Ram Navami 2026: વડોદરા (Vadodara) માં આજે ભગવાન રામનવમી પર્વ અંતર્ગત ઠેરઠેર ઉજવણી કરવામાં આવી રહી છે સાથેજ શોભાયાત્રાઓના આયોજન કરાયા છે, શહેરના સંવેદનશીલ વિસ્તારોમાં કોઈ અનિચ્છનીય ઘટના ન બને તે માટે પોલીસ બંદોબસ્ત ગોઠવવામાં આવ્યો છે. તેવી જ રીતે સમગ્ર ગુજરાતમાં રામ નવમી પર્વ ઉપર કોઈ અનિચ્છનીય ઘટના ન બને તે માટે સુરક્ષા વ્યવસ્થા ગોઠવાઈ હોવાના અહેવાલ છે અને મર્યાદા પુરુષોત્તમ ભગવાન શ્રી રામના જન્મોત્સવની ઠેર ઠેર ભારે ઉત્સાહ અને ભક્તિભાવપૂર્વક ભાવિકો ઉજવણી કરી રહયા છે.
આજે પ્રભુ શ્રી રામનો જન્મ દિવસ છે,દર વર્ષે ચૈત્ર મહિનાની શુક્લ પક્ષની નવમી તિથિએ રામ નવમીનો તહેવાર ભક્તિભાવ અને હર્ષોલ્લાસ સાથે ઉજવવામાં આવે છે ભગવાન શ્રી રામનો જન્મ ચૈત્ર માસની શુક્લ પક્ષની નવમી તિથિએ ત્રેતાયુગમાં અયોધ્યા નગરીમાં થયો હતો હિંદુ ધર્મના શાસ્ત્રોમાં જણાવવામાં આવ્યું છે કે જયારે સત્ય ઉપર અસત્ય, પ્રમાણિકતા ઉપર અપ્રમાણિકતા, સદાચાર ઉપર દુરાચાર અને ઋષિ સંસ્કૃતિ ઉપર દૈત્ય શકિતઓ હાવી થવા લાગી ત્યારે તેનો નાશ કરવા માટે ભગવાન શ્રી રામે જન્મ લીધો હતો અને આ સમય હતો મધ્યાહ્નનો અને તીથિ હતી ચૈત્ર સુદ નોમ.
ભગવાન રામના આ જન્મ દિવસને રામનવમી પર્વ તરીકે આસ્થાભેર ઉજવણી કરવામાં આવે છે. વસંત ઋતુમાં આવતા ભગવાન રામના જન્મ દિવસનું ખૂબજ ધાર્મિક મહત્વ છે,ભગવાન વિષ્ણુના સાતમા અવતાર તરીકે ભગવાન રામે પૃથ્વી ઉપર જન્મ લીધો હતો, રામ નવમી પર્વ હિંદુ ધર્મનો મહત્વનો તહેવાર છે.
આજના દિવસે રામકથાના પઠન-પાઠન તેમજ શ્રી રામમંદિરોમાં પૂજન-અર્ચન થાય છે ભક્તો દર્શનાર્થે મંદિરોમાં જાય છે અથવા પોતાના ઘરમાં પણ પૂજા-અર્ચના પણ કરે છે. રામની બાલમૂર્તિની સેવા-પૂજા તથા પારણાનાં દર્શન પણ કરાય છે, આ દિવસ વ્રત-ઉપવાસનું પણ મહત્વ છે.
આજના દિવસે ભગવાન શ્રી રામના જન્મસ્થળ એવા અયોધ્યા સીતા સંહિત સ્થળ (ઉત્તર પ્રદેશ), સીતામઢી (બિહાર), જનકપુર ધામ (નેપાળ), ભદ્રાચલમ (તેલંગાણા), કોદંદરામ મંદિર (આંધ્ર પ્રદેશ) તથા રામેશ્વરમ (તામિલ નાડુ)માં ભક્તોમાં અનેરો ઉત્સાહ છે અહીં ઠેરઠેર શોભાયાત્રાનું આયોજન કરવામાં આવ્યુ છે,અયોધ્યામાં મોટી સંખ્યામાં ભાવિકો ઉમટ્યા છે અનેભાવિકો સરયુ નદીમાં સ્નાન કરી રામમંદિરમાં દર્શન કરી ધન્યતા અનુભવી રહયા છે.સમગ્ર દેશમાં હાલ ભગવાન શ્રી રામ જન્મ દિવસની ઉજવણી થઈ રહી છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
