- ગુજરાત કોંગ્રેસના ધારાસભ્યો હાથકડી-સાંકળોમાં બંધક બનીને આવ્યા વિધાનસભા
અમેરિકાએ ભારતીયોને હાથકડીઓ અને સાંકળોથી બાંધીને અપમાનજનક રીતે ડિપોર્ટ કરવાનો ગુસ્સો દેશના લોકોમાં જોવા મળી રહ્યો છે. તો બીજી તરફ અમેરિકા પણ પોતાના સોશિયલ મીડિયા હેન્ડલ પર ભારતીયોને બંધક બનાવવાનો વીડિયો શેર કરીને ભારતીયોને નીચું દેખાવવા માટે મજબૂર કરી રહ્યો હોય તેવું દેખાઈ રહ્યું છે.
આ તમામ બાબતોનો વિરોધ ગુજરાત કોંગ્રેસના નેતાઓ દ્વારા કરવામાં આવ્યો હતો. ગુજરાત વિધાનસભાની બહાર કોંગ્રેસના ધારાસભ્યો હાથકડી અને બેડીઓમાં પોતાને બાંધીને વિરોધ પ્રદર્શન કર્યો હતો. આ દરમિયાન તેમણે પોતાના શરીર પર પોસ્ટરો પણ લગાવી રાખ્યા હતા. આ પોસ્ટરો પર સરકારનો વિરોધ કરવા માટે વિવિધ સુત્રો લખેલા હતા.
#WATCH | Gujarat Congress MLAs chain themselves up and demonstrate outside the State Assembly in Gandhinagar, as a mark of protest against the deportation of illegal Indian immigrants from the US while being handcuffed and shackled. pic.twitter.com/zumqGnicOL
— ANI (@ANI) February 19, 2025
અમેરિકાથી ગેરકાયદેસર ભારતીય ઇમિગ્રન્ટ્સને હાથકડી અને બેડીઓ પહેરાવીને દેશનિકાલ કરવાના વિરોધમાં તમામ કોંગ્રેસના નેતાઓએ સુત્રોચ્ચાર કરીને સરકારનો ઉગ્ર વિરોધ કર્યો હતો. કોંગ્રેસના ધારાસભ્યોએ વિધાનસભાની બહાર સાંકળ બાંધીને કરેલા દેખાવે બધાનું ધ્યાન દોર્યું હતું. ઉલ્લેખનિય છે કે, લાખો રૂપિયા ખર્ચીને પોતાના સ્વપ્ન સાકાર કરવા અમેરિકા ગયેલા મોટી સંખ્યામાં ગુજરાતીઓને પણ પરત મોકલી દેવામાં આવ્યા છે.
અમેરિકાએ ખાસ કરીને ભારતીયોને ટાર્ગેટ કરીને પરત મોકલ્યા હોવાનું દેખાઈ રહ્યું છે. તો બીજી તરફ અમેરિકાનું હરિફ રહેલા ચીનના ગેરકાયદેસર ઈમિગ્રેન્ટ્સ તરફ અમેરિકાએ કોઈ ખાસ ધ્યાન આપ્યું નથી. તેથી કેન્દ્રની મોદી સરકાર પણ પ્રશ્નના ઘેરામાં છે.
ઉલ્લેખનિય છે કે, પીએમ મોદીની અમેરિકાની મુલાકાત પછી પણ અમેરિકાએ ભારતીય ગેરકાયદેસર ઈમિગ્રન્ટ્સ સાથે અપમાનજનક વ્યવહાર કર્યો હતો. આ ખરાબ વ્યવહારના કારણે પીએમ મોદી પણ વિરોધ પક્ષના નિશાના પર આવી ગયા હતા. ટીકાકારોના જણાવ્યા અનુસાર, પીએમ મોદી ટ્રમ્પને ભારતીય ઈમિગ્રેન્ટ સાથે ખરાબ વ્યવહાર કરવાનું પણ રોકી શક્યા નહતા. એક સમય હતો કે, ટ્રમ્પ અને મોદી બંને વચ્ચેની મિત્રતાની વાતો ખુબ જ થતી હતી. પરંતુ તે બધી જ વાતો ભ્રામક સાબિત થતી જોવા મળી રહી છે.
આ પણ વાંચો- રાજકોટ: પાયલ મેટરનિટી હોસ્પિટલના વીડિયો લીક કરનારા બે આરોપીઓને ધરપકડ
