Donald Trump: “એપસ્ટિન ફાઈલ્સ” આજે સમગ્ર વિશ્વમાં ચર્ચાનો વિષય બની છે કારણ કે એપસ્ટિન એક મોટો ‘દલ્લો’ હતો અને કુમળી વયની 13 કે 14 વર્ષની છોકરીઓ સાથે સંભોગ કરવાની વિકૃતિ ધરાવતો હતો આવી છોકરીઓને તેની ટીમ કોઈ રીતે ફોસલાવીને ખાનગી ટાપુ ઉપર લાવતી હતી અને બાદમાં તે માસૂમ બાળાઓનું શારીરિક શોષણ કરવામાં આવતું હતું અને ફોટા-વિડીયો લઈ બ્લેક મેઈલ કરી એપસ્ટિન તેના અબજોપતિ મિત્રોને પણ પોતાના વૈભવી ટાપુ ઉપર બોલાવતો હતો અને પોતે પહેલા દુષ્કર્મ કરેલી છોકરીઓ તેના મિત્રોના હવાલે કરી દેતો હોવાના આરોપ લાગ્યા છે.
આ ટાપુ ઉપર બનાવેલા વૈભવી મહેલ જેવા આલીશાન વિશાળ બંગલામાં જવા આવવા એપસ્ટિન પોતાના ખાનગી જેટનો ઉપયોગ કરતો હતો,આવી 1000 જેટલી છોકરીઓનું આ બુઢ્ઢા એપસ્ટિને અને તેના ઘરડા એટલે કે મોટી ઉંમરના મિત્રોએ હલકટ બની શોષણ કર્યું હોવાની ચોંકાવનારી વાતનો ખુલાસો થયો છે.
હવે અમેરિકાના જસ્ટિસ ડિપાર્ટમેન્ટના ડેપ્યુટી એટોર્ની જનરલ ટોડ બ્લેન્ચે રવિવારે વોશિંગ્ટન ડીસીમાં એપસ્ટિન ફાઈલ્સ મુદ્દે મોટી જાહેરાત કરી. તેમણે કહ્યું કે, ભયાનક તસવીરો અને ઈમેલ હોવા છતાં તેઓ કોઈ પણ નવો કેસ ચલાવવામાં આવશે નહીં મતલબ કે દલાલ એપસ્ટિન સાથે મળીને માસૂમ બાળાઓ ઉપર બળાત્કાર કરનારા કે તેની સાથે સંપર્ક ધરાવતા અને કાળા કામ કરનારાઓ સામે કોઈ કેસ નહીં થાય કે કાર્યવાહી થાય.
એપસ્ટિન ફાઈલ્સમાં 30 પાનાંના નવા દસ્તાવેજ જાહેર કરવામાં આવ્યા છે,જેમાં મોટા મોટા વગદાર લોકો છે અને અબજોપતિ લોકો છે આ ફાઇલ્સમાં બિલ ગેટ્સ, ડોનાલ્ડ ટ્રમ્પ,મસ્ક સહિત દુનિયાની જાણીતી હસ્તીઓ, અબજોપતિ બિઝનેસમેન, રાજકારણીઓ, શાહી પરિવારના સદસ્યોના નામ સામે આવ્યા છે પણ બધાજ બિન્દાસ છે,એક કાર્યક્રમ દરમિયાન ટોડ બ્લેન્ચે કહ્યું કે, ‘ઘણા બધા ઈમેલ અને પત્રો છે. ઘણી બધી તસવીરો છે જે ભયાવહ છે. પણ તેનો એ મતલબ નથી કે અમે કોઈ વિરુદ્ધ કેસ ચલાવી શકીએ.
■ એપસ્ટિન ફાઈલ્સ જાહેર થયા પછી બે મોટા નેતાઓએ રાજીનામાં આપવા પડ્યા છે
‘એપસ્ટિન ફાઈલ્સ’માં પોતાનું નામ જાહેર થતાં જ બ્રિટેનના લેબર પાર્ટીના નેતા લોર્ડ પીટર મેન્ડેલસને પોતાના પદથી રાજીનામું આપી દીધું છે,એપસ્ટિન સાથેની તસવીરો સામે આવ્યા બાદ સ્લોવાકિયામાં પણ એક ટોચના અધિકારીએ રાજીનામું આપવું પડ્યું છે. બ્રિટેનના વડાપ્રધાન કીર સ્ટારમરે પ્રિન્સ એન્ડ્ર્યુને એપસ્ટિન ફાઇલ્સની તપાસમાં સહયોગ આપવા ખાતરી આપી છે.
અમેરિકાના ન્યાય વિભાગ દ્વારા કુલ 30 લાખ પાનાની નવી ફાઇલ્સ જાહેર કરી છે. જેમાં 1 લાખ 80 હજાર તસવીરો અને 2 હજાર જેટલા વીડિયો સામેલ છે. વર્ષ 2013માં 18મી જુલાઈએ એપસ્ટિને ખુદ એક ઈમેલ લખ્યો હતો જેમાં તેણે ઉલ્લેખ કર્યો હતો કે બિલ ગેટ્સે રશિયન યુવતી સાથે સંબંધ બનાવ્યા બાદ તેઓને એક ગુપ્ત રોગ થતાં તેમણે એન્ટિબાયોટિક દવાઓ પણ માંગી હતી, જેથી તેઓ તે દવા ચૂપચાપ પોતાની પત્નીને આપી શકે.
મહત્વનું છે કે બિલ અને મેલિન્ડા ગેટ્સના વર્ષ 1994માં લગ્ન થયા અને 2021માં તો બંનેએ છૂટાછેડા પણ લઈ લીધા હતા જેના કારણોમાં બિલ ગેટ્સના અફેર તથા એપસ્ટિન સાથેના સંબંધો હોવાનું કહેવામાં આવે છે.
બિલ ગેટ્સના પ્રવક્તાએ નવા આરોપો મામલે મીડિયાને કહ્યુ કે તમામ આરોપો ખોટા અને પાયાવિહોણા છે. એપસ્ટિનના ગેટ્સ સાથે કોઈ ખાસ સંબંધ નહોતા જેના કારણે તે નિરાશ હતો અને તેમને ફસાવવા અને બદનામ કરવા માટે આવું કર્યું હોય શકે તે પ્રકારનો ખુલાસો કર્યો હતો,14 વર્ષથી પણ નાની ઉંમરની કુમળી વયની છોકરીઓ સાથે સેક્સ કરવાની ટેવ અને શોખીન જેફ્રી એપસ્ટિનનો કેસ દાયકાઓ સુધી ચાલેલા જાતીય શોષણ, સત્તાનો દુરુપયોગમાં અટવાયેલો રહ્યો
જેફ્રી એપસ્ટિન એક ફાઇનાન્સર પણ હતો તેની ‘જે. એપસ્ટિન એન્ડ કંપની’ પણ હતી. તેણે બિલ ક્લિન્ટન અને ડોનાલ્ડ ટ્રમ્પ જેવા રાજકારણીઓ, વૈજ્ઞાનિકો અને બ્રિટિશ રોયલ ફેમિલી (પ્રિન્સ એન્ડ્રુ) સાથે ગાઢ સંબંધો બનાવ્યા હતા. 2005માં ફ્લોરિડામાં સગીર છોકરીઓના જાતીય શોષણના આરોપ લાગ્યા અને 2008માં તેને માત્ર 13 મહિનાની જેલ થઈ, ત્યારે પણ તેના માટે ઘણી છૂટછાટ હતી તેને દિવસ દરમિયાન કામ પર જવાની છૂટ પણ હતી.
જોકે,પ્રેશર વધતા જુલાઈ 2019માં ન્યૂયોર્કમાં સેક્સ ટ્રાફિકિંગના આરોપ હેઠળ ફરી તેની ધરપકડ કરવામાં આવી હતી અને તા. 10 ઓગસ્ટ, 2019ના રોજ જેલની કોટડીમાં તે મૃત હાલતમાં મળી આવ્યો હતો તેના મોતને શંકાસ્પદ માનવામાં આવી રહ્યું છે પણ સત્તાવાર રીતે તેને આત્મહત્યા કરી હોવાનું જાહેર કરાયુ હતું,આમ,અબજોપતિ અને વગદાર લોકો માટે કાયદા હંમેશા ચર્ચાસ્પદ રહયા છે અને તેથીજ લોકોમાં એવી વ્યાપક ચર્ચા છે કે ‘કાયદા હંમેશા ગરીબો માટે બન્યા છે!!’
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
