Bondi Beach shooting: ઓસ્ટ્રેલિયાના બોન્ડી બીચ પર હનુક્કાહની ઉજવણી કરી રહેલા યહૂદીઓ પર બે ઈસમોએ આડેધડ ફાયરિંગ કરતા 10 લોકોના મોત થઈ ગયા હતા.પોલીસે એન્કાઉન્ટરના ડ્રોન ફૂટેજ પણ જાહેર કર્યા છે.ઓસ્ટ્રેલિયન અધિકારીઓના જણાવ્યા અનુસાર, અત્યાર સુધીમાં 10 લોકોના મોત થયા છે, પોલીસે કરેલી વળતી કાર્યવાહીમાં એક હુમલાખોર પણ માર્યો ગયો હતો.પોલીસે જણાવ્યું હતું કે બીજા હુમલાખોરની હાલત ગંભીર છે અને તે સારવાર હેઠળ છે.ઘટના બાદ વિસ્તારમાં સુરક્ષા વ્યવસ્થા કડક કરવામાં આવી છે અને તપાસ ચાલી રહી છે.
હુમલા બાદ બીચ પર અફરાતફરી સર્જાઈ હતી,લોકો પોતાનો જીવ બચાવવા માટે ભાગતા નજરે પડ્યા હતા જ્યારે ઈજાગ્રસ્તો જમીન પર તરફડીયા મારતા હતા.આ ઘટના બાદ પોલીસે સમગ્ર વિસ્તાર કોર્ડન કરી ઓપરેશન શરૂ કર્યું હતુ અને લોકોને આ વિસ્તારથી દૂર રહેવા ઍલર્ટ જાહેર કર્યુ હતું.
ન્યૂ સાઉથ વેલ્સ એમ્બ્યુલન્સે રાત્રે 8.40 વાગ્યે અપડેટ આપતા જણાવ્યું હતું કે ઘાયલોને સિડનીની જુદી જુદી હોસ્પિટલોમાં 16 દર્દીઓને એડમિટ કરવામાં આવ્યા છે, હજુ ઘણા લોકોનું ઘટનાસ્થળે જ સારવાર ચાલી રહી છે.બીજી તરફ બોન્ડી બીચ પર થયેલા ગોળીબારની ઘટના બાદ, મેલબોર્નનો હનુક્કાહ ઉત્સવ રદ કરી દેવાયો છે.
પોલીસે સમગ્ર વિસ્તારમાં ઓપરેશન શરૂ કર્યું છે અને લોકોને આ વિસ્તારથી દૂર રહેવા ઍલર્ટ જાહેર કરવામાં આવ્યું છે.જોકે, મોટી સંખ્યામાં ઈજાગ્રસ્તોને આસપાસની હોસ્પિટલમાં દાખલ કરવામાં આવ્યા છે.તંત્ર દ્વારા મોતના આંકડા અંગે હજુ સત્તાવાર પુષ્ટિ કરવામાં આવી નથી.
આ પણ વાંચો:
Rajkumar Jat Case: ગણેશ ગોંડલનો તા.13 ડિસેમ્બર સુધી ચાલશે નાર્કોટેસ્ટ! શુ હોય છે આ નાર્કોટેસ્ટ? જાણો
