ભારતમાંથી ઓસ્કાર માટે મોકલાયેલી ફિલ્મ લાપત્તા ઓસ્કારને પામી શકી નથી. લાપત્તા લેડીઝ ઓસ્કરમાંથી આઉટ થઈ છે. આ ફિલ્મ બોલિવૂડ એક્ટર અને નિર્માતા આમિરખાન દ્વારા બનાવામાં આવી છે.
જ્યારે ભારતના જ કલાકારો સાથે હિંદીમાં બનેલી પરંતુ UKની પ્રોડક્શન કંપનીની ફિલ્મ ‘સંતોષ’ શોર્ટ લિસ્ટ થઈ છે. ઉપરાંત બે બે વખત એકેડમી એવોર્ડ જીતી ચૂકેલાં ફિલ્મ સર્જક ગુનિત મોંગાની શોર્ટ ફિલ્મ ‘અનુજા’ પણ આ વખતે શોર્ટ લિસ્ટ થઈ છે.
શોર્ટ લિસ્ટ થયેલી હિંદી ફિલ્મ ‘સંતોષ’ બ્રિટિશ ઈન્ડિયન એક્ટર સંધ્યા સૂરીએ બનાવી છે. તેમાં ભારતની શહાના ગોસ્વામીની મુખ્ય ભૂમિકા છે. ગુનિત મોંગાની શોર્ટ ફિલ્મ ‘અનુજા’માં ગાર્મન્ટ ઈન્ડસ્ટ્રીમાં બાળ મજૂરોનાં શોષણની વાત છે.
‘સંતોષ’ ફિલ્મની શું છે સ્ટોરી?
‘સંતોષ’ એ એક હિન્દી ભાષાની ફિલ્મ છે જેનું નિર્માણ યુકે દ્વારા કરવામાં આવ્યું છે. સંધ્યા સૂરી દ્વારા નિર્દેશિત આ ફિલ્મ એક યુવાન હિન્દુ વિધવાની આસપાસ ફરે છે, જેનું પાત્ર શહાના ગોસ્વામીએ ભજવ્યું છે, જેને પોલીસ કોન્સ્ટેબલ તરીકે તેના પતિની નોકરી વારસામાં મળે છે. સંસ્થાકીય ભ્રષ્ટાચાર સામે ઝઝૂમતાં જ તેને ઘણી મુશ્કેલીઓનો સામનો કરવો પડે છે. દલિત યુવતીની ઘાતકી હત્યાની તપાસ કરવાની જવાબદારી તેને મળે છે.
