AMC Budget 2025-26: આજે 14 ફેબ્રાઆરીએ અમદાવાદ મ્યનિસિપલ કોર્પોરેશનનું બજેટ રજૂ કરાયું છે. જેમાં લોકના સૂચનોના આધારે ભાજપના સત્તાધીશો દ્વારા રૂ.1501 કરોડનો વધારા સાથે રૂ. 15502 કરોડનું બજેટ રજૂ કરાયું છે. સ્ટેન્ડિંગ કમિટીના ચેરમેન દેવાંગ દાણીએ મ્યુનિસિપલ કમિશનર બંછાનિધિ પાનીને સુધારા સાથેનું બજેટ રજૂ કર્યું છે. આ બજેટમાં એડવાન્સ ટેક્સ ભરનારને 12 ટકા રિબેટ તેમજ 3 વર્ષનો એડવાન્સ ટેક્સ ઓનલાઈન ચુકવશે તો 15% રિબેટ મળશે. અગાઉ એડવાન્સ ટેક્સ ચુકવવા ઉપર 10% રિબેટ મળતી હતી.
ઈલેક્ટ્રિક્ટ વાહનોને પ્રાત્સાહન
બીજી તરફ AMCએ ઈલેકટ્રીક વાહનનો ઉપયોગ કરનારાઓને વેરામાં 100% રાહત આપી છે. ઇલેક્ટ્રીક વાહનોને પ્રોત્સાહન આપવા માટે ઇલેક્ટ્રીક વાહનોના ટેકસમાં 100 ટકા મુક્તિ આપવામાં આવી છે.
કેન્સરના દર્દીઓ માટે પેલીએટીવ સેન્ટર
કોર્પોરેશનના બજેટમાં જાહેરાત કરવામાં આવી છે કે, કેન્સરના દર્દીઓ માટે પેલીએટીવ સેન્ટર બનશે તેમજ SP સ્ટેડિયમના નવીનીકરણ માટે 75 કરોડની ફાળવણી કરવામાં આવી છે. સાથો સાથ વસ્ત્રાપુર, પ્રહલાદનગર, આશ્રમ રોડ ઉપર નવા ફૂટ ઓવરબ્રિજ બનશે. સુવિધાયુક્ત અને સ્વચ્છ શહેર માટે વિવિધ ઝોનમાં પ્લાસ્ટિક ક્રશર મુકવામાં આવશે
વોટર ટેક્સ અને કન્વર્જન્સી ટેક્સના દરમાં કોઈ વધારો નહિ
વર્ષ 2023-24ના બજેટમાં દર વર્ષે બે ટકા ટેક્સના વધારાની જોગવાઈ કરવામાં આવી હતી. જે મુજબ વર્ષ 2025-26 માટે રહેણાંક મિલકતનો પ્રતિ ચોરસ મીટર રૂ. 20.80 અને બિન રહેઠાણ મિલકતો માટે રૂ. 35.36 ટેક્સનો દર રહેશે.
રમતગમત, સ્વચ્છતા, પર્યાવરણ પાછળ ખર્ચો કરાશે
બજેટમાં રમતગમત, સ્વચ્છતા, પર્યાવરણ, પ્લાસ્ટિક મુક્ત, ટ્રાફિક મુક્ત, આરોગ્ય, સ્લમમુક્ત, રીન્યુએબલ એનર્જી, પ્રદૂષણ મુક્ત, ડિજિટલાઈઝેશન, આત્મનિર્ભર ભારત, તળાવોનો વિકાસ અને શહેરના સાર્વત્રિક વિકાસ પર ભાર મૂકવામાં આવ્યો છે. 8828 કરોડ રૂપિયા વિકાસ કાર્યો પાછળ ખર્ચવામાં આવશે.
આ પણ વાંચોઃ US Deportation: આવતીકાલે અમેરિકા વધુ 119 ભારતીયોને કરશે ડિપોર્ટ, 8 ગુજરાતી
આ પણ વાંચોઃ US President Trump: બાંગ્લાદેશની જવાબદારી ટ્રમ્પે મોદીના માથે નાખી, અમેરિકા કંઈ ના કરી શકે?
