●એક્સ ઝૂક્યું ગ્રોક પર હવે બિકીની ફોટા બનાવી નહિ શકાય ; xAI ને ઇમેજ જનરેશનને બંધ કરવાની ફરજ પડી
●એલોન મસ્કે હવે સોશિયલ મીડિયા પ્લેટફોર્મ X પરના તેમના ગ્રોક ચેટબોટના ઇમેજ જનરેશન ફંક્શનને ફક્ત પેઇડ સબ્સ્ક્રાઇબર્સ સુધી મર્યાદિત રાખ્યું છે. આ ટૂલ મહિલાઓની અશ્લીલ છબીઓ બનાવવા માટે AI નો ઉપયોગ કરી રહ્યું હતુ જે હવેથી નહિ કરી શકાય
Obscene Imagery: અશ્લીલ કન્ટેન્ટ મામલે આખરે સોશિયલ મીડિયા પ્લેટફોર્મ X એ પોતાની ભૂલ સ્વીકારી છે અને કહ્યું છે કે તે ભારતીય કાયદાનું પાલન કરશે.X દ્વારા લગભગ 3,500 સામગ્રી બ્લોક કરવામાં આવી છે અને 600 થી વધુ એકાઉન્ટ્સ ડિલીટ કરવામાં આવ્યા છે.સરકારી સૂત્રોના જણાવ્યા અનુસાર, X હવે અશ્લીલ તસવીરો પોસ્ટ કરવાની મંજૂરી આપશે નહીં. સરકારે સોશિયલ મીડિયા પ્લેટફોર્મ X પાસેથી Groq AI સંબંધિત અશ્લીલ સામગ્રીને રોકવા માટેના પગલાં અને તેના ભવિષ્યની યોજનાઓ અંગે માહિતી માંગતા X દ્વારા વિગતવાર પ્રતિભાવ મોકલ્યો હતો પરંતુ તેમાં કેટલીક મહત્વપૂર્ણ માહિતી સામેલ ન હતી તેથી માહિતી અને પ્રસારણ મંત્રાલયે નિર્દેશ આપ્યો હતો કે Groq જેવા કૃત્રિમ બુદ્ધિમત્તાવાળા ચેટબોટ્સનો ઉપયોગ મહિલાઓની જાતીય અને અશ્લીલ છબીઓ બનાવવા માટે અટકાવવા માટે પગલાં લેવામાં આવે.
કેન્દ્ર સરકારના કડક પગલાં બાદ, સોશિયલ મીડિયા પ્લેટફોર્મ X એ પોતાની ભૂલ સ્વીકારી છે. કંપનીએ કહ્યું છે કે તે ભારતીય કાયદાનું પાલન કરશે ત્યારબાદ X એ 600 થી વધુ એકાઉન્ટ્સ પણ ડિલીટ કર્યા છે.સોશિયલ મીડિયા પ્લેટફોર્મ X એ તેના નવા AI ફીચરના દુરુપયોગને રોકવા માટે પગલાં લીધા છે.હવે, Grok ને આદેશો અભદ્ર અને અશ્લીલ છબીઓ બનાવવાથી અટકાવશે.
અત્યારસુધી X ના AI ફીચર Grokનો ઉપયોગ ફક્ત એક સરળ આદેશનો ઉપયોગ કરીને કોઈપણ વ્યક્તિની અશ્લીલ છબીઓ બનાવવા માટે કરવામાં આવી રહ્યો હતો.ભારત અને યુકે સહિત ઘણા દેશોએ X ને આ ફીચર સામે ફરિયાદો ઉઠી હતી અને તેના પર પ્રતિબંધ મૂકવાની માંગ કરી હતી. ત્યારબાદ એલોન મસ્કની કંપની, X એ આ નિર્ણય લીધો છે.
વિવાદ ત્યારે શરૂ થયો જ્યારે Groq એ કોઈપણ વ્યક્તિની તસવીર પરથી કપડાં કાઢવાની મંજૂરી આપવાનું શરૂ કર્યું, જેના કારણે પ્લેટફોર્મ પર ડીપફેક છબીઓનો મોટો સિલસિલો શરૂ થયો અને મુખ્યત્વે મહિલાઓની તસવીરો નગ્ન હાલતમાં બનાવવાનું શરૂ થતાં તેનો વિરોધ શરૂ થયો જેનો ભારત અને યુકે તરફથી કડક ચેતવણી બાદ xAI ને ઇમેજ જનરેશનને બંધ કરવાની ફરજ પડી છે.
મહત્વનું છે કે,ગ્રોક ચેટબોટને X પ્લેટફોર્મમાં ઇન્ટિગ્રેટ કરાયા બાદ કેટલાક યુઝર્સ દ્વારા સોશિયલ મીડિયા પ્લેટફોર્મ અને ડાર્ક વેબ પર યુવતીઓ અને બાળકોના વાંધાજનક પોસ્ટ્સ બનાવવાનું અને શેર કરવાનું શરૂ થયું હતું,જેનો મોટાપાયે વિરોધ થતાં હવે તેની ઉપર પ્રતિબંધ લગાવાયો છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
