Iran War: ઈરાન ઉપર હુમલો કરીને ભેરવાઈ પડેલા અમેરિકાએ હવે અન્ય દેશો પાસેથી યુદ્ધ જહાજો મોકલવા મદદ માંગી છે ઈરાને હોર્મુઝ સ્ટ્રેટને બંધ કરી દઈને વિશ્વભરમાં મંદીનો માહોલ ઉભો કરી દેતા આ માર્ગ ખોલવાની પહેલા તો ટ્રમ્પ શેખી મારતા હતા કે હું ચપટી વગાડતા ખોલી નાખીશ પણ તે કરી શક્યા નહી ત્યારબાદ તેઓએ ઈરાનને આ માર્ગ ખોલવા માટે દબાણ લાવવા ખુર્ગ ટાપુ ઉપર બૉમ્બ ફેંક્યા તો પણ ઈરાને હોર્મુઝ સ્ટ્રેટ નહિ ખોલતા હવે ટ્રમ્પે ‘હોર્મુઝ સ્ટ્રેટ’ ખોલવા માટે અન્ય દેશોની યુદ્ધ જહાજ મોકલવા મદદ માંગી છે, બીજી તરફ ટ્રમ્પના આ નિવેદન બાદ ઈરાનના વિદેશ મંત્રી અબ્બાસ અરાઘચીની પ્રતિક્રિયા સામે આવી છે જેમાં તેઓએ કહ્યું છે કે “વ્હાઇટ હાઉસની નીતિ સમસ્યાને ઓછી કરવાને બદલે વધારી રહી છે”
અરાઘચીએ એ પણ કહ્યું કે ઈરાન યુદ્ધમાં અમેરિકાની સુરક્ષા વ્યવસ્થા નબળી સાબિત થઈ ગઈ છે અને હવે અમેરિકા અન્ય દેશો પાસેથી અને ત્યાં સુધી કે ચીન પાસેથી પણ હવે લશ્કરી સહાયની મદદ માંગી રહ્યું છે ટ્રમ્પે હોર્મુઝ સ્ટ્રેટને સુરક્ષિત અને ખુલ્લો રાખવા માટે અન્ય દેશોની મદદ માંગી છે અને તેઓએ અમેરિકા સાથ આપવા પોતાના યુદ્ધ જહાજો મોકલવા જણાવ્યુ છે.
ટ્રમ્પે પોતાના સોશિયલ મીડિયા પ્લેટફોર્મ ટ્રુથ સોશિયલ પર લખ્યું કે હોર્મુઝ સ્ટ્રેટ બંધ થવાથી પ્રભાવિત થયેલા દેશો અમેરિકાને સાથ આપે અને પોતાના નૌકાદળના જહાજો મોકલે તો જ આ દરિયાઈ માર્ગને ખુલ્લો અને સુરક્ષિત રાખી શકાય તેમ છે તેમણે આશા વ્યક્ત કરી કે ચીન, ફ્રાન્સ, જાપાન, દક્ષિણ કોરિયા, બ્રિટન અને અન્ય દેશો અમેરિકાના આ મિશનમાં ભાગ લઈ શકે છે. જોકે, હજુ એ સ્પષ્ટ નથી કે કયા કયા દેશોએ તેમના યુદ્ધ જહાજો મોકલવા માટે સંમતિ આપી છે કે કેમ?
જોકે, બ્રિટનના સંરક્ષણ મંત્રાલયે કહ્યું છે કે તે તેના સહયોગી દેશો સાથે ક્ષેત્રમાં જહાજોની સુરક્ષા સુનિશ્ચિત કરવાના વિકલ્પો પર ચર્ચા કરી રહ્યું છેજોકે, ઈરાન ઉપર હુમલો કરી એકલા હાથે કલાકોમાં જ ઇરાનને ધૂળ ચાટતું કરવાના સપના જોતા ટ્રમ્પ હવે અન્ય દેશોની મદદ માંગવા નીકળતા અમેરિકાના શક્તિશાળી સેના સામે સવાલ ઉઠી રહયા છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
