Donald Trump: અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર ભારતને ધમકી આપી છે,ટ્રમ્પે કહ્યુ કે રશિયા પાસેથી ક્રૂડ ઓઇલ ખરીદવાનું બંધ કરી મોદીએ મને ખુશ કરવો પડશે નહીતો વધુ ટેરીફના પરિણામ ભોગવવા તૈયાર રહેવું પડશે.વેનેઝુએલા સામે કાર્યવાહી કર્યા બાદ અમેરિકાના રાષ્ટ્રપતિ ડોનાલ્ડ ટ્રમ્પ દુનિયાભરમાં ચર્ચાનો વિષય બન્યા છે.ત્યારે હવે તેમણે ભારતને ચેતવણીના સૂરમાં ધમકી આપતા કહ્યું કે જો ભારત રશિયા પાસેથી ક્રૂડ ઓઇલ ખરીદવાનું ચાલુ રાખશે તો હવે જે ચાલુ ટેરિફ છે તેમા પણ વધારો કરવામાં આવશે.
ઉલ્લેખનીય છે કે હાલમાં ભારત પર એમરીકાએ 50 ટકા ટેરિફ લાદ્યો છે અને હવે તેથી વધુ ટેરીફ લાદવાની વાત કરી રહયા છે.ANIના અહેવાલ મુજબ, ભારત પર ટેરિફ લાદવાનો ઉલ્લેખ કરતા ટ્રમ્પે કહ્યું, આ મુદ્દા પર નરેન્દ્ર મોદી ખરેખર મને ખુશ કરવા માંગતા હતા પરંતુ હજુ કઈ થયું નથી.
ટ્રમ્પે કહ્યું કે ભારતના વડા પ્રધાન મોદી આમતો ખૂબ જ સારા માણસ છે તેઓ એક સારા વ્યક્તિ છે અને તેઓ જાણતા હતા કે હું ભારત દ્વારા રશિયન તેલ ખરીદવાથી ખુશ નથી તો પહેલા મને ખુશ કરવાનું મહત્વપૂર્ણ હતું પણ હજુ મને ખુશ કરી શક્યા નથી.જો તેઓ મને ખુશ નહિ કરે અને હજુપણ જો રશિયન તેલ ખરીદવાનું ચાલુ રાખશે તો અમે ભારત પર વધુ ટેરિફ ઝીંકીશું.
હકીકતમાં, ટ્રમ્પે ઓગસ્ટ 2025 માં ભારત પર 50 ટકા ટેરિફ લાદ્યો હતો. તેઓ રશિયા સાથે ભારતના તેલ વેપારથી નાખુશ હતા અને આનો ઉલ્લેખ ઘણી વખત કર્યો હતો. ટ્રમ્પના નિર્ણયથી બંને દેશો વચ્ચેના વેપાર કરાર લાંબા સમય સુધી અટકી ગયો હતો. ટ્રમ્પ ઇચ્છતા હતા કે ભારત પોતાનું આખું બજાર અમેરિકા માટે ખોલે અને ડેરી અને કૃષિ ક્ષેત્રોમાં પ્રવેશ આપે, પરંતુ ભારત પોતાના નિર્ણય પર અડગ રહ્યું હતું,પરિણામે હવે ટ્રમ્પ દાદાગીરી ઉપર ઉતર્યા છે અને ખુલ્લેઆમ ભારતને ટેરીફ વધારાની ધમકી આપી બ્લેક મેઈલ કરવા ઉતરી પડ્યા છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
