Delhi Airport: દિલ્હીના ઇન્દિરા ગાંધી આંતરરાષ્ટ્રીય વિમાનમથક પર શુક્રવારે સવારે (7 નવેમ્બર) એર ટ્રાફિક કંટ્રોલ (ATC) સિસ્ટમમાં ફરી એક ટેકનિકલ ખામી સર્જાઈ. જેના કારણે અનેક ફ્લાઇટમાં વિલંબ થયો અને મુસાફરોને રનવે પર લાંબી રાહ જોવી પડી.
સિસ્ટમમાં ટેકનિકલ ખામીને કારણે આવનારી અને જતી બંને ફ્લાઇટ્સ પર અસર પડી છે, જેના કારણે એરપોર્ટ પર અંધાધૂંધી અને બોર્ડિંગ ગેટ પર ભારે ભીડ જોવા મળી છે. એરલાઇન્સે જણાવ્યું છે કે દિલ્હી એરપોર્ટ પર એર ટ્રાફિક જામને કારણે ફ્લાઇટમાં વિલંબ થયો છે. ATC સિસ્ટમમાં ટેકનિકલ ખામીને કારણે લગભગ 200 ફ્લાઇટ્સ પ્રભાવિત થઈ છે.
Passenger Advisory issued at 13:42 Hours#DelhiAirport #PassengerAdvisory #DELAdvisory pic.twitter.com/it9iMu9zLn
— Delhi Airport (@DelhiAirport) November 7, 2025
આ ઘટના એટલા માટે પણ ગંભીર છે કે તાજેતરના દિવસોમાં દિલ્હી એરપોર્ટ પર બીજી વખત ટેકનિકલ ખામી સર્જાઈ છે. આ અઠવાડિયાની શરૂઆતમાં કેટલીક એરલાઇન્સ માટે ચેક-ઇન પણ અટકી ગયું હતું, જેના કારણે ફ્લાઇટમાં વિલંબ થયો હતો. તે સમયે એરપોર્ટ મેનેજમેન્ટે જણાવ્યું હતું કે તેઓ વિલંબ ઘટાડવા અને સામાન્ય કામગીરી પુનઃસ્થાપિત કરવા માટે તમામ એજન્સીઓ સાથે કામ કરી રહ્યા છે
દિલ્હી એરપોર્ટે શું કહ્યું?
બુધવારે એરપોર્ટે એક અપડેટ જારી કરીને જણાવ્યું હતું કે બધી ફ્લાઇટ્સ હવે સામાન્ય રીતે કાર્યરત છે, પરંતુ આજે શુક્રવારે તે જ સમસ્યા ફરી ઉભી થઈ. ટેક્નિકલ ખામીને કારણે સતત ત્રીજીવાર દિલ્હી એરપોર્ટના સંચાલનને અસર કરી છે, જેના કારણે મુસાફરોને મુશ્કેલીઓના સામનો કરવો પડી રહ્યો છે. શુક્રવારે, દિલ્હી એરપોર્ટે X પર એર ટ્રાફિક કંટ્રોલ સિસ્ટમમાં ટેકનિકલ ખામી વિશે પોસ્ટ કરી હતી.
સ્પાઇસજેટે શુક્રવારે X પર ટ્રાવેલ અપડેટ પોસ્ટ કર્યું હતું, જેમાં જણાવાયું હતું કે દિલ્હીમાં ATC (એર ટ્રાફિક કંટ્રોલ) માં ટેકનિકલ સમસ્યાને કારણે બધી પ્રસ્થાન અને આગમન અને સંબંધિત ફ્લાઇટ્સ પ્રભાવિત થઈ શકે છે. મુસાફરોને http://spicejet.com/#status દ્વારા તેમની ફ્લાઇટની સ્થિતિનું નિરીક્ષણ કરવા વિનંતી કરવામાં આવે છે.
આ પણ વાંચો:
Vote chori: મોદી ચૂંટણીમાં ચોરી કરીને PM બન્યા’, વોટ ચોરી ખુલ્લી પાડવાનું કામ હજુ ચાલુ: રાહુલ ગાંધી
Vote scam: વોટ ચોરી જ નહીં, ચોરીની સરકાર?, જુઓ વીડિયો
