Donald Trump: અમેરિકા-ઇઝરાયલ અને ઇરાન યુદ્ધનો આજે 17મો દિવસ છે ટ્રમ્પ ફાંકો મારતા રહ્યા કે હોર્મુઝ સ્ટ્રેટને અમેરિકન સેના ખૂબજ ઝડપથી ખીલી નાખશે પણ એવું થયું નહિ ટ્રમ્પે ઈરાન ઉપર દબાણ લાવવા ખુર્ગ ટાપુ પર પણ બૉમ્બ ફેંકી જોયા પણ ઇરાને આ માર્ગ ઉપર નિયંત્રણ બનાવી રાખતા હવે વિશ્વભરમાં મંડરાયેલાં મંદીના વાદળો ઘેરા બનતા ટ્રમ્પે આખરે ચીન સહિત અન્ય દેશો પાસે હોર્મુઝ સ્ટ્રેટ માર્ગ ખોલવામાં મદદ કરવા અપીલ કરી પણ કોઈએ મદદ નહિ કરતા ટ્રમ્પે હવે નાટો દેશોને ધમકી આપી છે.
તેમણે કહ્યું કે જો સહયોગી દેશો હોર્મુઝ સ્ટ્રેટને ખુલ્લો રાખવામાં મદદ નહીં કરે તો નાટોનું અસ્તિત્વ ટકશે નહિ, ટ્રમ્પે કહ્યું, “આપણી પાસે NATO નામની એક વ્યવસ્થા છે. અમે તેમની સાથે ખૂબ સારા રહ્યા છીએ, યુક્રેનના મામલે પણ અમેરિકાએ મદદ કરી પણ અમારી કોઈ મદદ કરી રહ્યું નથી.
ટ્રમ્પે ચીનને પણ ધમકી આપતા કહ્યું કે “જો ચીન હોર્મુઝ માર્ગ ખોલવામાં અમને મદદ નહીં કરે, તો તેઓ આ મહિનાના અંતમાં ચીનના રાષ્ટ્રપતિ શી જિનપિંગ સાથે યોજાનારી તેમની શિખર પરિષદને મુલતવી રાખી શકે છે. મહત્વનું છે કે ટ્રમ્પ 31 માર્ચે ચીન જવાના છે તે ન પણ જાય.
જોકે, ટ્રમ્પે હોર્મુઝ સ્ટ્રેટનો ઉપયોગ કરતા દેશોને આ માર્ગનું રક્ષણ કરવા માટે યુદ્ધ જહાજો અને જરૂરી મદદ મોકલવાની માગ કરી હતી. વિશ્વભરનુ તેલ અને અન્ય સામગ્રી આ જ રૂટ પરથી પસાર થાય છે જે આજે 17 દિવસથી બંધ છે અને ટ્રમ્પ આ માર્ગ ખોલાવી શક્યા નથી.
ઉલ્લેખનીય છે કે ગઈકાલે ટ્રમ્પે ચીન,જાપાન,ફ્રાંસ,દ.કોરિયા, બ્રિટન સહિતના દેશોને આ માર્ગ ખોલવામાં મદદની ગુહાર લગાવી હતી પણ બધા દેશોએ કોઈને કોઈ બહાનું બતાવી મદદ ટાળી છે, જાપાનના વડાપ્રધાન સના તાકાઇચીએ પણ સંસદમાં કહ્યું છે કે હોર્મુઝ સ્ટ્રેટમાંથી પસાર થતા તેલ ટેન્કરોની સુરક્ષા માટે નૌકાદળ મોકલવાનો ટોક્યોનો હાલમાં કોઈ ઈરાદો નથી.
આમ,એકપણ દેશ ટ્રમ્પ સાથે જોડાવા તૈયાર નહિ થતા ટ્રમ્પ હવે આ માર્ગ ખોલવા લાચાર બની ગયા છે અને દુનિયામાં મહામંદી માટે જવાબદાર બની ગયા છે જ્યારે ઈરાન આ માર્ગ નહિ ખોલવા મક્કમ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
