બર્ગમે તે વિડિઓમાં તેમનું ધ્યાન ખેંચ્યું હતું,કેથરિન તરફ ઈશારો કરતા ટ્રમ્પે કહ્યું, “મેં તેણીને એક વિડિઓમાં ઘોડા પર સવારી કરતી જોઈ, અને મેં કહ્યું, ‘તે કોણ છે?’ હું તેના (કેથરિન બર્ગમ) વિશે વાત કરી રહ્યો હતો, તેના (ડગ બર્ગમ) વિશે નહીં.”
● નિમણૂકનો નિર્ણય કેવી રીતે લેવામાં આવ્યો?
ટ્રમ્પે વધુમાં કહ્યું, કે તેમના સહાયકોએ પાછળથી તેમને ડગ બર્ગમ વિશે જાણ કરી, અને પછી તેમણે તેમની નિમણૂક કરવાનો નિર્ણય લીધો. “હું તેમને નોકરી પર રાખવા જઈ રહ્યો છું કારણ કે તમારા જેવા વ્યક્તિ હોવા એ એક અદ્ભુત સન્માનની વાત છે,”
● ટ્રમ્પની વિવાદાસ્પદ ટિપ્પણી વખતે ઓવલ ઓફિસમાં આખો બર્ગમ પરિવાર હાજર હતો.
ટ્રમ્પ દ્વારા જ્યારે આ ટિપ્પણી કરવામાં આવી ત્યારે ડગ બર્ગમ અને તેમની પત્ની, કેથરિન બર્ગમ પણ ઓવલ ઓફિસમાં હાજર હતા.
આ કાર્યક્રમ દરમિયાન, કેથરિન બર્ગમે વ્યસનમાંથી બહાર આવવાની પોતાની અંગત વાત શેર કરી હતી જેને ટ્રમ્પ વહીવટીતંત્રની પહેલને ટેકો આપ્યો હતો.
● ટ્રમ્પના નિવેદન બાદ ટીકાઓ શરૂ
આ ટિપ્પણીઓ સામે આવતાની સાથે જ ટ્રમ્પની આકરી ટીકા થઈ,ટીકાકારોએ પ્રશ્ન ઉઠાવ્યો કે શું આ રીતે કેબિનેટ મંત્રીની નિમણૂક કરી હોવાનું જાહેરમાં કહેવું યોગ્ય છે? ખાસ કરીને, નિમણૂક માટે આપવામાં આવેલા તર્ક અને ઉદ્દેશ્ય અંગે વાંધો ઉઠાવવામાં આવી રહ્યો છે.
● ટ્રમ્પનો મહિલાઓ પર ટિપ્પણીઓનો લાંબો ઇતિહાસ રહ્યો છે.
ડોનાલ્ડ ટ્રમ્પ હંમેશા મહિલાઓની કાર્ય ક્ષમતાઓ કરતાં તેમના શારીરિક દેખાવ પર હંમેશા ટિપ્પણી કરવાનો લાંબો ઇતિહાસ ધરાવે છે,ટીકાકારો કહે છે કે તેઓ જાહેર જીવનમાં વારંવાર આવા નિવેદન કરવા જાણીતા છે.
● ટ્રમ્પ અગાઉ પણ અપમાનજનક ટિપ્પણીઓ કરી ચૂક્યા છે.
યુએસ રાષ્ટ્રપતિ ભૂતકાળમાં પણ જાહેરમાં મહિલાઓ માટે “જાડી ડુક્કર,” “કૂતરી,” અને “ગંદકી” તેમજ ફ્લર્ટ કરવા જેવા અપમાનજનક શબ્દોનો ઉપયોગ કરી ચુક્યા છે. આ જ કારણ છે કે તેમના તાજેતરના નિવેદનથી ફરી એકવાર મહિલાઓ પ્રત્યેના આદર અને સત્તામાં રહેલા નેતાઓની માનસિકતા અંગે ચર્ચા શરૂ થઈ છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
