Kheda Crime: ખેડા જીલ્લાના ઠાસરાના રાણીયા ગામ પાસે મહીસાગર નદીના બ્રિજ નીચેથી એક યુવકનો મૃતદેહ મળી આવતાં ખળભળાટ મચી ગયો છે. જો કે પોલીસે સઘન તપાસ હાથ ધરી હત્યાનો પર્દાફાશ કરી નાખ્યો છે. પિતરાઈ ભાઈ જ સમાજમાં ઈજ્જત બચાવવા દિનેશ ચુનારા (ઉ.વ.32)ની હત્યા કરી નાખી છે.
મળતી માહિતી અનુસાર ડેસર તાલુકાના નવા સિહોરા ગામના રહેવાસી દિનેશ ચુનારાએ 15 વર્ષ પૂર્વે સમાજ બહાર કઠલાલની એક યુવતી સાથે લગ્ન કર્યા હતા. બાદમાં છૂટાછેડા થઈ ગયા હતા. જેથી સમાજના લોકો દિનેશ અને તેના પરિવારને મહેણાટોણા મારતાં હતા. સમાજના લોકો દબાણ કરતા દિનેશ ખુદ પરિવારજનો નાખુશ હતા. પરિવાર દિનેશથી કંટાળી ગયો હતો.
જેથી મૃતકના પિતરાઈ ભાઈ મહેશ મફત ચુનારા અને તેના ફોઈ સાસુના દીકરા રોહિત ચિમન ચુનારા સમાજમાં આબરૂ બચાવવા માટે દિનેશની હત્યા કરવાનો ઘાટ ઘડ્યો હતો. ત્યારબાદ દિનેશને કોઈ બહાને બહાને બોલાવી હત્યા કરી નાખી હતી. બાદમાં નદીમાં ફેકી દીધો હતો.
પોલીસ તપાસમાં જાણવા મળ્યું કે મહેશ અને રોહિતે દિનેશનું ગળું કાપી હત્યા કરી નાખી હતી. બાદમાં બાઈક લઈને મહિસાગર નદીમાં ફેકવા ગયા હતા. જેથી લોહીના ટપકાં છેક સુધી પડેલા હતા. બ્રિજથી નવા સિહોરા ગામ સુધીના એક કિલોમીટર રોડ પર પણ લોહીના લિસોટા જોવા મળ્યા હતા. હાલ પોલીસે હત્યારાઓ વિરુધ્ધ કાર્યવાહી હાથ ધરી છે.
આ પણ વાંચોઃ Gujarat: કોણીએ ગોળ ચોંટાડતી સરકાર સામે આરોગ્યકર્મીઓએ બાયો ચડાવી!
આ પણ વાંચોઃ Ahmedabad: હોટલમાંથી મહિલાનો મૃતદેહ મળવા મામલે પર્દાફાશ, એક શખ્સે ગળે ટૂંપો દીધો! જાણો વધુ
આ પણ વાંચોઃ A.R. રહેમાનને હોસ્પિટલમાંથી રજા, જાણો સંગીતકારની તબિયત હવે કેવી?
