Election: ગુજરાતમાં આજે સ્થાનિક સ્વરાજની ચૂંટણીનું મતદાન સવારે 7 વાગ્યાથી શરૂ થઈ ગયું છે રાજ્યના 4 કરોડથી વધુ મતદારો 10 હજાર સીટ માટે 25 હજારથી વધુ ઉમેદવારોનું ભાગ્ય નક્કી કરશે.
આ ચુંટણીઓમાં ભાજપના 9245, કોંગ્રેસના 8443, અને આમ આદમી પાર્ટી (AAP) ના 5263 ઉમેદવારો ચૂંટણી લડી રહ્યા છે.
ગત વખતે 6 મનપાની ચૂંટણીનું 21 ફેબ્રુઆરીએ અને પંચાયતો અને નગરપાલિકાઓનું 23 ફેબ્રુઆરીએ મતદાન થયું હતું. આ વખતે રાજ્યની તમામ સ્થાનિક સ્વરાજની સંસ્થાઓનું મતદાન એક જ દિવસે રાખવામાં આવ્યું છે.
ચૂંટણી અધિકારીઓ અને પોલીસતંત્ર સંપૂર્ણપણે સજ્જ છે અને ભયમુક્ત માહોલમાં મતદાન થાય તે માટે તમામ આયોજન કરવામાં આવ્યું છે આજે સવારના 7 વાગ્યાથી સાંજના 6 વાગ્યા સુધી મતદાન થઈ શકશે,આ વખતે બંગાળની જેમ ગુજરાતમાં પણ મતદાન વધુ થશે તેમ વિશ્લેષકો જણાવી રહયા છે.
આજે 17માંથી 15 મનપા, 34 જિલ્લા પંચાયત, 260 તાલુકા પંચાયત અને 84 નગરપાલિકાની ચૂંટણી થઈ રહી છે ગુજરાત વર્ષોથી ભાજપનો ગઢ રહ્યો છે અને હાલની 90 ટકા સત્તા જાળવી રાખવા માટે તમામ પ્રકારની નીતિ ચાલુ રાખી છે. બીજી તરફ આમ આદમી પાર્ટીનું ખાસ કરીને સુરતમાં જે વર્ચસ્વ છે તેને જાળવી રાખવા પ્રયત્નો ચાલુ રાખ્યા છે. જ્યારે શરુઆતમાં જ કોંગ્રેસના ઘણા ઉમેદવારોએ ફોર્મ પરત ખેંચ્યા હોય કોંગ્રેસના અસ્તિત્વ સામે જ હવે સવાલો ઉભા થઈ રહ્યા છે. પરંતુ તા. 28 એપ્રિલે થનારી મત ગણતરી દરમિયાન જ ચિત્ર સ્પષ્ટ થશે.
ઉલ્લેખનીય છે કે ગુજરાતમાં આ વખતની ચુંટણીઓ મારામારી,ફોર્મ પરત ખેંચવા ધમકીઓ,ઝપાઝપી અને મહેસાણામાં થયેલી હત્યા વગેરે બિહારને ભુલાવે તેવા વરવા દ્રશ્યો જોવા મળ્યા છે ત્યારે દિવસભર ચાલનારા મતદાન દરમિયાન શુ થશે તે કહેવું મુશ્કેલ છે.
આ ચૂંટણીમાં રાજ્યની 6 જૂની અને 9 નવી મળી 15 મહાનગરપાલિકા પર સૌની નજર છે 15 મહાનગરપાલિકામાં 43 બેઠક બિનહરીફ થઈ હોય હવે 1001 બેઠક પર મતદાન યોજાઈ રહ્યું છે. આ તમામ બેઠક પર 1.10 કરોડથી વધુ મતદારો કૂલ 3145 ઉમેદવારોનું ભાવિનો ફેંસલો કરશે જોકે,સમગ્ર રાજ્યમાં શાંતિપૂર્ણ માહોલમાં ચૂંટણી સંપન્ન થાય તે માટે સવા લાખથી વધુ પોલીસ કર્મચારીઓની રજા રદ કરી સુરક્ષામાં તૈનાત કરવામાં આવ્યા છે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
