Israel: ઈરાને ઈઝરાયેલ ઉપર હવે વધુ મારક અને ઘાતક મિસાઈલો છોડવાનું શરૂ કરતાં યુદ્ધ હવે આક્રમક બન્યું છે અને ઈરાને જાહેર કર્યું છે કે બાળકોના હત્યારા નેતન્યાહૂને જીવતા નહિ છોડીએ તે જ્યાં હશે ત્યાંથી ઠાર કરીશું ત્યારે એક હુમલામાં નેતન્યાહૂ માર્યા ગયાની વાતો વચ્ચે નેતન્યાહૂએ બે બે વિડીયો જાહેર કર્યા બાદ યુઝર્સ આ વીડિયો નકલી ગણાવી રહયા છે ત્યારે ઈઝરાયલના વડાપ્રધાન બેન્જામિન નેતન્યાહૂએ વધુ એક 90 સેકન્ડનો વીડિયો પોસ્ટ કરી પોતે જીવિત હોવાનો પુરાવો આપ્યો છે. તેમણે ગઈકાલે રવિવારે પણ કોફી પીતા હોય તેવો એક વીડિયો જાહેર કર્યો હતો અને પોતાના મૃત્યુ સાથે જોડાયેલી અફવાઓની મજાક ઉડાવી હતી જોકે આ વીડિયો પણ યુઝર્સ નકલી ગણાવી રહયા છે ત્યારે હવે નેતન્યાહૂએ નવો વિડીયો પોસ્ટ કર્યો છે.
નવા વીડિયોમાં નેતન્યાહૂ જેરુસલેમની ટેકરીઓ પર બનેલા એક વ્યુ પોઈન્ટ પર લોકો સાથે વાતચીત કરતા જોવા મળે છે. એવું માનવામાં આવે છે કે આ વીડિયો પણ ગઈકાલે જ રેકોર્ડ કરવામાં આવ્યો છે, કારણ કે નેતન્યાહૂ તે જ કોફી શોપ પાસે જોવા મળી રહ્યા છે જ્યાં પ્રથમ વીડિયો શૂટ થયો હતો અને તેમણે તે જ કપડાં પહેરેલા છે.
વીડિયોમાં તેઓ લોકોને કહે છે કે ઘરની બહાર નીકળીને થોડી તાજી હવા લેવી જરૂરી છે. તેઓ આસપાસના લોકોને એવું પણ પૂછે છે કે સૌથી નજીકનું સુરક્ષિત શેલ્ટર ક્યાં છે. આ સાથે જ નેતન્યાહૂ લોકોને અપીલ કરે છે કે ઈરાન સાથે ચાલી રહેલા યુદ્ધ દરમિયાન ધીરજ જાળવી રાખે.
આમ,સોશ્યલ મીડિયાના જમાના માં શું સાચું અને શું નકલી આ બન્ને વચ્ચેનો તફાવત કરવો મુશ્કેલ બન્યો છે ત્યારે ઇરાનના સુપ્રીમો જેમ દેખાતા નથી તેમ ઈઝરાયેલના પીએમ પણ દેખાતા બંધ થતાં અનેક અટકળો વહેતી થઈ છે અને યુદ્ધ ક્યાં જઈ અટકશે તે કહેવું મુશ્કેલ બન્યું છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
