• જમ્મુ કાશ્મીરમાં બોમ્બ બ્લાસ્ટ; બે ભારતીય જવાન શહીદ એક ગંભીર ઈજાગ્રસ્ત

જમ્મુ કાશ્મીરમાં LoC પાસે આઈઈડી બ્લાસ્ટ થતાં સેનાના બે ભારતીય જવાનો શહીદ થઈ ગયા છે. જ્યારે એક જવાન ગંભીર રીતે ઈજાગ્રસ્ત થયો છે, જેની સારવાર ચાલી રહી છે. મળતી માહિતી અનુસાર, મંગળવાર બપોરે અંદાજિત 3:30 વાગ્યે જમ્મુ જિલ્લાના ખૌર વિસ્તારના બટ્ટલમાં એલઓસી પાસે IED બ્લાસ્ટ થયો હતો.

આ બોમ્બ બ્લાસ્ટમાં ત્રણ જવાન ઈજાગ્રસ્ત થઈ ગયા હતા, જેમને સેના હોસ્પિટલમાં દાખલ કરાયા હતા. જ્યાં સારવાર દરમિયાન બે જવાનના મોત થયા, જ્યારે એકની હાલત ગંભીર છે.

આ પણ વાંચો-અનિલ અંબાણીની રિલાયન્સ કેપિટલને મળ્યો નવો માલિક; IIHLને હસ્તગત કરવાની મળી મંજૂરી

અધિકારીઓના જણાવ્યા અનુસાર, અખનૂર સેક્ટરમાં LoC નજીક સેનાના જવાનો પેટ્રોલિંગ કરી રહ્યા હતા. આ દરમિયાન આતંકવાદીઓએ IED બ્લાસ્ટ કર્યો. જેની ઝપેટમાં ત્રણ સૈનિક આવી ગયા. હુમલાની ઘટના બાદ સેનાના વધુ જવાનો પહોંચ્યા અને ઈજાગ્રસ્ત જવાનોને હોસ્પિટલ પહોંચાડીને આતંકવાદીઓની શોધખોળ હાથ ધરી છે.