Bihar: JDU નેતા અશોક ચૌધરીની પુત્રીએ બેવાર મતદાન કર્યું?, કેમેરા સામે પોઝ આપતાં બે હાથ પર શાહી!

Bihar viral video: બિહાર વિધાનસભા ચૂંટણીના પ્રથમ તબક્કામાં 6 નવેમ્બરે થયેલા મતદાન બાદ એક વાયરલ વીડિયો સોશિયલ મીડિયા પર ધૂમ મચાવી રહ્યો છે. લોક જનશક્તિ પાર્ટી (રામ વિલાસ)ની સાંસદ શાંભવી ચૌધરી, જેઓ જેડીયુ નેતા અશોક ચૌધરીની દીકરી છે, તેમના બંને હાથની આંગળીઓ પર શાહીના નિશાન જોવા મળ્યા છે. આ વીડિયોમાં તેઓ કેમેરા સામે પોઝ આપતી જોવા મળે છે, જેના કારણે વિપક્ષી પક્ષો અને નેટિઝન્સ તરફથી ‘બે વાર મતદાન’ના આરોપો ઉઠ્યા છે. આ ઘટના લોકશાહી પરના પ્રશ્નોને ફરીથી ઉજાગર કરી રહી છે, જ્યારે તેના સમર્થકો તેને ચૂંટણી પ્રક્રિયાની સામાન્ય ભૂલ તરીકે ગણાવે છે.

She is Shambhavi Chaudhary, daughter of JDU leader Ashok Chaudhary & MP from Chirag Paswan’s LJP
Yesterday, after voting in Bihar, she was posing for the camera & she had ink on both hands
Did she vote twice? Just look at her expressions after being exposed! 🧐 pic.twitter.com/hsuqLwdKoH
— Veena Jain (@Vtxt21) November 7, 2025

વીડિયોમાં શું દેખાઈ છે?

બિહારના સમસ્તીપુર જિલ્લાના એક મતદાન કેન્દ્રની બહારથી રેકોર્ડ થયેલા આ વીડિયોમાં શાંભવી ચૌધરી તેમના પિતા અશોક ચૌધરી અને માતા નીતા ચૌધરી સાથે કેમેરા સામે આવે છે. મતદાન પૂર્ણ કર્યા બાદ તેઓ પોતાના મતની પુષ્ટિ કરવા માટે શાહીવાળી આંગળી દેખાડે છે. પ્રથમ તેઓ જમણા હાથની આંગળી ઉઠાવે છે, પરંતુ તરત જ ડાબા હાથની આંગળી પર પણ શાહીનું નિશાન દેખાય છે. વીડિયોમાં તેઓ માતા સાથે વાત કરતી જોવા મળે છે. આ વીડિયો ઝડપથી વાયરલ થઈ ગયો છે.

ભારતીય ચૂંટણી પ્રક્રિયામાં મતદાન કર્યા બાદ વોટરની ડાબી હાથની અંગુઠી પર શાહી લગાવવામાં આવે છે, જે બે વાર મતદાનને અટકાવે છે. જો કોઈ વોટર ભૂલથી જમણા હાથ આપે તો અધિકારીઓ તેને સુધારીને ડાબા હાથ પર લગાવે છે. આવી ભૂલો સામાન્ય છે, પરંતુ આ વીડિયોમાં બંને હાથ પર શાહી જોવા મળતાં આરોપો ઉઠ્યા છે કે શું તેઓએ બે વખત મત આપ્યો હશે?, જો કે આ વાયરલ વીડિયોની હજુ સુધી સચ્ચાઈ શું છે, તે બહાર આવી નથી.

શાંભવી ચૌધરી વિશે

શાંભવી ચૂધરી બિહારના રાજકારણમાં એક ઉભરતું નામ છે. તેઓ 2024ની લોકસભા ચૂંટણીમાં સમસ્તીપુરથી લોક જનશક્તિ પાર્ટી (રામ વિલાસ)ના તરફથી ચૂંટાયેલી સાંસદ છે, જે એનડીએનો મહત્વનો સાથીદાર છે. તેમના પિતા અશોક ચૌધરી જેડીયુના વરિષ્ઠ નેતા છે અને બિહાર સરકારમાં મંત્રી તરીકે કાર્યરત છે. શાંભવીને યુવા આઇકોન તરીકે ઓળખવામાં આવે છે, જેઓ મહિલા સશક્તિકરણ અને યુવા સક્રિયતા પર ભાર મૂકે છે. તેઓ 25 વર્ષની વયે સાંસદ બન્યા.