
Cheteshwar Pujara Retirement:ટીમ ઈન્ડિયાના અનુભવી ખેલાડી ચેતેશ્વર પૂજારાએ આંતરરાષ્ટ્રીય ક્રિકેટમાંથી નિવૃત્તિની જાહેરાત કરી છે. પૂજારા લાંબા સમયથી ટેસ્ટ ટીમ ઈન્ડિયાની બહાર હતો. આ અનુભવી ખેલાડીએ સોશિયલ મીડિયા પર આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી. જેમાં તેણે એક ભાવનાત્મક નોંધ લખીને ક્રિકેટના તમામ ફોર્મેટને અલવિદા કહ્યું હતું.
સોશિયલ મીડિયા પર લખી ભાવનાત્મક પોસ્ટ
ચેતેશ્વર પૂજારાએ સોશિયલ મીડિયા પર એક પોસ્ટમાં લખ્યું કે “ભારતીય જર્સી પહેરીને, રાષ્ટ્રગીત ગાતી વખતે અને મેદાન પર ઉતરતી વખતે તમારું શ્રેષ્ઠ પ્રદર્શન કરતી વખતે – તેનો સાચો અર્થ શબ્દોમાં વર્ણવવો અશક્ય છે. પરંતુ જેમ તેઓ કહે છે, દરેક સારી વસ્તુનો અંત આવવો જ જોઇએ, અને અપાર કૃતજ્ઞતા સાથે મેં ભારતીય ક્રિકેટના તમામ સ્વરૂપોમાંથી નિવૃત્તિ લેવાનો નિર્ણય લીધો છે. તમારા બધાના પ્રેમ અને સમર્થન બદલ આભાર!”ભારતીય જર્સી પહેરીને, રાષ્ટ્રગીત ગાતી વખતે, અને મેદાન પર ઉતરતી વખતે મારા શ્રેષ્ઠ પ્રયાસો કરતી વખતે – તેનો ખરેખર અર્થ શું છે તે શબ્દોમાં વર્ણવવું અશક્ય છે. પરંતુ જેમ તેઓ કહે છે, બધી સારી વસ્તુઓનો અંત આવવો જ જોઇએ, અને અપાર કૃતજ્ઞતા સાથે મેં તમામ પ્રકારના …
Wearing the Indian jersey, singing the anthem, and trying my best each time I stepped on the field – it’s impossible to put into words what it truly meant. But as they say, all good things must come to an end, and with immense gratitude I have decided to retire from all forms of… pic.twitter.com/p8yOd5tFyT
— Cheteshwar Pujara (@cheteshwar1) August 24, 2025
છેલ્લે ક્યારે આંતરરાષ્ટ્રીય મેચ રમી હતી?
ચેતેશ્વર પૂજારાને ઘણા સમયથી ટીમ ઈન્ડિયામાં પસંદ કરવામાં આવી રહ્યો ન હતો. પસંદગીકારોનું ધ્યાન હવે નવા અને યુવા ખેલાડીઓ પર કેન્દ્રિત છે. પૂજારાએ પોતાની છેલ્લી ટેસ્ટ મેચ 7 જૂન 2023 ના રોજ રમી હતી. પૂજારાએ પોતાની છેલ્લી મેચ ઓસ્ટ્રેલિયા સામે ઓવલ ખાતે રમી હતી. આ મેચમાં તેમનું પ્રદર્શન ખાસ નહોતું. પૂજારાએ આ મેચની પહેલી ઇનિંગમાં 14 રન અને બીજી ઇનિંગમાં 27 રન બનાવ્યા હતા.
આવી હતી પૂજારાની કારકિર્દી
ચેતેશ્વર પૂજારાએ ટીમ ઈન્ડિયા માટે103 ટેસ્ટ અને ૫ વનડે રમી છે. તેમણે 103 ટેસ્ટમાં બેટિંગ કરતા 7195 રન બનાવ્યા છે. આ દરમિયાન તેમનો શ્રેષ્ઠ સ્કોર 206 રન રહ્યો છે. પૂજારાએ ટેસ્ટમાં 19 સદી, 35 અડધી સદી અને 3 બેવડી સદી ફટકારી છે. આ સિવાય પૂજારાએ વનડેમાં માત્ર 51રન બનાવ્યા છે.
આ પણ વાંચો:
Mumbai: અનિલ અંબાણી ફરી મુશ્કેલીમાં ઘેરાયાં, છેતરપિંડીના કેસમાં ED બાદ CBIના દરોડા
Uttarakhand: ચમોલીમાં વાદળ ફાટવાથી ભારે વિનાશ,ઘરોમાં ઘૂસી ગયો કાટમાળ
Amit shah on SIR : શું અમિત શાહ પાસે ટાઈમ મશીન છે? લોકો કેમ ઉડાવી રહ્યા છે મજાક?
Rajasthan: હોસ્ટેલની ડરાવની હકીકત, પથારી ભીની કરનારા બાળકો સાથે આવો વ્યવહાર
UP: આજના યુગમાં પણ વૃદ્ધ દંપતીનો અનોખો પ્રેમ, 72 વર્ષની પત્ની પતિને બચાવવા માટે નહેરમાં કૂદી પડી