Donald Trump: અમેરિકા અને ઈઝરાયલે ઈરાન પર કરેલા હુમલા બાદ યુદ્ધના 21માં દિવસે અમેરિકાના પ્રમુખ ડોનાલ્ડ ટ્રમ્પે નજીકના દિવસોમાં સીઝ ફાયર કરવાનો સંકેત આપ્યો છે, ટ્રુથ સોશિયલ પર ટ્રમ્પે દાવો કર્યો છે કે અમેરિકાના જે ઉદ્દેશ્યો હતા,તે હવે પૂર્ણ થવા આવ્યા છે,હવે અમેરિકા સૈન્ય કાર્યવાહી ધીરે ધીરે ઓછી કરશે.
ડોનાલ્ડ ટ્રમ્પે જણાવ્યું કે અમે ઈરાનની મિસાઈલ ક્ષમતા, સંરક્ષણ ઉદ્યોગ, નૌસેના અને વાયુસેના સંપૂર્ણપણે નષ્ટ કરી નાંખી. અમે ઈરાનને ક્યારેય પરમાણુ હથિયાર બનાવવા દઇશું નહીં. અમે ઈઝરાયલની સાથે સાથે સાઉદી અરેબિયા, કતાર, યુએઈ, બહેરીન અને કુવૈતની પણ રક્ષા કરી અને આગળ પણ કરતાં રહીશું, સ્ટ્રેટ ઓફ હોર્મુઝ અંગે પણ અમેરિકાએ હવે પીછેહટ કરી છે અને તે માર્ગ ખોલવાની જવાબદારી તેમની નહિ હોવાનું કહી રહયા છે.
ટ્રમ્પ અને ઈઝરાયેલના કારણે યુદ્ધ થયું અને તેના કારણે દુનિયામાં ઓઈલ અને ગેસનો વેપાર ઠપ થઈ ગયો છે ત્યારે હવે ટ્રમ્પ કહી રહ્યા છે કે જે દેશો હોર્મુઝ સ્ટ્રેટથી પોતાના જહાજો લઈ જતાં હોય તે ત્યાંની સુરક્ષા તેમણે જાતેજ કરવાની રહેશે. પોતાના જહાજની સુરક્ષાની જવાબદારી તો જે તે દેશોની જ હોવી જોઈએ. અમેરિકા ક્યારેય આ રસ્તાનો ઉપયોગ કરતું નથી. જે દેશો અહીંથી ઓઈલ લઈ જતાં હોય અને વેપાર કરતાં હોય તે આગળ આવે અને પોતાની રક્ષા પોતેજ કરે તેવું કહીને તેઓ હવે પોતાની જવાબદારી માંથી છટકી ગયા છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
