Delhi: આમ આદમી પાર્ટીના નેતા અને દિલ્હીના પૂર્વ મંત્રી સૌરભ ભારદ્વાજના ઘરે એન્ફોર્સમેન્ટ ડિરેક્ટોરેટે દરોડા પાડ્યા હતા. હોસ્પિટલ બાંધકામ કૌભાંડ કેસમાં EDએ કાર્યવાહી કરી છે. આ દરમિયાન, EDની કાર્યવાહી વચ્ચે આમ આદમી પાર્ટીનું નિવેદન સામે આવ્યું છે. સાંસદ સંજય સિંહે કહ્યું કે કેસ ખોટો અને પાયાવિહોણો છે.
જાણો શું છે મામલો ?
24 જૂનના રોજ, લેફ્ટનન્ટ ગવર્નર વીકે સક્સેનાએ આપ સરકારમાં આરોગ્ય મંત્રી રહેલા સત્યેન્દ્ર જૈન અને સૌરભ ભારદ્વાજ સામે હજારો કરોડથી વધુના કથિત હોસ્પિટલ કૌભાંડની તપાસને મંજૂરી આપી હતી. ભાજપના નેતા વિજેન્દ્ર ગુપ્તાએ 22 ઓગસ્ટ, 2024ના રોજ તપાસ માટે ફરિયાદ નોંધાવી હતી. આમાં, તત્કાલીન મંત્રી સૌરભ ભારદ્વાજ અને સત્યેન્દ્ર જૈન પર આરોગ્ય વિભાગમાં મિલીભગત અને ભ્રષ્ટાચારનો આરોપ મૂકવામાં આવ્યો હતો. આમ આદમી પાર્ટી (AAP) એ આ આરોપોને નકારી કાઢ્યા હતા.
એવો આરોપ છે કે વર્ષ 2018-19માં 5590 કરોડ રૂપિયાના 24 હોસ્પિટલ પ્રોજેક્ટ્સ (11 ગ્રીનફિલ્ડ અને 13 બ્રાઉનફિલ્ડ) મંજૂર કરવામાં આવ્યા હતા. આમાં મોટા પાયે ગેરરીતિના આરોપો છે. સપ્ટેમ્બર 2021 થી 6 મહિનાની અંદર પ્રી-એન્જિનિયર્ડ સ્ટ્રક્ચર્સનો ઉપયોગ કરીને બાંધકામ માટે 1125 કરોડ રૂપિયાના ખર્ચે 6800 બેડની કુલ ક્ષમતા ધરાવતી 7 ICU હોસ્પિટલોને મંજૂરી આપવામાં આવી હતી. ત્રણ વર્ષથી વધુ સમય પછી પણ, 800 કરોડ રૂપિયાના ખર્ચે માત્ર 50 ટકા કામ પૂર્ણ થયું છે.
ઘર સહિત 13 સ્થળોએ દરોડા
AAP નેતા સૌરભ ભારદ્વાજના ઘર સહિત 13 સ્થળોએ દરોડા, જાણો કેજરીવાલથી લઈને આતિશી સુધી કોણે શું કહ્યું
મંગળવારે સવારે આમ આદમી પાર્ટીના નેતા અને દિલ્હીના પૂર્વ મંત્રી સૌરભ ભારદ્વાજના ઘરે એન્ફોર્સમેન્ટ ડિરેક્ટોરેટે દરોડા પાડ્યા હતા. હોસ્પિટલ બાંધકામ કૌભાંડ કેસમાં EDએ કાર્યવાહી કરી છે. આ દરમિયાન, EDની કાર્યવાહી વચ્ચે આમ આદમી પાર્ટીનું નિવેદન સામે આવ્યું છે.
કેજરીવાલે શું કહ્યું ?
AAP ના રાષ્ટ્રીય સંયોજક અરવિંદ કેજરીવાલે ટ્વીટ કર્યું, “સૌરભ ભારદ્વાજના ઘરે EDનો દરોડો મોદી સરકાર દ્વારા એજન્સીઓના દુરુપયોગનો બીજો એક કિસ્સો છે “AAP” ને નિશાન બનાવવામાં આવી રહી છે
કેજરીવાલે કહ્યું કે ભાજપ એજન્સીઓનો દુરુપયોગ કરી રહી છે.
આપના રાષ્ટ્રીય સંયોજક અરવિંદ કેજરીવાલે સૌરભ ભારદ્વાજના ઘરે દરોડા અંગે કહ્યું કે મોદી સરકાર તપાસ એજન્સીઓનો દુરુપયોગ કરી રહી છે. આપને નિશાન બનાવવામાં આવી રહી છે. કારણ કે પાર્ટીએ મોદી સરકારની ખોટી નીતિઓ સામે સૌથી વધુ અવાજ ઉઠાવ્યો છે.
આપ નેતાઓને જેલમાં ધકેલી દેવા એ મોદી સરકારની નીતિ
AAPના વરિષ્ઠ નેતા મનીષ સિસોદિયાએ EDની કાર્યવાહી પર કહ્યું કે દરોડા ધ્યાન ભટકાવવાની યુક્તિ છે. આ કેસ તે સમયનો છે જ્યારે ભારદ્વાજ કોઈ મંત્રી પદ સંભાળતા ન હતા. આ કેસ ખોટો છે. ‘આપ નેતાઓને જેલમાં ધકેલી દેવા એ મોદી સરકારની નીતિ છે’
નોંધાયેલો કેસ ખોટો અને પાયાવિહોણો
આપ સાંસદ સંજય સિંહે ED ની કાર્યવાહી પર સવાલ ઉઠાવતા કહ્યું કે તેમની સામે નોંધાયેલો કેસ ખોટો અને પાયાવિહોણો છે. કારણ કે જે સમયે ED એ કેસ નોંધ્યો હતો તે સમયે તેઓ મંત્રી પણ નહોતા. આપ નેતાઓ પર ખોટા કેસ દાખલ કરીને તેમને જેલમાં ધકેલી દેવા એ મોદી સરકારની નીતિ છે. ભાજપ સરકાર બધા AAP નેતાઓને એક પછી એક હેરાન કરી રહી છે અને તેમને જેલમાં ધકેલી રહી છે. પીએમ મોદીની નકલી ડિગ્રી પરથી ધ્યાન હટાવવા માટે દરોડા પાડવામાં આવી રહ્યા છે. પીએમ મોદીની નકલી ડિગ્રી પર ચર્ચા ન થાય તે માટે ED એ કાર્યવાહી કરી છે.
PM મોદીની ડિગ્રી અંગે ચર્ચાથી ધ્યાન હટાવવા દરોડો
પંજાબના CM ભગવંત માન એ કહ્યું કે આજે સૌરભ ભારદ્વાજના ઘરે દરોડા પાડવામાં આવ્યા છે. કારણ કે આખા દેશમાં PM મોદીની ડિગ્રી અંગે ચર્ચા થઈ રહી છે. ડિગ્રી નકલી છે. આ દરોડો ધ્યાન હટાવવા માટે કરવામાં આવ્યો છે. સત્યેન્દ્ર જૈનને પણ ત્રણ વર્ષ સુધી જેલમાં રાખવામાં આવ્યા હતા પરંતુ બાદમાં CBI અને ED એ કોર્ટમાં ક્લોઝર રિપોર્ટ દાખલ કર્યો. આનાથી સ્પષ્ટ થાય છે કે આમ આદમી પાર્ટીના નેતાઓ પર દાખલ કરાયેલા તમામ કેસ નકલી અને ખોટા છે.
પૂર્વ સીએમ આતિશીએ મજાક ઉડાવી
સૌરભ ભારદ્વાજ સામે EDની કાર્યવાહી પર પૂર્વ સીએમ આતિશીએ કહ્યું કે આજે સૌરભના ઘરે દરોડા કેમ પાડવામાં આવ્યા? કારણ કે આખા દેશમાં મોદીની ડિગ્રી પર પ્રશ્નો ઉભા થઈ રહ્યા છે. શું મોદીની ડિગ્રી નકલી છે? આ ચર્ચા પરથી ધ્યાન હટાવવા માટે દરોડા પાડવામાં આવ્યા છે. જે સમયે આ કેસની જાણ થઈ રહી છે, તે સમયે સૌરભ મંત્રી પણ નહોતા. એટલે કે આખો કેસ ખોટો છે.
અહેવાલ: સુમન ડાભી
આ પણ વાંચો:
Lover Death: પ્રેમિકા સાથે સંબંધ બનાવતી વખતે પરણિત પુરુષનું મોત, કોર્ટે પ્રેમિકાને કેમ દંડ ફટકાર્યો?
મોદીએ માત્રો વાતો જ કરી, ગુજરાતમાં ગાયો અને બળદની સંખ્યામાં મોટો ઘટાડો | Kaal Chakra | Part-73
MP: મોદી સરકારને ખેડૂત સાથે મજાક ભારે પડશે!, ‘સહાયને સરકારના મોં પર મારશે’, આ ખેડૂત તૈયાર!
