Ahmedabad: ગુજરાતમાં અનેક મોટા કૌભાંડ ઝડપાઈ રહ્યા છે. ત્યારે હવે રાજ્યના મોટા અધિકારીઓનો 2 હજાર કરોડના GST કૌભાંડ હાથ હોવાનો આરોપ લાગ્યો છે. આ કૌભાંડ બહાર આવતાં જ રાજ્યભરમાં ખળભળાટ મચી ગયો છે. અમદાવાદ EDના અધિકારીઓએ રૂપિયા 2 હજાર કરોડના GST કૌભાંડમાં કેસમાં પત્રકાર મહેશ લાંગાની ધરપકડ કરી છે. જેની પૂછપરછમાં અનેક અધિકારીઓ પર તેને આરોપ મૂક્યા છે. મતબલ તેની સાથે તે અધિકારીઓ પણ છે.
ગુજરાત સરકારના IAS અધિકારીઓની સંડોવણી?
સૂત્રો પાસેથી મળતી માહિતી અનુસાર લાંગાએ પૂછપરછમાં કબૂલ્યું છે કે ગુજરાત સરકારના 3 IAS અધિકારી સહિત 15 અધિકારીઓની આ કૌભાંડમાં સંડોવણી છે. તેમાં ગાંધીનગરમાં ફરજ બજાવતા નાણાં વિભાગના અધિકારીઓ ઉપરાંત GST વિભાગના અધિકારીઓનાં નામ પણ હોવાનું કબૂલ્યું છે.
28 ફેબ્રુઆરી સુધી લાગા કસ્ટડીમાં
લાંગાને અમદાવાદની મિર્ઝાપુર કોર્ટમાં સ્પેશિયલ PMLAએ જજ સમક્ષ રજૂ કરવામાં આવ્યો છે. જ્યાં કોર્ટે વધુ પૂછપરછ માટે 28 ફેબ્રુઆરી સુધી ED કસ્ટડીની મંજૂર મેળવી છે. અધિકારીઓએ જણાવ્યું હતું કે તેની ધરપકડ તેની સામે દાખલ કરાયેલા અનેક (FIR) સાથે જોડાયેલી નાણાકીય અનિયમિતતાઓના આધારે કરવામાં આવી છે. લાગાંની પૂછરછમાં અનેક પત્રકારોના નામ પણ ખુલી શકે છે. ED દ્વારા તમામની કોલ ડિટેઇલ મેળવાઈ રહી છે અને બે-ત્રણ દિવસમાં તેમને પણ સમન્સ આપીને જવાબ લેવા માટે બોલાવવામાં આવી શકે છે.
મળતી માહિતી અનુસાર લાંગાએ સહિત અનેક મળિતિયાઓએ કુલ 200 જેટલી બોગસ કંપનીઓ ખોલવામાં આવી હતી. જેમાં 50 જેટલી કંપનીઓ ગુજરાતમાં રજીસ્ટર થઈ હતી, બાકીની કંપનીઓ દેશભરમાં ફેલાયેલી હતી અને અંદાજે 200 જેટલા બેન્ક એકાઉન્ટમાં કરોડો રૂપિયાની હેરાફેરી થઈ હતી. જે મામલે વિવિધ શહેરમાં ED દ્વારા દરોડા પાડવામાં આવ્યા હતા. જેમાં આ સમગ્ર કૌભાંડ બહાર આવ્યું છે.
આ પણ વાંચોઃ Waqf Bill 2025: કેબિનેટમાં વક્ફ બિલને મંજૂરી, સરકાર બજેટ સત્રના બીજા તબક્કામાં રજૂ કરી શકે
આ પણ વાંચોઃ UN: ભારતનો પાકિસ્તાનને જડબાતોડ જવાબ: કહ્યું કે પાકિસ્તાન આંતરરાષ્ટ્રીય આધાર પર જીવે છે
