Trump: બ્રિટનમાં તૈનાત યુએસ ફાઇટર જેટ અને રિફ્યુઅલિંગ ટેન્કરોને મધ્ય પૂર્વની નજીક ખસેડવામાં આવી રહ્યા છે. એક સૂત્રએ જણાવ્યું હતું કે, “રાષ્ટ્રપતિ આ મુદ્દા પર ગંભીરતાથી વિચાર કરી રહ્યા છે. તેઓ લશ્કરી કાર્યવાહીના ફાયદા અને ગેરફાયદા બંને જોઈ રહ્યા છે.” મંગળવારે, ઈરાની અને યુએસ પ્રતિનિધિઓ વચ્ચે જીનીવામાં લગભગ સાડા ત્રણ કલાક સુધી પરોક્ષ વાટાઘાટો ચાલી હતી. ઈરાને કહ્યું હતું કે કેટલાક “માર્ગદર્શક સિદ્ધાંતો” પર સંમતિ સધાઈ છે, પરંતુ યુએસ પક્ષે કહ્યું હતું કે ઘણા મુદ્દાઓ પર ચર્ચા હજુ બાકી છે.

વ્હાઇટ હાઉસના પ્રેસ સેક્રેટરી કેરોલિન લેવિટે કહ્યું હતું કે રાજદ્વારી ટ્રમ્પની પહેલી પસંદગી છે જોકે, લશ્કરી વિકલ્પો પણ ટેબલ પર છે. તેમણે આ માટે કોઈપણ સમયમર્યાદા જાહેર કરવાનો ઇનકાર કર્યો હતો અને ગમેત્યારે કંઈપણ થઈ શકે તે વાત ઉપર ભાર મુક્યો હતો.

આમ,ઈરાન સાથે એક તરફ વાટાઘાટો ચાલુ છે ત્યારે બીજી તરફ ટ્રમ્પ ગમેત્યારે હુમલો કરવાનો આદેશ આપે તેવી પણ અટકળો છે અને સંભવતઃ તા. 22 ફેબ્રુઆરી સુધીમાં અમેરિકા ઈરાન પર હુમલો કરી શકે તેવુ સુત્રોનું માનવું છે.