Gujarat Elections: રાજ્યમાં સ્થાનિક સ્વરાજ્યની ચુંટણીઓ સાંજે 6 વાગ્યે સંપન્ન થઈ હતી અને કુલ 10 હજાર બેઠકો માટે થયેલી ચુંટણીઓમાં 25 હજારથી વધુ ઉમેદવારોનું ભાવિ EVMમાં સીલ થઈ ગયું છે. રાજ્યમાં 44 ડિગ્રી કાળઝાળ ગરમી વચ્ચે મતદાન 57% નોંધાયું હતું. જોકે, કમનસીબે ભયાનક ગરમીમાં રાજ્યમાં ચૂંટણી દરમિયાન ત્રણના કરુણ મોત થયા હતા રાજ્યમાં સાંજે 6 વાગ્યા સુધીમાં સરેરાશ 57.08% મતદાન થયું જેમાં 15 મહાનગરપાલિકામાં 49%, 84 નગરપાલિકામાં 58.12%, 34 જિલ્લા પંચાયતમાં 60.21% અને 260 તાલુકા પંચાયતમાં 61% મતદાન નોંધાયું છે.
આજે 17માંથી 15 મનપા, 34 જિલ્લા પંચાયત, 260 તાલુકા પંચાયત અને 84 નગરપાલિકામાં મતદાન થયું
ગરમીના પ્રકોપને કારણે બપોરે 12 થી 4 વાગ્યા દરમિયાન મતદાન મથકો પર મતદાતાઓની પાંખી હાજરી જોવા મળી હતી, પરંતુ ત્યારબાદ સાંજના મતદારોનો ભારે ઉત્સાહ જોવા મળ્યો હતો.
બીજી તરફ કાળઝાળ ગરમીને કારણે આણંદના પેટલાદ તાલુકાના સાંસેજ ગામે બૂથ નં-1 પર ફરજ પરના કર્મચારીનું હાર્ટ એટેકથી મોત થયું હતું મૃતક અમિતભાઈ વિઠ્ઠલભાઈ સોલંકી સાંસેજ ગ્રામપંચાયતમાં પટાવાળા તરીકે ફરજ બજાવતા હતા. તેઓ ફરજ પર ઢળી પડતા ગ્રામજનો તાબડતોબ તારાપુર સરકારી હોસ્પિટલ લઈ ગયા હતા જ્યાં ફરજ પરના ડોક્ટરે તપાસ બાદ મૃત જાહેર કર્યા હતા આ સિવાય જામનગર મનપાના AAPના ઉમેદવારનું ચાલુ ચૂંટણીએ નિધન થયું હતું. વોર્ડ નંબર 3ના આમ આદમી પાર્ટીના ઉમેદવાર નરેન્દ્રસિંહ જાડેજાને હાર્ટ એટેક આવતા દુઃખદ મોત થયું હતું.
જ્યારે ત્રીજા બનાવમાં પાટણમાં માયાનગરના કમળાબેન અનિલભાઈ બી એમ હાઈસ્કૂલમાં મતદાન કરી બહાર નીકળતા તબિયત લથડતા નીચે પડયા હતા. બાદમાં તેમણે 108માં સારવાર માટે જનતા હોસ્પિટલમાં ખસેડાયા હતા. જ્યાં સારવાર દરમિયાન તેઓનું મોત થયુ હતું.
આમ,ત્રણ વ્યક્તિઓના કરુંણ મોત થતા ગમગીની છવાઈ ગઈ હતી ચૂંટણીનાં પરિણામો ૨૮ એપ્રિલ ૨૦૨૬, મંગળવાર ના રોજ જાહેર કરવામાં આવશે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
