Pakistan: દુનિયા આખીની નજર જેના ઉપર હતી તે પાકિસ્તાનમાં યોજાયેલી અમેરિકા અને ઈરાન વચ્ચેની શાંતિ મંત્રણા નિષ્ફળ રહી છે.
21 કલાક સુધી અરસપરસ થયેલી ચર્ચા બાદ ઈરાને અમેરિકાની કેટલીક શરતો સ્વીકારવાનો ઈન્કાર કરતા મંત્રણા પડી ભાંગી હતી પરિણામે હવે અમેરિકન ટીમ હવે કોઈપણ સમજૂતી વગર જ અમેરિકા પરત ફરી રહી છે.
અમેરિકાના ઉપરાષ્ટ્રપતિ જેડી વેન્સે ઇસ્લામાબાદમાં યોજેલી પત્રકાર પરિષદમાં જણાવ્યું હતું કે, “અમે ખુલ્લા મને શાંતિ મંત્રણા માટે આવ્યા હતા અને અમારો ‘અંતિમ અને સર્વશ્રેષ્ઠ પ્રસ્તાવ’ રજૂ કર્યો જેના ઘણા મુદ્દાઓ પર સાર્થક ચર્ચાઓ થઈ, પરંતુ ચર્ચાના અંતે કોઈ સમજૂતી સુધી પહોંચી શક્યા નથી.આ વાત અમેરિકા કરતા ઈરાન માટે વધુ ચિંતાજનક છે.
આ શાંતિ વાર્તા દરમિયાન અમેરિકાની સૌથી પહેલી શરત પરમાણુ કાર્યક્રમને લઈને હતી. અમેરિકાએ એવી ગેરંટી માંગી હતી કે ઈરાન ભવિષ્યમાં ક્યારેય પરમાણુ હથિયાર બનાવવાનો પ્રયાસ નહીં કરે. વેન્સે કહ્યુ, “અમે અમારી ‘રેડ લાઈન્સ’ સ્પષ્ટ કરી દીધી છે. કઈ બાબતો પર સમજૂતી થઈ શકે અને કઈ બાબતો પર બિલકુલ નહીં, તે અમે કહી દીધું હતું જેની સામે ઈરાની પ્રતિનિધિમંડળે અમારી શરતો ન સ્વીકારવાનો વિકલ્પ પસંદ કર્યો છે.”
બીજી તરફ, ઈરાનની સરકારી ન્યૂઝ એજન્સી તસનીમના જણાવ્યા અનુસાર, અમેરિકાની અતાર્કિક શરતોને કારણે કોઈ કોમન ફ્રેમવર્ક તૈયાર થઈ શક્યું નથી. ઈરાનનું માનવું છે કે અમેરિકાએ સમજૂતીમાં અવરોધ ઊભા કર્યા છે ઈરાને પણ સ્પષ્ટ કર્યું છે કે ઈસ્લામાબાદમાં અમેરિકા સાથે થયેલી વાતચીત કોઈ સમજૂતી વગર સમાપ્ત થઈ ગઈ. ઈરાની ન્યૂઝ એજન્સી તસ્નીમ અનુસાર, અમેરિકાની શરતો જરૂરિયાત કરતાં વધુ કડક હતી. આ કારણે સમજૂતીનો માર્ગ નીકળી શક્યો નહીં.
ઈરાનની સરકારી ન્યૂઝ એજન્સી ‘ફાર્સ’નાઅહેવાલમાં જણાવાયુ છે કે ઈરાનનો આરોપ છે કે અમેરિકા જાણીજોઈને એવી શરતો રાખી રહ્યું છે જે સ્વીકારવી અશક્ય હોય, જેથી શરતો તોડવાનો દોષ ઈરાન પર ઢોળી ફરી હુમલા કરી તેઓની ઈચ્છાઓ પૂર્ણ થઈ શકે.
જ્યારે ઈરાનના પ્રેસ ટીવીએ જણાવ્યું કે વિવાદના મુખ્ય મુદ્દાઓમાં હોર્મુઝ સ્ટ્રેટમાંથી પસાર થવાના અધિકારો અને ઈરાનના પરમાણુ અધિકારો જેવા મુદ્દાઓ શામેલ હતા ઇસ્લામાબાદની વાટાઘાટોમાં લેબનોન પણ છવાયેલું રહ્યું,ડોન અનુસાર, ઈરાને લેબનોનમાં તાત્કાલિક યુદ્ધવિરામનો આગ્રહ રાખ્યો હતો. ઈરાની પક્ષે સ્પષ્ટપણે અમેરિકાને તેના સાથી ઈઝરાયલ પર લેબનોન પર હુમલા બંધ કરવા દબાણ કરવા માંગ કરી હતી. જોકે, આ મુદ્દા પર અમેરિકા તરફથી સહમતિ ન બનતા મુદ્દો અસફળ રહ્યો આમ,એકબીજા તેમની શરતો માનવા તૈયાર ન થયા પરિણામે મંત્રણા પડી ભાંગી છે.
વિશ્વના જહાજો હોર્મુઝની સામુદ્રધુનીમાં અટવાયેલા હોવાથી વિશ્વના દેશોની નજર આ બેઠક ઉપર હતી, પરંતુ ઇરાને અમેરિકાની કડક શરતો માનવાનો ઇન્કાર કરતા શાંતિ વાર્તા પડી ભાંગી છે, ડોનાલ્ડ ટ્રમ્પ પ્રશાસને અગાઉથી જ ચેતવણી આપી હતી કે જો ઈરાન શરતો સ્વીકારવાનો ઇન્કાર કરશેતો તેના ગંભીર પરિણામો આવી શકે છે આમ,ફરી એકવાર યુદ્ધ ચાલુ થશે અને ઈરાન હોર્મુઝની ખાડી ખોલશે નહિ પરિણામે આખા વિશ્વ ઉપર તેના ભયાનક પરિણામો આવી શકે છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
