Dubai Airport Drone Attack: ઈરાન-અમેરિકા-ઈઝરાયલ વચ્ચેના યુદ્ધનો આજે 17મો દિવસ છે,આજે ઇરાને સવારે દુબઈ એરપોર્ટ નજીક ડ્રોન હુમલો કર્યો છે ઈરાને સ્પષ્ટપણે કહ્યું છે કે તે હોર્મુઝ સ્ટ્રેટને અવરોધિત કરવા માટે લીવરેજનો ઉપયોગ કરવાનું ચાલુ રાખશે અને તે રસ્તો અમે નહિ ખોલવા દઈએ.
ઈરાને દુબઈ એરપોર્ટ નજીક વધુ એક ડ્રોન હુમલો કરી પડોશી દેશોને યુએસ લશ્કરી થાણા બંધ કરવા ચેતવણી આપી છે અન્યથા હુમલાઓ ચાલુ રાખશે તેમ જણાવ્યું છે, આ તેનું પહેલું નિવેદન છે જે સરકારી ટીવી પર વાંચવામાં આવ્યુ છે, દુબઈ ઇન્ટરનેશનલ એરપોર્ટ પાસે આવેલા ફ્યુઅલ ટેન્ક પર આજે સોમવારે સવારે ઈરાની ડ્રોન હુમલો થતા આગ લાગી હતી પરિણામે ભારે ભાગદોડ મચી હતી,સદનસીબે સિવિલ દુબઈની ડિફેન્સ ટીમે આગ પર કાબૂ મેળવી લીધો છે અને કોઈ જાનહાનિ થઈ નથી.
A drone incident in the vicinity of Dubai International Airport (DXB) affected one of the fuel tanks. Dubai Civil Defence teams are currently working to bring the fire under control. No injuries have been reported so far.
— Dubai Media Office (@DXBMediaOffice) March 16, 2026
જોકે, સુરક્ષાના કારણોસર દુબઈ ઇન્ટરનેશનલ એરપોર્ટ પર તમામ ફ્લાઈટ્સ કામચલાઉ ધોરણે સ્થગિત કરી દેવામાં આવી છે અને એરપોર્ટ બંધ કરાયું છે આજે સવારે દુબઈ ઇન્ટરનેશનલ એરપોર્ટ નજીક એક ફ્યુઅલ ટેન્કને ઇરાને નિશાન બનાવી ડ્રોન હુમલો કર્યો હતો, આ પહેલા પણ યુદ્ધ દરમિયાન અહીં હુમલો થયો હતો. જોકે, હુમલામાં કોઈ જાનહાનિ થઈ હોવાની માહિતી સામે આવી નથી.
દુબઈ પોલીસે એરપોર્ટ રોડ અને એરપોર્ટ ટનલને બંધ કરવાની જાહેરાત કરી છે. પોલીસે વાહનચાલકોને જણાવ્યું છે કે ઓપરેશન ચાલુ રહે ત્યાં સુધી અન્ય રસ્તાઓનો ઉપયોગ કરે, આ પહેલા દુબઈ મીડિયા ઓફિસે સત્તાવાર માહિતી આપી કે દુબઈ આંતરરાષ્ટ્રીય એરપોર્ટ નજીક ડ્રોન હુમલો થતાં લાગેલી આગ પર સિવિલ ડિફેન્સની ટીમોએ સફળતાપૂર્વક કાબૂ મેળવી લીધો છે પણ સાવચેતીના ભાગરૂપે હાલ એરપોર્ટ બંધ કરાયું છે.
મીડિયા રિપોર્ટ્સ અનુસાર, યુદ્ધ શરૂ થયા પછી ઈરાને યુએઈ પર 1,800 થી વધુ મિસાઈલ અને ડ્રોન છોડ્યા છે. યુએઈ સૌથી વધુ નિશાન બનનાર દેશ બની ગયો છે. ઈરાન યુએસ બેઝ, એરપોર્ટ, બંદરો અને તેલ સુવિધાઓને નિશાન બનાવી રહ્યું છે, કારણ કે અમેરિકા અને ઈઝરાયલે ત્યાંથી ઈરાન પર હુમલા શરૂ કર્યા છે.
છેલ્લા કેટલાક દિવસોમાં દુબઈની આસપાસ ઘણી ડ્રોન ઘટનાઓ બની છે, જેમાં એરપોર્ટ નજીક ડ્રોન ક્રેશ થયુ જેમાં ચાર લોકો ઘાયલ થયા હતા, એક ઇમારત પર કાટમાળને કારણે નાની આગ લાગી હતી અને બુર્જ ખલીફા નજીક ડ્રોન હુમલો થયો હતો દુબઈ પોલીસ અને અધિકારીઓ નિયમિત અપડેટ્સ આપી રહયા છે આ યુદ્ધ ગલ્ફમાં મુસાફરી અને સુરક્ષા અંગે ચિંતાઓ ઉભી કરી રહ્યું છે.
દુબઈ એરપોર્ટ્સ નજીક ડ્રોન હુમલા બાદ દુબઈ ઇન્ટરનેશનલ નજીક આગ લાગવાની ઘટનાને કારણે કેટલીક ફ્લાઇટ્સને અન્ય એરપોર્ટ તરફ વાળવામાં આવી છે.
એરપોર્ટ મેનેજમેન્ટ અનુસાર આ ફ્લાઇટ્સને જેબેલ અલી સ્થિત અલ મકતૂમ આંતરરાષ્ટ્રીય હવાઈમથક (DWC) મોકલવામાં આવી રહી છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
