- મનમોહન સિંહના સ્મારક માટે કેન્દ્ર સરકાર ફાળવશે જમીન
પૂર્વ વડાપ્રધાન મનમોહન સિંહના સ્મારક માટે તેમના પરિવારને સરકારે જમીન આપવાની તૈયારી દર્શાવી છે. આ જમીન પૂર્વ રાષ્ટ્રપતિ પ્રણવ મુખર્જીના સ્મારક માટે નિર્ધારિત જમીનની નજીક ફાળવવામાં આવી છે. આ મામલે સરકાર મનમોહન સિંહના પરિવાર દ્વારા ટ્રસ્ટ બનાવવાની રાહ જોઈ રહી છે. ત્યાર બાદ તેમને સત્તાવાર રીતે જમીન ફાળવવામાં આવશે.
એક રિપોર્ટ પ્રમાણે સરકાર ટ્રસ્ટને 25 લાખ રૂપિયાની રકમ પણ આપશે. આ રકમ સ્મારકના નિર્માણ પાછળ ખર્ચ કરવામાં આવશે. મનમોહન સિંહના નિધન બાદ સરકાર જમીન શોધી રહી હતી. મનમોહનસિંહના સ્મારકની જમીન માટે એક સર્વે પણ કરવામાં આવ્યો હતો. શહેરી વિકાસ મંત્રાલય અને સીપીડબ્લ્યુડીએ સંયુક્ત રીતે મનમોહન સિંહ સ્મારક માટે જમીનનો નિર્ણય કર્યો છે.
આ ભૂમિકા રાષ્ટ્રીય સ્મારક હેઠળ આવે છે, જેને યુપીઓ સરકાર દ્વારા વર્ષ 2013માં એક પ્રસ્તાવ લાવીને રજૂ કરવામાં આવ્યો હતો. આ સંકુલ નીચે અટલ બિહારી વાજપેયીનું સ્મારક પણ છે. જાન્યુઆરીની શરૂઆતમાં CPWD અધિકારીઓએ રાષ્ટ્રીય સ્મારકની મુલાકાત લીધી હતી અને સંજય ગાંધીની સમાધિ પાસે જમીન આપવાની ચર્ચા થઈ હતી.
એવું કહેવાય છે કે મનમોહન સિંહના પરિવારને કેટલીક જગ્યાઓ પ્રસ્તાવિત કરવામાં આવી હતી, જેમાંથી એક જગ્યા પર હવે સંમતિ સધાઈ ગઈ છે. મનમોહન સિંહના અવસાન પછી તેમના અંતિમ સંસ્કાર પર પણ રાજકારણ ગરમાયું હતું. મનમોહન સિંહના અવસાન બાદ કોંગ્રેસના નેતા મલ્લિકાર્જુન ખડગેએ ગૃહમંત્રી અમિત શાહને પત્ર લખ્યો હતો.
આ પણ વાંચો- આપણા સંતો / મહંતો/ કથાકારો/ બાબાઓ જૈન સાધુઓની માફક અપરિગ્રહી બની શકે ખરાં?
