Bhavanagar Viral Video: ભાવનગર જિલ્લાના મહુવા તાલુકાના ઉંચા કોટડાના દરિયામાં એક રીક્ષા દરિયાના પાણીમાં ઉતરતાં અચાનક બંધ પડી ગઈ, જેના કારણે રીક્ષાચાલકનો જીવ તાળવે ચોંટી ગયો. આ ઘટનાનો વીડિયો સોશિયલ મીડિયા પર વાયરલ થઈ ગયો છે, જેમાં ભયભીત ડ્રાઈવરની હાલત અને દરિયાના પાણીની લહેરો વચ્ચે રીક્ષાની મજબૂરીભરી સ્થિતિ સ્પષ્ટ દેખાય છે. આ બનાવ દરિયાકિનારા પર સુરક્ષા વ્યવસ્થાના અભાવ અને પ્રવાસીઓની બેદરકારીને લઈને વિવાદાસ્પદ ચર્ચા જગાડી રહ્યો છે.
મળતી માહિતી અનુસાર આ ઘટના તાજેતરમાં મહુવા તાલુકાના ઉંચા કોટડા બીચ પર બની હતી, જ્યાં મહુવા તાલુકાના આ વિસ્તારમાં દરિયાની સુંદરતા અને શાંત વાતાવરણને કારણે વારંવાર પ્રવાસીઓની ભીડ જોવા મળે છે. ફરવા આવેલા એક પ્રવાસીએ બીચ પર રીક્ષા બુક કરી અને વિશેષ માગણી કરી કે તેને દરિયાના પાણીમાં ઉતારીને ફરવા દેવામાં આવે. આવી માગણીઓ વારંવાર સ્થાનિક રીક્ષાચાલકો સામે આવતી હોય છે, જેમાં તેઓ આર્થિક લાભની આશાએ જોખમ મોલી લે છે. રીક્ષાચાલકે પ્રવાસીની વાત માની અને રીક્ષાને દરિયાના નીચા પાણીમાં ઉતાર્યું. જોકે, માત્ર કેટલીક લહેરો આગળ વધ્યા બાદ રીક્ષાનું એન્જિન અચાનક બંધ પડી ગયું. જે બાદ દરિયાનું પાણી વધી જતી રિક્ષા દરિયામાં ફસાઈ ગઈ. લગભગ 20-25 મિનિટની મહામહેનત પછી રસ્સી અને હાથની મદદથી રીક્ષાને દરિયાના પાણીમાંથી બહાર કાઢી. આ દરમિયાન કોઈ જાનહાનિ થઈ નથી.
તંત્રની ઉદાસીનતા?
આ ઘટના દરિયાકિનારા પર સુરક્ષા વ્યવસ્થાના ગંભીર અભાવને ઉજાગર કરે છે. ઊંચા કોટડા જેવા લોકપ્રિય પ્રવાસન સ્થળો પર ચિહ્નિત વિસ્તારો, સુરક્ષા રેલિંગ્સ, જીપણીઓ અને લાઈફગાર્ડ્સની વ્યવસ્થા હોવી જોઈએ, પરંતુ અહીં આવી કોઈ સુવિધા નથી. સ્થાનિક વસ્તીઓ અને પ્રવાસીઓના જણાવ્યા પ્રમાણે, જોખમી સ્ટંટ કરતા લોકો સામે કોઈ કડક નિયંત્રણ નથી. “આવા બનાવો વારંવાર બને છે, પરંતુ વહીવટ પાસે કોઈ તાત્કાલિક પગલાં નથી. એક દિવસ આ બેદરકારી કોઈ મોટા અકસ્માતનું કારણ બનશે”
આ પણ વાંચો:
Bhavnagar: સેનાના જવાનના પરિવાર પર હુમલો, પોલીસ પર ગંભીર આરોપ, ન્યાય માટે અપીલ
Politics: ભાજપ ફરી હિંદુ- મુસ્લીમનો તડકો લગાવા માંગે છે!, કેમ છે બિહારમાં કપરાં ચઢાણ?, જુઓ વીડિયો
