● ટેરીફમેનનું આપોઆપ બિરુદ મેળવનાર ટ્રમ્પના વલણથી દુનિયાભરના બજેટ ખોરવાયા ; ટેરીફમેનની જીદ કહો કે દાદાગીરી “હું કહું તેમજ કરવાનું અન્યથા હું ટેરીફ ઝીંકી દઈશ” આ હાથવગું હથિયાર ટ્રમ્પ પાસે આવી ગયું છે અને તેમાં ફાવટ આવી જતા આજ હથિયારનો ઉપયોગ કરી અન્ય દેશોના પોતાના સ્વતંત્ર અધિકારો ઉપર તરાપ મારવાનું કામ કરી રહયા છે તેઓ કહે છે કે રશિયા પાસેથી તેલ નહિ ખરીદવાનું હવે ક્યુબા પાસેથી તેલ નહિ ખરીદવાનું, આમ ટ્રમ્પ એક તરફી દાદાગીરી કરી ટેરીફની ધમકી આપી રહયા છે.
Donald Trump: અમેરિકાના રાષ્ટ્રપતિ ડોનાલ્ડ ટ્રમ્પે ગતરોજ ગુરુવારે કેનેડિયન વિમાનો અને ક્યુબાને તેલ સપ્લાય કરતા દેશો પર ૫૦ ટકા ટેરિફ લાદવાની ધમકી આપી હતી.
ડોનાલ્ડ ટ્રમ્પે કેનેડા સામેના પોતાના વેપાર વલણને વધુ કડક બનાવતા ચેતવણી આપતા કહ્યું કે અમેરિકામાં વેચાતા કેનેડિયન વિમાનો પર ૫૦ ટકા ટેરિફ લાદવામાં આવી શકે છે આ પગલાને ટ્રમ્પ અને કેનેડાના વડા પ્રધાન માર્ક કાર્ની વચ્ચે વધતા વિવાદ અને ઘર્ષણને લઈ સર્જાયેલા ટ્રેડ વોર તરફ ઈશારો કરે છે.
● ક્યુબાને તેલ સપ્લાય કરતા દેશો પર ટેરિફ બોમ્બ ફૂટશે.
આ દરમિયાન, રાષ્ટ્રપતિ ટ્રમ્પે ગુરુવારે એક એક્ઝિક્યુટિવ ઓર્ડર પર હસ્તાક્ષર કર્યા જે ક્યુબાને તેલ વેચતા અથવા સપ્લાય કરતા દેશોથી આવતા કોઈપણ માલ પર ટેરિફ લાદશે. ટ્રમ્પના આ નિર્ણયથી મેક્સિકો પર દબાણ વધવાની અપેક્ષા છે.
મેક્સિકોના રાષ્ટ્રપતિ ક્લાઉડિયા શેનબૌમે આ અઠવાડિયે કહ્યું હતું કે તેમની સરકારે ક્યુબાને તેલ સપ્લાય અસ્થાયી રૂપે સ્થગિત કરી દીધો છે,તેમણે કહ્યું હતું કે આ એક સાર્વભૌમ નિર્ણય છે, જે યુએસના દબાણ હેઠળ લેવામાં આવ્યો નથી,નોંધનીય છે કે ટ્રમ્પ મેક્સિકો પર ક્યુબન સરકારથી દૂર રહેવા દબાણ કરી રહ્યા છે.
● કેનેડા ઉપર ટ્રમ્પને ગુસ્સો કેમ આવ્યો? આ છે કારણ
કેનેડા પર ટેરિફ લાદવાની ધમકી આપતા પોતાના નિવેદનમાં, ટ્રમ્પે જણાવ્યું હતું કે આ કાર્યવાહી જ્યોર્જિયાના સવાનામાં સ્થિત ગલ્ફસ્ટ્રીમ એરોસ્પેસ દ્વારા ઉત્પાદિત વિમાનોને પ્રમાણિત કરવાના કેનેડાના ઇનકારના જવાબમાં કરવામાં આવી છે.
તેમણે ચેતવણી આપી હતી કે જો પરિસ્થિતિ તાત્કાલિક સુધરશે નહીં, તો યુએસ કેનેડાથી આયાત કરાયેલા તમામ વિમાનો પર 50 ટકા ટેરિફ લાદશે,ટ્રમ્પે એમ પણ કહ્યું હતું કે જવાબમાં, યુએસ બોમ્બાર્ડિયર વિમાન સહિત તમામ કેનેડિયન વિમાનોનું પ્રમાણપત્ર રદ કરી શકે છે.
અગાઉ, ટ્રમ્પે ધમકી આપી હતી કે જો કેનેડા ચીન સાથેના તેના પ્રસ્તાવિત વેપાર સોદા સાથે આગળ વધશે તો સપ્તાહના અંતે તેની સામે 100 ટકા ટેરિફ લાદવાની ધમકી આપી હતી,જો કે, તે ધમકીમાં ટેરિફ માટે સમયમર્યાદા પણ સ્પષ્ટ કરવામાં આવી ન હતી, જોકે કેનેડા પહેલાથી જ ચીન સાથે કરાર કરી ચૂક્યું છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
