જામનગરના જોડિયા તાલુકામાં એક કિશોર પર મીની ST બસનું વ્હીલ ફરી વળતાં ગંભીર રીતે ઈજાગ્રસ્ત થયો છે. બસની રાહ જોઈને ઉભેલા કિશોરના પગ પર વ્હીલ ચઢી જતાં ભારે ઈજાઓ પહોંચી છે. તેને સારવાર અર્થે ખસેડાયો છે. ઘટનાની જાણ થતાં જ પોલીસ પણ દોડી આવી ર્યવાહી હાથ ધરી હતી.
મૂળ જોડિયાનો અને હાલ જામનગર શહેરમાં રહેતો અકિલ હનીફ પરીમલ (ઉ.વ.16) જોડિયામાં પરિવાર સાથે આવ્યો હતો. ગઈકાલે બપોરે જામનગર જવા માટે પરિવાર સાથે જોડિયા બસ સ્ટેન્ડ ગયો હતો. તે સમયે ધોલ-જોડિયા- જામનગરની ST બસે સ્ટેન્ડમાં યુ -ટર્ન લેતાં સમય કિશોરનો પગ વ્હીલ નીચે આવી ગયો હતો. જેથી તરત જ ઈજાગ્રસ્ત અકિલને પ્રાથમિક આરોગ્ય કેન્દ્રમાં ખસેડાયો હતો. જ્યા તેને પ્રાથમિક સારવાર આપી વધુ સારવાર માટે જોડિયાની જી. જી હોસ્પિટલમાં લઈ જવામાં આવ્યો હતો. આ ઘટનાની જાણ જોડિયા પોલીસને કરતાં પોલીસ પણ ઘટના સ્થળે દોડી બસચાલક વિરુધ્ધ ગુનો નોંધી વધુ કાર્યવાહી હાથ ધરી હતી.
