Gujarat Pharma Drug Abuse Crisis: 208 ફાર્મસી પર દરોડા, દવાનો નશો કરતું ગુજરાત
દિલીપ પટેલ
અમદાવાદ, 13 જૂન 2026
નાગરિકોના સ્વાસ્થ્ય સાથે ચેડાં કરનારાની સામે ઓછા પગલાં લેવાય છે. આરોગ્ય રાજ્ય પ્રધાન પ્રફુલ પાનશેરીયા તેના માટે જવાબદાર છે. કારણ કે ગુજરાતના 55 હજાર મેડિકલ સ્ટોર કરતાં તો ઓન લાઈન નશીલી દવાઓ વધારે વેચાઈ રહી છે. તેની સામે પગલાં ભરવાના બદલે દવાની દુકાનો પર દરોડા પાડીને ભાજપની ભૂપેન્દ્ર પટેલની સરકાર દેખાડો કરી રહી છે. મૂળ સમસ્યા ઓન લઈન છે તે અંગે કેન્દ્રની મોદી સરકાર કે ગુજરાતને પટેલ સરકાર કોઈ પગલાં લેતા નથી.
ખોરાક અને ઔષધ નિયમન તંત્ર દ્વારા તપાસ કરવામાં આવી તો નશા માટે દુરુપયોગ થઈ રહેલી દવાઓ જેવી કે કોડીન, અલ્પ્રાઝોલમ, નાઇટ્રાઝેપામ, ટ્રામાડોલ અને ઝોલપીડેમ વગેરેના ગેરકાયદે ખરીદ-વેચાણ મોટા પ્રમાણમાં થતું હોવાનું મળી આવ્યું છે.
208 દુકાનોની તપાસ કરવામાં આવી તેમાંથી 131 નોટિસ આપી. 72 દુકાનોને દવા વેચવા પર પ્રતિબંધ મૂકી ખરીદ-વેચાણ બંધ કરાવાયું હતું. દવાના 55 નમૂના લેવામાં આવ્યા હતા.
પ્રિસ્ક્રિપ્શન વિના કે શંકાસ્પદ રીતે દવાઓનું વેચાણ કરવામાં આવી રહ્યું છે.
દવાની દુકાનો
2025 સુધીમાં ગુજરાતમાં 55,776 લાઇસન્સ ધરાવતી રિટેલ અને હોલસેલ દવાની દુકાનો (pharmacies) નોંધાયેલી હતી. 2023માં આ સંખ્યા આશરે 52,000 હતી અને બે વર્ષમાં 3,700થી વધુનો વધારો થયો હતો.
દવા બનાવતી ફેક્ટરીઓ
દવા, આયુર્વેદ, કોસ્મેટિક્સ, મેડિકલ ડિવાઇસ માટે 5,850 ઉત્પાદકો છે.
ભારતના કુલ દવા ઉત્પાદનનો 33% અને નિકાસમાં ગુજરાતનો 28% હિસ્સો છે.
1,081 WHO-GMP પ્રમાણિત ઉત્પાદન એકમો અને 140 US FDA મંજૂર પ્લાન્ટો છે
એલોપથી દવાની ફેક્ટરી 3200, આયુર્વેદીક 950 અને કોસ્મેટિક્સ ફેક્ટરીઓ 984 છે. હોમિયોપેથીની 9 ફેક્ટરીઓ છે.
2026માં કાર્યવાહી
ગુજરાતમાં 2026 દરમિયાન દવાની દુકાનો, ફાર્મસી અને પ્રિસ્ક્રિપ્શન દવાઓના દુરુપયોગ સામે થયેલી કાર્યવાહીમાં સૌથી વધુ મળી આવેલી દવાઓ
કોડીન આધારિત કફ સિરપ, અલ્પ્રાઝોલમ, પ્રેગાબાલિન, ટ્રામાડોલ, અન્ય સાયકોટ્રોપિક દવાઓ, મેફેડ્રોન, નિયંત્રિત માનસિક રોગોની દવાઓ હતી.
અમદાવાદ
724 મેડિકલ સ્ટોર્સ પર દરોડા
જૂન 2026માં અમદાવાદ શહેર પોલીસે એક જ રાત્રે 724 મેડિકલ સ્ટોર્સની તપાસ કરી હતી. તેમાં 160 કેસ નોંધાયા હતા અને એક કેસ NDPS Act હેઠળ નોંધાયો હતો. પ્રતિબંધિત અથવા નિયંત્રિત દવાઓના રેકોર્ડ અને વેચાણમાં ગેરરીતિઓ મળી આવી હતી.
માનસિક રોગોની દવાઓનો ગેરકાયદે વેપાર
FDCAએ અમદાવાદ સહિત રાજ્યના અનેક સ્થળોએ દરોડા પાડી ₹1.21 કરોડની શંકાસ્પદ દવાઓ જપ્ત કરી હતી. તેમાં કેટલીક માનસિક રોગોની દવાઓ ઓનલાઈન અને પ્રિસ્ક્રિપ્શન વિના વેચાતી હોવાનું બહાર આવ્યું હતું.
કફ સિરપનું ગેરકાયદે વેચાણ
અમદાવાદમાં તપાસ દરમિયાન 8માંથી 5 મેડિકલ સ્ટોર્સ કોડીન અથવા અન્ય નિયંત્રિત ઘટકો ધરાવતા કફ સિરપ પ્રિસ્ક્રિપ્શન વિના વેચતા હોવાનું સામે આવ્યું હતું. FDCAએ નોટિસ ફટકારી હતી.
વડોદરા
કોડીન સિરપ રેકેટ
વડોદરામાં કોડીન આધારિત કફ સિરપના મોટા ગેરકાયદે વેપારનો પર્દાફાશ થયો હતો. લાખો બોટલોના વિતરણ સાથે જોડાયેલા નેટવર્ક સામે કાર્યવાહી થઈ હતી.
ગેરકાયદે દવા ઉત્પાદન
FDCAની કાર્યવાહીમાં વડોદરા વિસ્તારની કેટલીક કંપનીઓ પર પરવાનગી વગર દવાઓ બનાવવાના આરોપો સામે આવ્યા હતા.
સુરત
રાજ્યવ્યાપી તપાસ દરમિયાન સુરતમાં 333 મેડિકલ સ્ટોર્સની તપાસ કરવામાં આવી હતી. ત્યાંથી 108 કોડીન સિરપની બોટલો અને 5 અલ્પ્રાઝોલમના જથ્થા જપ્ત કરવામાં આવ્યા હતા.
વલસાડ (વાપી વિસ્તાર સહિત)
અલ્પ્રાઝોલમ ફેક્ટરી
વલસાડ જિલ્લાના આતગામ ગામમાં DRIએ ₹22 કરોડ કિંમતની ગેરકાયદે અલ્પ્રાઝોલમ ઉત્પાદન એકમ પકડી હતી. તેમાં તૈયાર દવા, અર્ધતૈયાર દવા અને કાચો માલ જપ્ત થયો હતો.
મેફેડ્રોન (MD) ઉત્પાદન
વાપી નજીક ચાળા વિસ્તારમાં મેફેડ્રોન બનાવતી ફેક્ટરી ઝડપાઈ હતી. અંદાજે ₹30 કરોડના MD ડ્રગ્સ અને સાધનો જપ્ત થયા હતા.
વલસાડ
રાજ્યવ્યાપી મેડિકલ સ્ટોર ચેકિંગ દરમિયાન 282 દુકાનોની તપાસમાં 45 કેસ નોંધાયા હતા, જેમાં એક NDPS Act હેઠળનો કેસ પણ સામેલ હતો.
રાજકોટ
રાજકોટ જિલ્લામાં કોડીન સિરપ અને પ્રિસ્ક્રિપ્શન દવાઓના ગેરકાયદે વેચાણ અંગે રાજ્યવ્યાપી દરોડા પાડવામાં આવ્યા હતા. ચોક્કસ જપ્તી આંકડા જાહેર થયા નથી, પરંતુ જિલ્લો મુખ્ય તપાસ હેઠળ હતો.
કચ્છ
કચ્છ જિલ્લામાં પણ કોડીન આધારિત દવાઓના ગેરકાયદે વેચાણની તપાસ માટે મેડિકલ સ્ટોર્સ પર કાર્યવાહી થઈ હતી.
સુરેન્દ્રનગર
સુરેન્દ્રનગરમાં પણ રાજ્યવ્યાપી તપાસ અભિયાન હેઠળ મેડિકલ સ્ટોર્સની ચકાસણી કરવામાં આવી હતી.
અન્ય જિલ્લાઓ તપાસ
પાટણ, નવસારી, જામનગર, ભરૂચ, ડાંગ, દાહોદ, પંચમહાલ તથા ગાંધીનગરમાં તપાસ થઈ તો તેમાં
કોડીન સિરપ, અલ્પ્રાઝોલમ અને અન્ય નશાકારક દવાઓના વેચાણ સામે કાર્યવાહી કરવામાં આવી હતી.
2010થી 2026
2010થી 2026 સુધી ગુજરાતના દરેક જિલ્લામાં કોડીન કફ સિરપ, અલ્પ્રાઝોલમ, પ્રેગાબાલિન, ટ્રામાડોલ, મેફેડ્રોન (MD), અને અન્ય સાયકોટ્રોપિક દવાઓ કેટલા જથ્થામાં અને કેટલી કિંમતની પકડાઈ તેની વિગતો.
FDCA, ATS, NCB, DRI, Customs, Gujarat Police, SOG અને Crime Branch અલગ-અલગ કેસો જાહેર કરે છે. પરંતુ કોઈ એક સંકલિત રાજ્ય ડેટાબેઝ આરોગ્ય વિભાગ આપતો નથી.
જાહેર અહેવાલોમાંથી મળતી કેટલીક મોટી જપ્તીઓ:
| વર્ષ | જિલ્લો/સ્થળ | દવા/પદાર્થ | જથ્થો | કિંમત (રૂપિયામાં) |
| 2020 | અમદાવાદ (બાવળા) | Codeine syrup | 4,941 બોટલ | ₹5 લાખથી વધુ |
| 2024 | સુરત (પલસાણા) | Mephedrone (MD) અને કાચો માલ | – | ₹51.4 કરોડ |
| 2024 | ભરૂચ (દહેજ) | Liquid Tramadol | – | ₹31 કરોડ |
| 2024 | કચ્છ (મુન્દ્રા) | Tramadol tablets | 68 લાખ ગોળીઓ | અંદાજે ₹110 કરોડ |
| 2025 | વડોદરા | Codeine syrup + Tramadol | – | ₹25.54 લાખ |
| 2025 | વડોદરા | Codeine syrup | 2,570 બોટલ | ₹7.89 લાખ |
| 2025–26 | અમદાવાદ, સુરત, રાજકોટ, કચ્છ, સુરેન્દ્રનગર | Codeine supply network | 50 લાખ બોટલનું નેટવર્ક | – |
| 2026 | અમદાવાદ ગ્રામ્ય (બગોદરા) | Codeine syrup | 107 બોટલ | ₹17,655 |
| 2026 | ગુજરાત (ATS તપાસ) | Alprazolam, Prazepam, Temazepam | – | – |
ભારત
બિહાર, પંજાબ, હરિયાણા, મધ્યપ્રદેશ અને જમ્મુ-કાશ્મીરમાં મેડિકલ સ્ટોર્સ અને ક્લિનિકોમાં દરોડા પાડી કોડીન સિરપ, બુપ્રેનોર્ફિન ઇન્જેક્શન, ટ્રામાડોલ, પ્રેગાબાલિન અને અન્ય સાયકોટ્રોપિક દવાઓ જપ્ત કરવામાં આવી હતી.
ઉત્તર પ્રદેશના અમરોહામાં એક મેડિકલ સ્ટોરમાંથી નાર્કોટિક ઇન્જેક્શનો જપ્ત કરાયા હતા.
પંજાબના લુધિયાણામાં એક ફાર્મસીમાંથી પ્રેગાબાલિન અને અલ્પ્રાઝોલમ ધરાવતી દવાઓના ગેરકાયદે જથ્થા જપ્ત કરવામાં આવ્યા હતા.
તેલંગાણામાં ડ્રગ્સ કંટ્રોલ એડમિનિસ્ટ્રેશને 166 મેડિકલ સ્ટોર્સ સામે કાર્યવાહી કરી હતી. તેમાં કોડીન સિરપ, અલ્પ્રાઝોલમ જેવી આદત પેદા કરતી દવાઓ પ્રિસ્ક્રિપ્શન વિના વેચાતી હોવાનું સામે આવ્યું હતું.
તેલંગાણાના મહબૂબાબાદમાં એક મેડિકલ સ્ટોરના ફાર્માસિસ્ટની ટ્રામાડોલ અને અલ્પ્રાઝોલમ જેવી નશાકારક દવાઓ ગેરકાયદે વેચવા બદલ ધરપકડ કરવામાં આવી હતી.
ગુજરાત ATSએ ઉત્તર પ્રદેશમાં મેફેડ્રોન (MD ડ્રગ) બનાવતી ફેક્ટરી પકડી હતી, જેનું સપ્લાય નેટવર્ક અમદાવાદ સુધી પહોંચતું હોવાનું બહાર આવ્યું હતું.
ભારતમાં સૌથી વધારે ગુજરાતમાં
ગૃહ મંત્રાલય (MHA) ના ડેટા અનુસાર, 2020 અને 2024 ની વચ્ચે અમલીકરણ એજન્સીઓ દ્વારા જપ્ત કરાયેલા ડ્રગ્સના કુલ મૂલ્યમાં લગભગ 65 ટકા હિસ્સો રાજ્યના બંદરો સાથે, ગુજરાત નાર્કોટિક્સ માટે ભારતમાં ટોચના પ્રવેશ બિંદુ તરીકે ઉભરી આવ્યું છે.
ડેટા દર્શાવે છે કે અદાણી મુંદ્રા, પીપાવાવ, ગાંધીધામ અને અન્ય કન્ટેનર ફ્રેઈટ સ્ટેશનો (CFS) સહિત ગુજરાતના બંદરો પર રૂ. 7,345 કરોડથી વધુની કિંમતની જપ્તી જોવા મળી હતી. સંપૂર્ણ જથ્થાના સંદર્ભમાં, ગુજરાતનો હિસ્સો 99 ટકા જબરજસ્ત હતો, જે 2024 માં મુન્દ્રા ખાતે 9.42 મિલિયન ટ્રેમાડોલ ટેબ્લેટ અને ઇન્જેક્શનના ઇન્ટરસેપ્શન દ્વારા પ્રભુત્વ ધરાવે છે. હકીકતમાં, સૌથી મોટી જપ્તી જે અગાઉ રૂ. 21,000 કરોડ જેટલી હતી તે મંત્રાલય દીઠ આશરે રૂ. 6,000 કરોડ હતી.
જેએનપીએ મુંબઈ અને રાયગઢ સીએફએસ જેવા બંદરો પર 2,367 કરોડ રૂપિયાની જપ્તી નોંધાઈ છે, જે રાષ્ટ્રીય કુલના 21 ટકા જેટલી છે. તમિલનાડુના તુતીકોરિન બંદરે 2021માં 303 કિગ્રાના એક કોકેઈનના જથ્થાને કારણે રૂ. 1,515 કરોડ અથવા મૂલ્યના લગભગ 13 ટકા હિસ્સો મેળવ્યો હતો.
ગુમ કરતી સરકાર
ભારતના કોમ્પ્ટ્રોલર અને ઓડિટર જનરલ (CAG) એ ગુજરાત પોલીસ દ્વારા જપ્ત કરાયેલા માદક દ્રવ્યોના હેન્ડલિંગ અને સ્ટોરેજ પર ગંભીર ચિંતા વ્યક્ત કરી છે, જેમાં ઘટસ્ફોટ કરવામાં આવ્યો છે કે 12 વર્ષના સમયગાળામાં 2,300 કિલોગ્રામથી વધુ ડ્રગ્સ ગુમ થયું છે. તેઓએ કહ્યું કે જ્યારે તેમાંથી કેટલીક “ચોરી” હતી, તો કેટલીક “ઉંદરો દ્વારા ખાઈ ગઈ હતી”.
ઓડિટના તારણો મુજબ, ઓગસ્ટ 2010 અને નવેમ્બર 2022 વચ્ચે CID ક્રાઈમ અને સ્પેશિયલ ઓપરેશન ગ્રુપ (SOG) સહિત ગુજરાત પોલીસના એકમો દ્વારા કુલ 6,510.54 કિલોગ્રામ માદક દ્રવ્ય અને 848 બોટલો જપ્ત કરવામાં આવી હતી.
જો કે, જપ્ત કરાયેલા જથ્થાની આખરે નિકાલ કરવામાં આવેલી રકમ સાથે સરખામણી કરતી વખતે વિસંગતતાઓ બહાર આવી હતી.
CAG એ નોંધ્યું હતું કે ઓક્ટોબર 2022 થી જુલાઈ 2023 ની વચ્ચે લગભગ 4,177.86 કિલોગ્રામ નાર્કોટિક્સનો સત્તાવાર રીતે નાશ કરવામાં આવ્યો હતો.
આનાથી અંદાજે 2,332.68 કિલોગ્રામની અસ્પષ્ટ તંગી રહી છે – કુલ જપ્ત કરાયેલી દવાઓના લગભગ 35 ટકા.
દવાઓ
રાજ્યસભા આર.એસ. USQ નંબર 3106, તારીખ 20.08.2025
છેલ્લા પાંચ વર્ષ (2020 થી 2024) દરમિયાન નાર્કોટિક્સ કંટ્રોલ બ્યુરો (NCB) ને આપવામાં આવેલી માહિતી મુજબ તમામ ડ્રગ લો એન્ફોર્સમેન્ટ એજન્સીઓ (DLEAs) દ્વારા નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટ હેઠળ જપ્ત કરાયેલ સૂચિત પદાર્થોની વિગતો. આમાં વર્ષ-દર-વર્ષ અને ઘટના-દર-ઘટનાની માહિતીનો સમાવેશ થાય છે, જેમ કે બંદર, જપ્ત કરાયેલી દવાઓ, જથ્થો અને અંદાજિત મૂલ્ય.
સ્ત્રોત: NCB
| ક્રમ | વર્ષ | પોર્ટ નામ | એજન્સી | જપ્ત દવા | જથ્થો (કિલોમાં/સંખ્યામાં) | કિંમત (કરોડોમાં) | તારીખ |
| 1 | 2020 | JNPA, મુંબઈ | DRI | હેરોઈન | 191 કિલો | 382 | 8/8/2020 |
| 2 | 2021 | વી.ઓ. ચિદમ્બરનાર પોર્ટ, તુતીકોરિન | DRI | કોકેઈન | 303 કિલો | 1515 | 20/4/2021 |
| 3 | 2021 | JNPA, મુંબઈ | DRI | હેરોઈન | 294 કિલો | 588 | 1/7/2021 |
| 4 | 2021 | અદાણી પોર્ટ, મુન્દ્રા | DRI | હેરોઈન | 2988 કિલો | 5976 | 19/9/2021 |
| 5 | 2021 | JNPA, મુંબઈ | DRI | હેરોઈન | 25 કિલો | 50 | 5/10/2021 |
| 6 | 2022 | CFS ગાંધીધામ, ગુજરાત | DRI/ગુજરાત ATS | હેરોઈન | 201 કિલો | 402 | 28/4/2022 |
| 7 | 2022 | પીપાવાવ પોર્ટ, ગુજરાત | DRI | હેરોઈન | 90 કિલો | 180 | 29/4/2022 |
| 8 | 2022 | CFS, રાયગઢ, મહારાષ્ટ્ર | DRI | હેરોઈન | 29 કિલો | 58 | 30/4/2022 |
| 9 | 2022 | અદાણી પોર્ટ, મુન્દ્રા | DRI | કોકેઈન | 52 કિલો | 260 | 26/5/2022 |
| 10 | 2022 | અદાણી પોર્ટ, મુન્દ્રા | ગુજરાત ATS/કસ્ટમ્સ | હેરોઈન | 75 કિલો | 150 | 11/7/2022 |
| 11 | 2022 | JNPA, મુંબઈ | મહારાષ્ટ્ર પોલીસ | હેરોઈન | 73 કિલો | 146 | 15/7/2022 |
| 12 | 2022 | JNPA, મુંબઈ | દિલ્હી પોલીસ | હેરોઈન | 345 કિલો | 690 | 4/9/2022 |
| 13 | 2022 | શ્યામા પ્રસાદ મુખર્જી, કોલકાતા | DRI/ગુજરાત ATS | હેરોઈન | 39 કિલો | 78 | 10/9/2022 |
| 14 | 2022 | JNPA, મુંબઈ | DRI | મેથામ્ફેટામાઈન / કોકેઈન | 198 કિલો / 9 કિલો | 158 / 45 | 1/10/2022 |
| 15 | 2022 | JNPA, મુંબઈ | DRI | કોકેઈન | 50 કિલો | 250 | 7/10/2022 |
| 16 | 2023 | AV જોશી CFS, ગાંધીધામ | DRI | કોકેઈન | 1 કિલો | 5 | 8/8/2023 |
| 17 | 2024 | CFS, મુન્દ્રા | કસ્ટમ્સ | ટ્રામાડોલ ગોળીઓ | 68,78,000 (સંખ્યા) | 275 | 28/7/2024 |
| 18 | 2024 | CFS, મુન્દ્રા | કસ્ટમ્સ | ટ્રામાડોલ ટેબ્લેટ | 25,41,000 (સંખ્યા) | 102 | 13/9/2024 |
| 19 | 2024 | CFS, કોલકાતા | કસ્ટમ્સ | ટ્રામાડોલ ઈન્જેક્શન | 1000 (સંખ્યા) | 0.017 | 28/10/2024 |
દવાના આયાતકારો અને નિકાસકારો, FIR/NDPS કેસ નોંધાયેલા, કેસની સ્થિતિ અને દોષિત ફર્મ અથવા વ્યક્તિઓ સામે લેવાયેલી કાર્યવાહી અંગેની માહિતી.
પોર્ટ નામ
1 જવાહરલાલ નેહરુ પોર્ટ ઓથોરિટી (JNPA), મુંબઈ, મહારાષ્ટ્ર
તપાસ દરમિયાન મેસર્સ સરવિન એક્સપોર્ટ્સના માલિક અને કસ્ટમ હાઉસ એજન્ટ (CHA)ની ધરપકડ કરવામાં આવી હતી. કુલ 5 લોકોની ધરપકડ કરવામાં આવી, કેસ વિચારણા હેઠળ છે.
2 વી.ઓ. ચિદમ્બરનાર (VOC) પોર્ટ, તુતીકોરીન, તમિલનાડુ. એક વ્યક્તિની ધરપકડ, NDPS કેસ નોંધાયો.
3 JNPA, મુંબઈ, મહારાષ્ટ્ર
તપાસ દરમિયાન, એક્સપોર્ટ-ઈમ્પોર્ટ કંપની મેસર્સ સંધુ એક્સપોર્ટ્સના માલિકની ધરપકડ કરવામાં આવી હતી. કુલ 5 લોકોની ધરપકડ કરવામાં આવી, કેસ વિચારણા હેઠળ છે.
4 અદાણી પોર્ટ, સ્પેશિયલ ઈકોનોમિક ઝોન (SEZ), મુન્દ્રા, ગુજરાત
ત્રણ કસ્ટમ બ્રોકર્સ – મેસર્સ પેસિફિક ઇન્ડસ્ટ્રીઝ લિ. (અમદાવાદ), મેસર્સ કોન્ટ્રાન્સ શિપિંગ પ્રા. લિ. (નવી દિલ્હી) અને મેસર્સ સારથી શિપિંગ કંપની લિમિટેડ (ગાંધીધામ) – કસ્ટમ બ્રોકર્સ લાયસન્સિંગ રેગ્યુલેશન્સ 2018 વિરુદ્ધ કાર્યવાહી શરૂ કરવામાં આવી. આ અંતર્ગત, 03 લાયસન્સ હોલ્ડ પર રાખવામાં આવ્યા હતા અને કસ્ટમ બ્રોકર્સ લાઇસન્સિંગ રેગ્યુલેશન્સ (CBLR) હેઠળ વધુ જરૂરી કાર્યવાહી માટે સંબંધિત પોલિસી વિભાગને જાણ કરવામાં આવી હતી. કુલ 2018 લોકોની ધરપકડ કરવામાં આવી હતી. આ કેસ તપાસ માટે NIAને ટ્રાન્સફર કરવામાં આવ્યો હતો. એનડીપીએસ કેસ નોંધાયો.
5 JNPA, મુંબઈ, મહારાષ્ટ્ર
કુલ 5 લોકોની ધરપકડ કરવામાં આવી, કેસ વિચારણા હેઠળ છે.
6 કન્ટેનર ફ્રેઈટ સિસ્ટમ (CFS) ગાંધીધામ, ગુજરાત
મેસર્સ બાલાજી ટ્રેડર્સ (ઉત્તરાખંડ) ના માલિકની ધરપકડ કરવામાં આવી છે. એનડીપીએસ કેસ નોંધાયો, આર.એસ. USQ NO. 3106 (20.08.2025 માટે) પરિશિષ્ટ-II
7 પીપાવાવ બંદર, ગુજરાત. એનડીપીએસ કેસ નોંધાયેલ કોઈપણ પેઢી સાથે કોઈ જોડાણ મળ્યું નથી.
8 CFS, રાયગઢ, મહારાષ્ટ્ર. તપાસ દરમિયાન એક વ્યક્તિની ધરપકડ કરવામાં આવી હતી. હજુ ચાર્જશીટ દાખલ કરવામાં આવી નથી.
9 અદાણી પોર્ટ, SEZ, મુન્દ્રા, ગુજરાત
છ આરોપીઓ સામે NDPS કેસ નોંધાયો. કુલ 3 લોકોની ધરપકડ, NDPS કેસ નોંધાયો.
10 અદાણી પોર્ટ, SEZ, મુન્દ્રા, ગુજરાત
ગુજરાત ATS કેસની તપાસ કરી રહી છે; FIR/ચાર્જશીટ/NDPS ફરિયાદ/દોષા અંગે કોઈ માહિતી ઉપલબ્ધ નથી. 11 JNPA, મુંબઈ, મહારાષ્ટ્ર
મહારાષ્ટ્ર પોલીસ આ બાબતની તપાસ કરી રહી છે; FIR/ચાર્જશીટ/NDPS ફરિયાદ અથવા સજાની નોંધણી વિશે કોઈ માહિતી નથી.
12 JNPA, મુંબઈ, મહારાષ્ટ્ર
દિલ્હી પોલીસ આ બાબતની તપાસ કરી રહી છે; FIR/ચાર્જશીટ/NDPS ફરિયાદ અથવા સજાની નોંધણી વિશે કોઈ માહિતી નથી.
13 શ્યામા પ્રસાદ મુખર્જી બંદર, કોલકાતા, પશ્ચિમ બંગાળ
આયાત કરતી પેઢીનો માલિક ફરાર છે અને સેશન્સ કોર્ટે તેની સામે બિનજામીનપાત્ર ધરપકડ વોરંટ જારી કર્યું છે. હાલમાં પેઢીનો GSTIN સસ્પેન્ડ છે. NDPS કેસ નોંધવામાં આવ્યો છે.
14 JNPA, મુંબઈ, મહારાષ્ટ્ર
તપાસ દરમિયાન આયાત કરતી કંપનીના માલિકની ધરપકડ કરવામાં આવી હતી. આ બાબત વિચારણા હેઠળ છે.
15 JNPA, મુંબઈ, મહારાષ્ટ્ર
તપાસ દરમિયાન આયાત કરતી કંપનીના માલિકની ધરપકડ કરવામાં આવી હતી. આ બાબત વિચારણા હેઠળ છે.
16 AV જોશી CFS, ગાંધીધામ, કચ્છ, ગુજરાત
દાવો ન કરાયેલ કાર્ગો; FIR/ચાર્જશીટ/NDPS ફરિયાદ અથવા સજાની નોંધણી વિશે કોઈ માહિતી નથી.
17 CFS, મુન્દ્રા, ગુજરાત: નિકાસકાર પેઢી સામે ફોજદારી ફરિયાદ દાખલ કરવામાં આવી અને CBLR 2018 ના નિયમોના ઉલ્લંઘન બદલ દંડ.
આ પણ વાંચો:
Gujarat Farmers Protest: વીજલાઈન અને સરકારની દાદાગીરી સામે ખેડૂતો મેદાને! – thegujaratreport.com
