Australian Cricketer Ben Austin Dies: ઓસ્ટ્રેલિયાના મેલબોર્નમાં ક્રિકેટ પ્રેક્ટિસ દરમિયાન ગરદન ઉપર બોલ વાગવાથી 17 વર્ષીય ક્રિકેટર બેન ઓસ્ટિનનું કરુણ મૃત્યુ થતા ભારે અરેરાટી ફેલાઈ ગઇ છે આ ઘટનાએ સમગ્ર ક્રિકેટ જગતને ચોંકાવી દીધું છે અને શોકની લાગણી પ્રસરી છે.
17 વર્ષીય ક્રિકેટર બેન ઓસ્ટિન મંગળવારે બપોરે બેન મેલબોર્નના ફર્ન્ટ્રી ગલીમાં વેલી ટ્યૂ રિઝર્વ ગ્રાઉન્ડ પર નેટમાં પ્રેક્ટિસ કરી રહ્યો હતો તે વખતે તેણે રક્ષણાત્મક હેલ્મેટ પણ પહેરી હતી અને બોલિંગ મશીન સામે બેટિંગનો અભ્યાસ કરી રહ્યો હતો ત્યારે એક હાઇ સ્પીડ બોલ તેના માથા અને ગરદન વચ્ચે વાગ્યો હતો પરિણામે તેને તરત જ ગંભીર હાલતમાં મોનાશ મેડિકલ સેન્ટરમાં લઈ જવામાં આવ્યો હતો, જ્યાં ફરજ પરના ડોકટરોએ તેને બચાવવાના ઘણા પ્રયાસો કર્યા છતાં બુધવારે તેનું કરુણ મોત થઈ ગયું.
બેનના ક્લબ, ફર્ન્ટ્રી ગલી ક્રિકેટ ક્લબે સોશિયલ મીડિયા પર એક ભાવનાત્મક નિવેદન બહાર પાડ્યું, જેમાં લખ્યું, “અમારા ઉભરતા સ્ટાર, બેન ઓસ્ટિનના નિધનથી અમને ખૂબ જ દુઃખ થયું છે. તેમના નિધનથી અમારા સમગ્ર ક્રિકેટ પરિવાર પર અસર પડશે. અમારી સંવેદના તેમના પરિવાર સાથે છે.”
તેઓ મુલગ્રેવ અને એલ્ડન પાર્ક ક્રિકેટ ક્લબના સભ્ય હતા
બેન માત્ર એક તેજસ્વી ક્રિકેટર જ નહીં, પણ એક પ્રિય નેતા અને ટીમ ખેલાડી પણ હતા. બેન વેવરલી પાર્ક હોક્સ માટે જુનિયર ફૂટબોલ પણ રમ્યો હતો. ફર્ન્ટ્રી ગલી અને ડિસ્ટ્રિક્ટ ક્રિકેટ એસોસિએશનના પ્રમુખ આર્ની વોલ્ટર્સે પણ પોતાની લાગણીઓ શેર કરતા કહ્યું, “બેન એક પ્રતિભાશાળી અને અત્યંત લોકપ્રિય ખેલાડી હતો તેમના જેવા ક્રિકેટરો દુર્લભ છે.”
આ ઘટનાએ ક્રિકેટ ચાહકોને 2014 માં થયેલી દુ:ખદ ઘટનાની યાદ અપાવી, જ્યારે ઓસ્ટ્રેલિયન બેટ્સમેન ફિલિપ હ્યુજીસને પણ મેચ દરમિયાન ગરદન પર બોલ વાગ્યો હતો જેઓનું થોડા દિવસો પછી મૃત્યુ થયુ હતુ.
વિક્ટોરિયન શિક્ષણ પ્રધાન બેન કેરોલે કહ્યું કે સરકાર આ મુશ્કેલ સમયમાં બેનના પરિવારને તમામ શક્ય સહાય પૂરી પાડશે,તેમણે કહ્યું, “આ ફક્ત એક પરિવાર માટે નહીં,પરંતુ સમગ્ર સમુદાય માટે દુઃખદ ઘટના છે.”
આ પણ વાંચો:
Gujarat: વરસાદી માહોલ વચ્ચે ડિપ્રેશન ગુજરાત તરફ ફંટાતા ફરી ભારે વરસાદની આગાહી
Gujarat: 60 ગામડાઓ શહેરમાં ભળી ગયા, સવલતો મળતી નથી
Col Rohit Chaudhary: સરકારનો દેશના યુવાનો સાથે વિશ્વાસઘાત!, સરકારી નોકરીના વચનથી ફરી ગઈ!
