Gujarat Rain Forecast: ગુજરાતમાં ચોમાસાએ જોર પકડ્યું છે. રાજ્યના મોટાભાગના વિસ્તારોમાં વરસાદે ધમાકેદાર એન્ટ્રી કરી છે. 29 જૂને રાજ્યના 160 તાલુકાઓમાં વરસાદ નોંધાયો, જ્યારે 93 રસ્તાઓ વાહન વ્યવહાર માટે બંધ રહ્યા. હવામાન વિભાગે 5 જુલાઈ સુધી ભારે થી અતિભારે વરસાદની આગાહી કરી છે. આ સાથે, માછીમારોને દરિયામાં ન જવાની સૂચના આપવામાં આવી છે.
30 જૂન
હવામાન વિભાગે અમરેલી, ભાવનગર, ગીર સોમનાથ, આણંદ, વડોદરા, ભરૂચ, નર્મદા, છોટા ઉદેપુર, સુરત, તાપી, નવસારી, ડાંગ અને વલસાડ જિલ્લાઓમાં ભારે વરસાદની શક્યતાને લઈને યલો એલર્ટ જાહેર કર્યું છે.
1-2 જુલાઈ
આ બે દિવસ દરમિયાન સાબરકાંઠા, અરવલ્લી, મહીસાગર, દાહોદ, પંચમહાલ, છોટા ઉદેપુર, નર્મદા, તાપી, ડાંગ, સુરત, નવસારી, વલસાડ, અમરેલી, ભાવનગર અને ગીર સોમનાથ જિલ્લાઓમાં ગાજવીજ સાથે ભારે થી અતિભારે વરસાદની આગાહી છે.
3 જુલાઈ
આ દિવસે સાબરકાંઠા, અરવલ્લી, સુરત, તાપી, નવસારી અને વલસાડમાં અતિભારે વરસાદને લઈને ઓરેન્જ એલર્ટ જાહેર થયું છે. બીજી તરફ, અમરેલી, ભાવનગર, ગીર સોમનાથ, બનાસકાંઠા, પાટણ, મહેસાણા, ગાંધીનગર, મહીસાગર, દાહોદ, પંચમહાલ, છોટા ઉદેપુર, વડોદરા, ભરૂચ, નર્મદા અને ડાંગમાં ભારે વરસાદનું યલો એલર્ટ છે.
4 જુલાઈ
4 જુલાઈએ સાબરકાંઠા, અરવલ્લી, આણંદ, વડોદરા, નર્મદા, સુરત, ભરૂચ, નવસારી, વલસાડ, ભાવનગર, અમરેલી, જૂનાગઢ અને ગીર સોમનાથમાં ગાજવીજ સાથે ભારે વરસાદની આગાહી છે.
5 જુલાઈ
5 જુલાઈએ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, અમરેલી, ભાવનગર, ગીર સોમનાથ, સુરત, નવસારી અને વલસાડમાં ભારે વરસાદની શક્યતા છે.
આગામી દિવસોમાં રાજ્યમાં વરસાદનું જોર યથાવત રહેવાની શક્યતા છે, તેથી નાગરિકોને સાવચેત રહેવા અને સૂચનાઓનું પાલન કરવા અપીલ કરવામાં આવે છે.
